ما هي أسباب انخفاض عدد الحيوانات المنوية عند الرجال ؟
يعتبر انخفاض عدد الحيوانات المنوية احد اهم اسباب العقم عند الرجال ، وعلى الرغم من أن نسبة كبيرة جدا من الرجال اللي بيعانوا من انخفاض في عدد الحيوانات المنوية لديهم قدرة على الإنجاب بشكل طبيعي ومن غير حدوث اي مشاكل ، الا ان عدد الحيوانات المنوية مهم جدا في عينة السائل المنوي وفي إخصاب البويضة وحدوث الحمل.
ومن خلال المقال ده هنتكلم مع بعض عن أسباب انخفاض عدد الحيوانات المنوية عند الرجال وعلاجها :
بس في البداية لازم تكون عارف ان الشخص الطبيعي بيقدر يخرج حوالي من 80 إلى 300 مليون حيوان منوي في عملية القذف الواحدة وبالتالي لو عدد الحيوانات المنوي قل في عينة السائل المنوي عن 15 مليون حيوان منوي ، فده معناه ان الشخص ده بيعاني من انخفاض شديد في عدد الحيوانات المنوية وهيواجه صعوبة في الإنجاب.
وهنا لازم تكون عارف ان في اسباب كثيرة ممكن تكون سبب الإصابة بانخفاض عدد الحيوانات المنوية ، زي :
1/ الإصابة بدوالي الخصية : وتعتبر أحد أشهر الأسباب اللي بتؤدي إلى العقم عند الرجال ، لانها بتعمل تضخم في الاوردة المحيطة بالخصية بسبب ضعف الصمامات الموجودة في الاوردة واللي مسؤولة عن تنظيم تدفق الدم من الخصيتين الى القلب ومنع عودته تاني للخصية ، فلما الصمامات دي بتضعف ، ساعتها الدم بيرجع تاني للخصية ويفضل يتراكم داخل الاوردة ويرفع من درجة حرارة الخصية ، وكل ده بيضعف من وظيفة الخصية على إنتاج الحيوانات المنوية.
2/ وجود خلل في الهرمونات : وده بيكون عبارة عن خلل فى مستوى هرمون الذكورة أو مستوى هرمون الأنوثة ، واللى بيكون سبب فى ان يحصل قصور في وظيفة الغدد التناسلية وساعتها هيأثر على إنتاج الخصية وجودتها للحيوانات المنوية.
3/ وجود عدوى أو التهاب في الجهاز التناسلي : زى التهاب الخصية أو البربخ أو الأمراض المنقولة جنسيًا ، وكل الامراض دى بتأثر على صحة وجودة الحيوانات المنوية ، وكمان بتسبب نقص شديد فى عدد الحيوانات المنوية.
4/ الخصية المعلقة : وده عبارة عن عيب خلقي بيصيب الأطفال الذكور بعد الولادة مباشرة ، وهنا بنلاقي أن خصية واحدة أو الاتنين مش بتنزل إلى مكانها الطبيعي في كيس الصفن و بتفضل معلقة داخل البطن أو في المنطقة الارابية ، ولازم نعالجها قبل بلوغ الطفل عمر سنة على يد جراح متخصص و كل ما هنتأخر في إنزال الخصية كلما زادت فرصه اننا نوصل لانعدام في الحيوانات المنوية.
ولو عايز تعرف ايه علاقة الخصية المعلقة بتأخر الإنجاب عند الرجال ، اسمع الفيديو ده مع الدكتور اسامة البكل…
5/ لو عندنا قذف مرتجع : وده معناه ان السائل المنوى مش بيخرج وقت القذف من القضيب ، و بيرجع للمثانة ، و السبب فى ده ان في عضلة صغيرة في عنق المثانة ، واللى وقت القذف بتتقفل عشان تمنع دخول السائل المنوي للمثانة ، بس في بعض الحالات بيحصل ضعف في عضلة المثانة ، وساعتها فتحة المثانة مش هتتقفل وهيدخل السائل المنوي فيها وقت القذف بدل ما يطلع فى القضيب ، و كل ده هيسبب مشكلة في السائل المنوي ، ونقص في كمية السائل المنوي ونقص في عدد الحيوانات المنوية.
