هل دوالي الخصية هي سبب تأخر الحمل او الاجهاض المبكر ؟
في كتير من الحالات بيشتكي الأزواج من تأخر الإنجاب أو حدوث الإجهاض المبكر او المتكرر رغم أن الزوجة بتكون سليمة طبيًا و معندهاش موانع للحمل ، وفي الحالات دي لازم نطلب من الزوج انه يعمل تحليل للسائل المنوي و اللى ممكن تطلع نتيجته كويسة من حيث العدد و الحركة و التشوهات، ولكن بالفحص، أحيانًا بنكتشف وجود دوالي في الخصيتين .
ودوالي الخصية بتعتبر من أهم الأسباب اللي ممكن تسبب تكسير المادة الوراثية في رأس الحيوان المنوي و ده في حد ذاته ممكن يكون سبب تأخر الانجاب او الاجهاض حتى لو كان تحليل السائل المنوي سليم.
ومن خلال المقال ده هنعرف علاقة دوالي الخصية بتكسير المادة الوراثية الموجودة في راس الحيوان المنوي ، بس في الاول تعالوا نعرف
ايه هي المادة الوراثية الموجودة في الحيوان المنوي :
المادة الوراثية، أو الحمض النووي (DNA)، بتكون موجودة في رأس الحيوان المنوي، وبتحمل المعلومات الوراثية الخاصة بالأب ، و المادة الوراثية دي بتتحد مع المادة الوراثية الخاصة ببويضة الأم عشان تكون الجنين ، و هو ده الوضع الطبيعي اللي لازم يحصل وقت عملية تكوين الجنين فى رحم الام ، و أي خلل أو تكسير في الحمض النووي الموجود في الحيوان المنوي ممكن يؤثر على الجنين في مراحل نموه وتكوينه .
طيب اى اللى هيحصل لو كان فى تكسير فى المادة الوراثية للحيوان المنوي
- اما ان تكسير الماده الوراثية هيكون السبب في عدم قدرة الحيوان المنوي على تخصيب البويضة من الأساس ، وده طبعًا هيسبب تأخر في الإنجاب
- وفي حالات تانية ممكن يحصل التخصيب فعلاً ويبدأ الجنين يتكون، لكن بسبب وجود مشكلة في المادة الوراثية (الحمض النووي) ، الحمل مش هيكتمل وهيحصل إجهاض مبكر، خصوصا في المراحل الأولى من الحمل ، لأن الخلل ده بيمنع الجنين من التطور بشكل طبيعي .
ولو عايزين تعرفوا اي علاقة تفتت المادة الوراثية في الحيوان المنوي بالسقط المتكرر عند الزوجة ، اسمع الفيديو ده مع الدكتور اسامة البكل…….
وبعد ما عرفنا ايه هي المادة الوراثية و اى اللى هيحصل لو كان فى تكسير فى المادة الوراثية للحيوان المنوي ، تعالوا نعرف
ازاي دوالي الخصية ممكن تكون هي السبب في تكسير المادة الوراثية الموجودة في الحيوان المنوي ؟
- دوالي الخصية هتسبب ارتفاع فى درجة حرارة الخصية و ده لان دوالي الخصية عبارة عن توسع غير طبيعي في الأوردة اللي بتنقل الدم من الخصية للقلب في الوضع الطبيعي ، الأوردة دي بتمنع رجوع الدم تاني للخصية بعد تدفقه. لكن في حالة وجود دوالي وخصوصا لو كانت الدوالي دي من الدرجة الثانية أو الثالثة ، الصمامات اللى في الأوردة بتبقى ضعيفة ، و ده اللى بيخلى الدم يتراكم في الخصية والأوردة ، وده بيؤدي لارتفاع درجة حرارة الخصية ، و كمان تراكم مواد مؤكسدة زي الـROS (المواد المؤكسدة النشطة) ، ساعتها كل ده هياثر علي
- انتاج الخصية للحيوانات المنوية
- وهتضر بالهرمونات المسؤولة عن إنتاج الحيوانات المنوية
- وهتضر بالحيوانات المنوية السليمة والمكتملة وهتسبب ضرر بالحمض النووي الموجود في رأس الحيوان المنوي، وبالتالي بتسبب تكسيره .
- ده غير ان دوالي الخصية بتعمل تشوهات في الحيوان المنوي وضعف في حركته ، و كمان بتكون السبب فى نقص عدد الحيوانات المنوية ، وزي ما قولنا قبل كدة ان تشوه الحيوان المنوي ممكن يبقي في الرأس أو في الجسم او في الذيل ، والمادة الوراثية موجودة في راس الحيوان المنوي وهي اللي مسئولة عن تكوين الجنين فالشخص المصاب بدوالي الخصية بيكون عنده نسبة عالية من التشوهات ، و التشوه رأس الحيوان المنوي هيؤدي إلى تفتت المادة الوراثية بداخلها وعدم قدرة الحيوان المنوي على تخصيب البويضة وبكدة مش هيحصل حمل بشكل طبيعي ، او ممكن يحصل حمل ، ولكن فرصة اكتماله هتكون ضعيفة وهيحصل اجهاض مبكر للجنين في خلال اول 3 شهور من الحمل .
وبعد ما عرفنا ازاي دوالي الخصية ممكن تكون السبب في تكسير المادة الوراثية الموجودة في رأس الحيوان المنوي ، و ازاى ده هيأثر على الإنجاب سواء من ناحية تأخر الانجاب أو ان يحصل للزوجة اجهاض متكرر
دلوقتى لازم تبقي عارف ان الحل هنا هو علاج دوالي الخصية بالجراحة الميكروسكوبية
ولازم تكون عارف انك لما تعالج دوالي الخصية، بتحسن من نسبة التشوهات وده هيقلل من معدل تكسير المادة الوراثية الموجودة في رأس الحيوان المنوي وهيكون عندك زيادة في عدد الحيوانات المنوية السليمة والصالحة لتخصيب البويضة وحدوث حمل سليم.
ولو لسه عايزين تعرفوا معلومات اكثر عن اسباب تفتت المادة الوراثية وعلاقتها بتأخر الإنجاب والسقط المبكر عند الزوجة ، اسمع الفيديو ده مع الدكتور اسامة البكل.
وبعد اما عرفنا هل دوالي الخصية هي سبب تأخر الحمل او الاجهاض المبكر ؟ احب اقولك في النهاية لازم تكون متفائل و راضي و متفقدش الامل ابدا في ربنا عز وجل ثم العلاج ، لان الامل هيفضل موجود وهتقدر تخلف وتجيب اطفال بس الأهم أننا نتشخص صح علشان نعرف نتعالج صح.
ولو فكرت وحابب انك تتابع معانا وتشوف حل للمشكلة اللي عندك ، تقدر تتواصل معانا على الرقم ده 01018874287 واحنا هنحدد لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.