ما هي اسباب وعلاج تشوه الحيوانات المنوية ؟

ما هي اسباب وعلاج تشوه الحيوانات المنوية ؟

تشوه الحيوانات المنوية واحدة من أهم أسباب العقم عند الرجال ، بسبب بعض الأسباب والعادات الغلط اللى بيعملها معظم الشباب ، وبتسبب في الشكل الطبيعي للحيوانات المنوية ، وده أمر بيترتب عليه صعوبة في الإنجاب ، ولكن بفضل التقدم العلمي والتكنولوجي بقي كل مشكلة وليها علاج ، وتشوه الحيوان المنوي ليها كذا طريقة للعلاج وهنقدر نحلها باذن الله.

ودلوقتي تعالوا نعرف مع بعض ايه هو الشكل الطبيعى للحيوان المنوي ، 

وامتي نقول على الحيوان المنوي انه مشوه : 

في البداية لازم تكون عارف ان الشخص الطبيعي والسليم لازم يكون عنده نسبة من الحيوانات المنوية المشوهة في العينة ، والنسبة دي بتكون اقل من 96% وبالتالي لو النسبة دي زادت عن كده هيكون الشخص ده عنده تشوه للحيوانات المنوية.

ولو عايز تعرف معلومات اكثر عن النسبة الطبيعية لتشوه الحيوانات المنوية ، اسمع الفيديو ده مع الدكتور اسامة البكل…

ولان الحيوان المنوي بيكون ليه مواصفات معينة علشان يقدر يوصل للبويضة ويخصبها ويكون جنين ، وبيتكون من : 

• رأس الحيوان المنوي : 

1/ والرأس دي لازم تكون بيضاوية الشكل.

2/ وبيكون فيها 23 كروموسوم اللي هي المادة الوراثية للزوج واللي بتكون مسؤولة عن تكوين الجنين ، ولازم تكون المادة الوراثية دي سليمة ومفيهاش نسبة تفتت أو أي عيوب خلقية او اي مشاكل في الجينات أو في عدد الكروموسومات ، لان لو فيها خلل هيحصل مشكلة في الأجنة  واما انها مش هتتولد اصلا او هتتولد بعيوب خلقية.

3/ والرأس دي بيكون عليها الاكروسوم وده حاجة عامله كده زي الكاب ، و الاكروسوم ده بيكون فيه انزيمات هى اللى بتكون مسؤولة عن ان الحيوان المنوي يخترق البويضة ، و لو الاكروسوم ده مش موجود كده الحيوان المنوى يعتبر مشوه و مش هيقدر يخترق البويضة ويكون جنين.

• عنق الحيوان المنوي : 

ويعتبر هو مصدر الطاقة اللي بيحرك ذيل الحيوان المنوي ويساعده على الانتقال من مهبل الزوجة بعد القذف عشان يوصل لقناة فالوب و يخصب البويضة.

• ذيل الحيوان المنوي : 

1/ ولازم ذيل الحيوان المنوى يكون مستقيم ومش معووج و مفيهوش اي عيوب خلقية. 

2/ والذيل بيكون جواه أنابيب رفيعة جمب بعض والأنابيب دي بتتفاعل وهى اللى بتخلى الذيل يتحرك يمين وشمال ويدي الحيوان المنوي القدرة على الحركة.

وبالتالي هو ده الشكل الطبيعى للحيوان المنوى واللي هنقدر من خلاله نقول ان الرجل ده عنده خصوبة جيدة وقدرة على الإنجاب ، لكن لو لقينا عكس ده ، بمعني : 

• أن لو لقينا ان الحيوان المنوي عنده رأسين. 
• او أن الرأس أكبر أو أصغر من المعدل الطبيعي.
• أو أن فى عيوب في العنق.
• أو أن الذيل كان صغير او معوج او مش موجود اصلا.

ساعتها كل الحاجات دى هتقول ان الحيوان المنوى ده مشوه ، و مش هيقدر انه يخصب بويضة ويكون جنين ، وده ممكن يحصل نتيجة اسباب كتير منها عادات كثير غلط بنعملها في حياتنا ، زي : 

1/ خلل الهرمونات : بمعنى ان فى مشكلة فى الغدة النخامية اللى بتفرز هرمون FSH و LH ، لان الهرمونات دي هي اللى بتحفز الخصية على إنتاج هرمون التستوستيرون والحيوانات المنوية ، وبالتالي لما يحصل خلل في الغدة النخامية ساعتها الخصية هتوقف إنتاج الحيوانات المنوية السليمة والمكتملة ، وهيبقى عندنا حيوانات منوية مشوهة.

2/ دوالي الخصية : لان الدوالي بتاثر على الدورة الدموية في الخصية ، وده طبعا بيأثر على الحيوانات المنوية و بيتسبب في تفتيت المادة الوراثية في رأس الحيوان المنوي ، ده غير انها بتسبب تشوهات في الرأس وضعف في الحركة وقلة في عدد الحيوانات المنوية عن المعدل الطبيعي.

3/ وجود التهابات أو عدوى في الجهاز التناسلي :  كالأمراض المنقولة جنسياً أو العدوى الفيروسية لان كل ده بيسبب تلف فى إنتاج الحيوانات المنوية و بنيتها وشكلها.

4/ التعرض للتلوث والسموم البيئية : واكتر ناس بتكون معرضه لده هما الناس اللي بيشتغلوا في أماكن بيتعرضوا فيها للإشعاع أو المواد الكيميائية ، وده بيسبب لهم مشاكل كتير في إنتاج الحيوانات المنوية زي التشوه. 

5/ التدخين بشراهة : لأن مادة النيكوتين الموجودة في السجائر بتقلل من وصول الدم للخصية ده غير السموم اللي بتوصل للخصية وده بيزود من نسبة التشوه في الحيوانات المنوية. 

وبعد ما عرفنا اسباب تشوه الحيوانات المنوية ، تعالي اقولك هنعالجها ازاي المشكلة دي : 

بس في البداية لازم تكون عارف ان علاج تشوه الحيوانات المنوية مبقاش حاجة صعبة زي ما كان زمان ، لان بفضل التقدم العلمي والتكنولوجي بقي موجود دلوقتي حلول كتير جدا نقدر نعالج بيها مشكلة التشوه دي ، زي اننا نعرف ايه سبب التشوه ونعالجه.

بمعني ان لو كان سبب التشوه وجود : 

1/ خلل فى الهرمونات : فعلاجها هنا هيكون أدوية منشطة للخصية علشان ترجع تاني تنتج حيوانات منوية بشكل طبيعي.

2/ أما لو كان السبب وجود دوالي في الخصية : هنعالجها عن طريق ربطها بالجراحة الميكروسكوبية ، افضل واحسن طريقة تعالج بيها دوالي الخصية ، وبعد العملية هنلاقي ان نسبة الحيوانات المنوية المشوهة وصلت للمعدل الطبيعي.

3/ لكن لو كان سبب تشوه الحيوانات المنوية التدخين : فلازم نبطل تدخين عشان التشوه يقل و يبقى عندنا حيوانات منوية سليمة في العينة.

لكن بقي لو عالجنا الاسباب دي ولقينا ان لسه عندنا نسبة التشوه عالية ، فى الحالة دى هيكون عندنا حلين اثنين : 

• اما اننا ناخد عينة من السائل المنوى و نعمل بيها تلقيح صناعى. 
• او لو ملقيناش حيوانات منوية سليمة فى عينة السائل المنوي هنستخرج الحيوانات المنوية من الخصية ، عن طريق اما سحب عينة بالإبرة أو التفتيش الميكروسكوبي.

في النهاية ، لازم تكون عارف ان اي حاجة ليها علاقة بالإنجاب ، بالتالي هي مصدر خوف وقلق عند اي زوجين ، لكن خليك متاكد ان ربنا سبحانه وتعالي لما بيخلق الداء بيخلق معاه الدواء ، علشان كدة خليك متطمن ان حتى لو نسبة التشوه عندك وصلت 100% برضه هيكون ليها علاج وهيكون عندك طفل سليم بإذن الله.

ولو خلاص فكرت وقررت تبدأ رحلة العلاج معانا ، تقدر تتصل بينا على رقم 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة امراض الذكورة وتاخر الانجاب والصحة الجنسية بطب القصر العيني.

---