6/ لو عندنا انسداد في القنوات المنوية : لان ده هيمنع خروج الحيوانات المنوية واختلاطها مع السائل المنوي وقت عملية القذف ، وده هيتسبب فى نقص عدد الحيوانات المنويه او انعدامها.
7/ الأجسام المضادة : وهنا جهاز المناعة بيهاجم الحيوانات المنوية باعتبارها أجسام غريبة ، و بيفرز ضدها مضادات اكسدة هتتسبب في موت الحيوانات المنوية وقلة عددها.
8/ السمنة المفرطة : وده لانها بتأثر على مستويات هرمون الذكورة في الجسم و بتزود من مستويات هرمون الانوثة وهتاثر على صحة وجودة الحيوانات المنوية.
9/ التدخين : وده لأن مادة النيكوتين الموجودة في السجائر بتعمل ضيق في الأوعية الدموية الموصلة للعضو الذكري ، وده بيقلل من تدفق الدم إلى القضيب ، و بياثر كمان على الصحة الإنجابية عند الرجال لأنه بيقلل من وظيفة الخصية في تصنيع الحيوانات المنوية.
10/ التعرض للعلاج الكيميائي او الاشعاعي : لأن علاج الأمراض السرطانية بيأثر على انتاج الخصية للحيوانات المنوية ، وعشان كده لو كنا هنتعرض للعلاج الكيميائي أو الإشعاعي يفضل اننا نعمل تجميد للحيوانات المنوية قبل بداية العلاج عشان نستخدمها بعد التعافي في عمليات الحقن المجهري.
وبعد ما عرفت أسباب انخفاض عدد الحيوانات المنوية ، اوعى تقلق ولا تخاف ، لان كل مشكلة من اللي قولنا عليها في المقال ده ليها علاج ، بمعني اوضح ان العلاج بيتحدد علي حسب سبب المشكلة ، يعني لو كان السبب في انخفاض عدد الحيوانات المنوية هي :
1/ دوالي الخصيتين : العلاج هيكون عن طريق ربط الدوالي بالجراحة الميكروسكوبية افضل واحسن طريقة تعالج بيها دوالي الخصية من غير ما تضر الخصية.
2/ أما لو كان السبب هو وجود خلل في الهرمونات : فالعلاج هيكون هرموني عشان نعوض بيه نقص الهرمونات في الجسم والخصية ترجع تنشط تاني و تنتج حيوانات منوية بجودة عالية.
3/ أما لو كان السبب هو الالتهابات : في الحالة دي هنطلب من المريض أنه يعمل مزرعة سائل منوي علشان نحدد نوع البكتيريا والمضاد الحيوي المناسب لحالته.
4/ أما لو كان السبب هو القذف المرتجع : وقتها العلاج هيكون بالأدوية علشان ننشط عضلة عنق المثانة ونوجه القذف للأمام بدلاً من الخلف.
5/ وفي حالة كان السبب هو التدخين : الحل هنا هو الإقلاع عن التدخين لتحسين صحة وجودة الحيوانات المنوية.
واخيرا ، لازم تكون عارف ان علشان يتم إخصاب البويضة وحدوث الحمل ، مش بنحتاج غير حيوان منوي واحد سليم علشان يخصب البويضة ويكون جنين ، ولكن ده مش معناه ان العدد مش مهم ، بالعكس عدد الحيوانات المنوية بيعزز من إخصاب البويضة وبيرفع من فرص نجاح الحمل الطبيعي ، علشان كده اوعى تهمل اي مشكلة ممكن تاثر على الانجاب ، وتسعى انك تعالجها وانت عارف ومتاكد ان هتفيدك مش هتضرك.
ولو خلاص قررت انك تتعالج متترددش لحظة واتصل بينا واحنا هنحدد لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني