ما هي اسباب ضعف الانتصاب المفاجئ وكيفية تشخيصه ؟

ما هي اسباب ضعف الانتصاب المفاجئ وكيفية تشخيصه ؟

هل تعرضت في يوم لضعف الانتصاب المفاجئ ؟ هل تفاجأت بأنك غير قادر على ممارسة العلاقة الزوجية بسبب ضعف الانتصاب ؟ طب هل ده تسبب لك في حرج شديد مع زوجتك ؟ هل تعرضت لأذى نفسي نتيجة عدم انتصاب القضيب بشكل كامل ؟ 

ومن خلال المقال ده هنتكلم عن اسباب ضعف الانتصاب المفاجئ وأعراضه ، وتشخيصه وطرق علاجه.

ودلوقتي تعالوا نعرف مع بعض ايه هو ضعف الانتصاب : 

ضعف الانتصاب بيحصل نتيجة عدم قدرة الشخص على بلوغ الانتصاب أو الحفاظ عليه المدة الكافية لحد ما نخلص العلاقة الزوجية ، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده إما بيكون بسبب ضعف في ضخ الدم إلى القضيب ، أو أن مش بيتم الاحتفاظ بالدم داخل القضيب لحد ما نخلص العلاقة الزوجية ، نتيجة تسربه خارج العضو الذكري.

طب ايه هو سبب ضعف الانتصاب المفاجئ عند الرجال : 

في البداية لازم تكون عارف ان اسباب ضعف الانتصاب : عضوية – نفسية

• الأسباب العضوية : وتمثل حوالي 80% من حالات ضعف الانتصاب زي :

1/ مرض السكر : لأن ارتفاع مستوى السكر في الدم ، بيعمل تلف في الأعصاب اللي مسؤولة عن تحفيز الإثارة الجنسية عند الرجل ، وكمان بيأثر على ضخ الدم جوا الشرايين ، وبكده الدم مش هيوصل كويس للقضيب ، وهيسبب ضعف انتصاب.

2/ تصلب الشرايين : لأن ضعف الانتصاب بينتج عن أمراض القلب اللي من أهمها انسداد الشرايين واللي بتحدث نتيجة ارتفاع نسبة الكوليسترول في الدم ، فلو عندك انسداد في الشرايين ده هيتسبب في منع وصول الدم للقضيب ، وهيسبب ضعف انتصاب.

3/ ارتفاع ضغط الدم : بمعنى أن ضغط الدم الطبيعي بيحافظ على الشرايين اللي بتحمل الدم إلى القضيب ، لكن ارتفاع مستوى ضغط الدم في الجسم بيعرض بطانة الشرايين الداخلية للتلف وتزداد سرعة اصابتها بامراض الاوعية الدموية ، وبالتالي الدم مش هيتدفق إلى القضيب بشكل طبيعي وهيسبب ضعف انتصاب. 

4/ انخفاض هرمون التستوستيرون : يؤدي انخفاض هرمون التستوستيرون إلى انخفاض الرغبة الجنسية ، بالتالي انعدام الرغبة الجنسية هيؤدي لضعف الانتصاب.

5/  لو في ارتفاع في مستوى هرمون البرولاكتين وهرمون الأنوثة : لأنهم بيقللوا من مستوى هرمون الذكورة وهيؤدوا لمشاكل في الرغبة وضعف انتصاب.

6/ لو عندنا تسرب وريدي : وده لأن المرحلة الثانية من الانتصاب بتكون من خلال الحفاظ على الدم داخل العضو الذكري وبقاؤه في أنسجة الجسم الكهفي ، فلو كان الوريد مش قادر على بقاء الدم في القضيب لمدة كافية ، ده بنسميه التسرب الوريدي ، بالتالي الرجل مش هيقدر يحافظ على الانتصاب لحد ما يخلص العلاقة الزوجية نتيجة إن الدم تسرب خارج العضو، ولو معالجناش التسرب ده هنوصل ان مش هيبقى في انتصاب أصلاً وقت العلاقة الزوجية.

7/ الإصابة بمرض بيروني : بمعنى أن مرض بيروني بيكون عبارة عن تليفات بتحصل في أنسجة القضيب ، والتليف ده ممكن يخلي القضيب يبان أقصر وقت الانتصاب ، لأن المنطقة اللي فيها تليفات مش بتتمدد وقت الانتصاب وده بيعمل عند الشخص انتصاب منحني أو معوج ، علشان كده تليفات القضيب بتسبب ضعف انتصاب.

8/  لو اتعرضنا لكسر في الحوض : لأن ده هيسبب قطع في الأعصاب ، والأعصاب دي هي اللي بتغذي العضو الذكري وبتتحكم في الانتصاب ، وهنا هنلاقي إن الدورة الدموية سليمة والشرايين والأوردة مفيهاش اي مشكلة ، بس بسبب المشكلة اللي حصلت في العصب مبقاش يحصل انتصاب وقت العلاقة الزوجية.

