ما هي مضاعفات ومخاطر تركيب دعامة العضو الذكري ؟
لا شك أن مشكلة ضعف الانتصاب من أهم التحديات اللي بيواجهها عدد كبير من الرجال حول العالم ، وعلى الرغم من انها مشكلة كبيرة وبتاثر بشكل سلبي على نفسية الرجل وعلى العلاقة الزوجية بأكملها ، إلا أن ولحسن الحظ بقت مشكلة ليها علاج وحل نهائي ، وهي دعامة العضو الذكري اللي بتمنح للرجال انتصاب طبيعي ومستمر طوال العلاقة الزوجية ، ورغم مميزاتها الكثير الا ان ليها مضاعفات ومخاطر لازم نكون عارفينها عشان علشان نتجنب حدوثها.
ودلوقتي تعالوا نعرف مع بعض ايه هي دعامة العضو الذكري بالتفصيل ،
وليه هي من أفضل الحلول المستخدمة في علاج الضعف الجنسي عند الرجال :
في البداية لازم تكون عارف اننا بنلجا لتركيب دعامة العضو الذكري بعد ما بيكون الشخص جرب معانا كل الطرق العلاجية التانية في علاج ضعف الانتصاب زي الأدوية والحقن الموضعي وفشل معاه ، ف الدعامة في الحالة دي بتساعد على انتصاب العضو الذكري بشكل يشبه الانتصاب الطبيعي تمامًا ، ده غير ان ينفع أي شخص يركب دعامة القضيب سواء كان شاب ، أو في منتصف العمر ، أو حتى كبير في السن.
وهي من أفضل الحلول ، لان ليها مميزات كثير بتساعدها على ده ، زي :
1/ انها بتعالج ضعف الانتصاب بشكل نهائي وجذري ومن غير ما نلجأ لأي أدوية علاجية لفترة طويلة.
2/ وبتحافظ على استمرار انتصاب القضيب لفترة طويلة.
3/ ومش بتعمل أي تغير في شكل أو حجم العضو الذكري وبيفضل زي ماهو.
4/ الأشخاص المصابين بالأمراض المزمنة زي السكر أو الضغط أو القلب بعضهم مينفعش أنهم ياخدوا أدوية أو منشطات ، لكن الدعامة ينفع كل الأشخاص أنهم يركبوها حتى اللي عندهم أمراض مزمنة.
5/ بعض الأدوية أو المنشطات الجنسية ممكن تسبب مضاعفات زي هبوط في الدورة الدموية أو مشاكل في الضغط، لكن الدعامة مش بتسبب أي مشاكل صحية للشخص.
6/ ده غير ان الأدوية أو المنشطات الجنسية آثارها بيروح أول ما بنوقف استخدامهما، لكن الدعامة آثارها مستمر بشكل دائم.
وزي ما عرفت مميزات دعامة القضيب واهميتها ، لازم كمان تكون عارف ان ليها مضاعفات ممكن تحصل بعد تركيبها علشان تقدر تتجنبها ، زي :
- إن العملية ممكن تفشل لو الجراح اختار دعامة حجمها مش مناسب مع حجم العضو الذكري.
1/ لان لو كانت الدعامة أقصر من العضو الذكري : ممكن العضو الذكري يحصل فيه انحناء ، وده هيخلي شكل العضو غريب وقت الانتصاب ، ورأس العضو هتكون فاضية ، وكمان الدعامة في الحالة دي صلابتها بتقل وممكن تتكسر.
2/ اما بقي لو كانت الدعامة أطول من العضو الذكري : وقتها هتسبب ألم ووجع شديد للشخص ، وممكن كمان تخرم رأس العضو الذكري أو أنها تخترق مجرى البول.
- وممكن كمان يحصلك مضاعفات خطيرة لو المكان اللي بنعمل فيه العملية مش متعقم كويس ، أو أن الجراح يكون مش متخصص و معندوش خبرة في إجراء النوع ده من العمليات.
- وممكن كمان الجرح يحصل فيه عدوى أو التهابات لو الشخص اللي ركب الدعامة كان مريض سكر أو مريض قلب ، وملتزمش بالتعليمات و مظبطش مستوى السكر قبل أو بعد العملية.
- ده غير ان ممكن يحصلنا مشاكل كثير لا قدر الله لو الشخص اللي ركب الدعامة متلزمناش بالتعليمات الطبية بالغيار على الجرح وجرعات الأدوية الموصوفة في الموعد اللي حدده الدكتور.
- وعلى الرغم من أن الشعور بالألم بعد العملية بيكون طبيعي إلى حد ما ، إلا أن بعض المرضى ممكن يعانوا من ألم مستمر وطويل الأمد بعد تركيب دعامة القضيب.
- ومن أشهر المضاعفات اللي ممكن تحصل بعد تركيب الدعامة انها تتحرك من مكانها ، لان ده هيسبب ألم وانزعاجًا للمريض.
- عدم رضا بين المرضى بعد تركيب الدعامة وده بسبب مشاكل الدعامة وفشل وظيفتها في تحقيق الانتصاب المطلوب ، وممكن الامر يوصل انهم يعيدوا العملية مرة تانية.
وبعد ما عرفنا المضاعفات اللي ممكن تحصل بعد تركيب دعامة العضو الذكري ، في شوية نصائح وتعليمات لازم تعملها وتلتزم بيها علشان تتجنب المخاطر والعملية تنجح 100% ويكون عندك انتصاب صلب ومستمر ، زي :
1/ ان لو عندك أي أمراض مزمنة زي السكر أو القلب ، لازم يكون في إجراءات خاصة قبل وبعد العملية ولازم كمان مستوى السكر في الدم يكون متظبط.
2/ لازم كمان تختار نوع دعامة مناسبة ليك علشان تتجنب اي مضاعفات.
3/ ولازم كمان تشرح حالتك بالتفصيل للطبيب المعالج في حالة لو كنت عملت أي عمليات جراحية في البطن أو الحوض علشان تاخذ احتياطاتك ومحصلش أي مضاعفات خطيرة بعد إجراء العملية.
4/ واهم نقطة انك تتأكد كويس جدا من المكان اللي هتعمل فيه العملية ، لانه لازم يكون متعقم كويس جدًا ، والجراح اللي هيعمل العملية يكون متخصص وعنده خبرة في إجراء النوع ده من العمليات.
5/ المتابعة المستمرة مع الطبيب خلال الشهر الأول بعد العملية عشان الغيار على الجرح والتأكد من تعقيمه.
ولو عاوز تعرف ايه هي الترتيبات اللي لازم تلتزم بيها لو انت مريض قلب او سكر او ضغط قبل تركيب دعامة القضيب ، اسمع الفيديو ده مع الدكتور اسامة البكل…
في النهاية ، لازم تكون عارف أن عملية تركيب دعامة القضيب عملية سهلة وبسيطة جدًا ونسبة نجاحها وصلت ل 95% ، ولكن علشان العملية تنجح ومايكونش ليها أي أضرار أو مضاعفات زي ما قولنا ، لازم تتأكد كويس جدًا من المكان ومن الجراح اللي هيعمل العملية ، ويكون مختار مقاس ونوع الدعامة مناسبة للعضو الذكري ، ولازم كمان يدي للمريض جرعة مضاد حيوي قبل العملية عشان يمنع حدوث أي عدوى أو التهاب بعد العملية.
واخيرا لو محتاج تتابع معانا مشكلتك ، تقدر تتواصل معانا على رقم 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.