9/ بعض الأدوية : حيث أن تناول بعض الأدوية زي أدوية الضغط ومضادات الاكتئاب وتضخم البروستاتا ممكن تأثر على الانتصاب بشكل غير مباشر ، سواء عن طريق تأثيرها على الاعصاب أو الهرمونات أو الدورة الدموية ، وعلشان كده لو لاحظنا ضعف انتصاب بعد استخدام دواء معين ، لازم نرجع للطبيب و نشوف البدائل المناسبة.

• الأسباب النفسية : وتمثل حوالي 20% من حالات ضعف الانتصاب زي : 

1/ المشاكل والخلافات مع الزوجة 

2/ ممارسة العادة السرية باستمرار

3/ مشاهدة الافلام الاباحية 

4/ الاكتئاب

5/ المعتقدات الاجتماعية الخاطئة

6/ التوتر والقلق من الاداء الجنسي

ودلوقتي تعالوا نعرف مع بعض كيفية تشخيص مريض ضعف الانتصاب : 

وهنا لازم تكون عارف ان تشخيص مريض ضعف الانتصاب بيكون من خلال 3 مراحل :

المرحلة الأولى : بتكون من خلال جلسة استشارات عن المريض وأخذ تاريخه المرضي من خلال بعض الاسئلة زي 

1/ من امتى وانت بتعاني من ضعف الانتصاب ؟

2/ هل تدخن أو تشرب كحول ؟ 

3/ هل تعاني من عدم وجود رغبة جنسية ؟

4/ هل عملت عمليات جراحية قبل كدة ؟

5/ ايه هي الأدوية التي تتناولها ؟ 

المرحلة الثانية : بنطلب فيها من المريض إجراء بعض التحاليل والفحوصات وتحاليل الدم واللي بتوضح : 

1/ نسبة السكر في الدم.

2/ مستوي الهرمونات في الجسم وتحديدا هرمون الذكورة.

3/ نسبة الكوليسترول في الدم.

4/ دوبلكس ملون على القضيب بالحقن الموضعي.

المرحلة الثالثة : بتكون من خلال جلسة استشارات زوجية ، واللي فيها بنوعي المريض وزوجته حول العلاقة الزوجية وازاي يتجنبوا المشاكل فيها ، وجلسة الاستشارات دي بتساعد على تخفيف حدة التوتر والاكتئاب.

ودلوقتي تعالوا نعرف مع بعض ايه هو علاج ضعف الانتصاب المفاجئ عند الرجال : 

في البداية لازم تكون عارف ان في اكثر من طريقة نقدر نعالج بيها ضعف الانتصاب اللي عندك ، زي : 

• العلاج بالأدوية 

وتعتبر كمنشطات جنسية تعمل على ارتخاء العضلات وزيادة تدفق الدم إلى العضو الذكري حتي يحدث الانتصاب.   

• العلاج بالحقن الموضعي

ويستخدم الحقن الموضعي بعد فشل العلاج بالأدوية ، والحقن الموضعي بيتم عن طريق حقن القضيب موضعيا بابرة رفيعة جدا ، ويقوم الطبيب بتدريب المريض على استخدامها في العيادة حتى يتمكن من حقن نفسه في المنزل ، ويحفز الانتصاب بعد 10 دقائق من الحقن. 

• تركيب دعامة القضيب 

وتعتبر العلاج النهائي لضعف الانتصاب في حالة فشل العلاج الدوائي أو الحقن الموضعي ، وبتحقق انتصاب مرضي جدا و شبه الطبيعي ، ولها نوعين ، دعامة مرنة ودعامة هيدروليكية ، وبنختار النوع المناسب حسب حالة وإمكانية المريض. 

ولو عايز تطمن وتعرف امتي تمارس العلاقة الزوجية بعد تركيب دعامة القضيب ، اسمع الفيديو ده مع الدكتور اسامة البكل…

في النهاية ، لازم تكون عارف أن ضعف الانتصاب مهما كانت درجته أو شدته ، فهو ليه علاج ، علشان كده مهم جداً وقت العلاقة الزوجية أننا نتابع ادائنا كويس جداً ، ولو حسينا ان في تغير حصل فجأة واستمر لفترة طويلة ، منقلقش ومنخافش ونتابع مع دكتور متخصص علشان نعالج المشكلة دي من اولها قبل ما توصل للعجز الجنسي.

ولو محتاج تتابع معانا حالتك ، تقدر تتواصل مع الفريق الطبي على رقم 01018874287 وهما هيحددولك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.