ما هي مضاعفات دوالي الخصية ؟
دوالي الخصية من أكثر المشاكل اللي بيعاني منها نسبة كبيرة من الرجال تصل إلى 15% ، وده طبعاً بياخدنا لخطر أكبر لو أهملنا دوالي الخصية ومعالجنهاش ، لأن مضاعفات دوالي الخصية ممكن توصل إلى العقم التام ، وده اللي أثبتته الإحصائيات أن حوالي 40% من الرجال اللي بيعانوا من العقم أو تأخر بيكون السبب الرئيسي هو دوالي الخصية و النسبة دي ممكن تزيد و تصل ل 80% في حالات العقم الثانوي.
ودلوقتي تعالوا نعرف مع بعض ايه هي دوالي الخصية :
دوالي الخصية هي عبارة عن تضخم في الأوردة المحيطة بالخصية والموجود داخل كيس الصفن والتضخم ده بيحصل نتيجة لضعف الصمامات الموجودة في الأوردة واللي بتكون مسؤولة عن تنظيم تدفق الدم من الخصيتين إلى القلب ومنع عودته تاني للخصية بعد تدفقه ، فلما بيحصل أي خلل أو ضعف في الصمامات دي ، ساعتها الدم اللي طالع من الخصية في اتجاه القلب ، هيرجع تاني للخصية وهيفضل يتراكم داخل الأوردة ، وهو ده اللي بيسبب دوالي الخصيتين.
ولازم تكون عارف أن الدوالي ممكن تحصل لأسباب كثير جداً ، زي :
1/ أنها تكون وراثية ، بمعنى أن ممكن يكون في تاريخ مرضى فى العائلة فى الإصابة بدوالي الخصية.
2/ أو ضعف عام بالأنسجة الضامة بالجسم ، بمعنى أن ضعف الأنسجة الضامة ممكن تحصل نتيجة لأسباب وراثية وده بيخليها تفقد قدرتها على دعم الأوردة والحفاظ على كفاءتها ، وبيؤدي لارتجاع الدم وتراكمه ، مما يسبب ظهور الدوالي.
3/ أو لو بنتعرض لدرجة الحرارة العالية طول الوقت ، زي مثلا الناس اللي شغالة في صناعة الزجاج ، وبيكونوا واقفين فترات طويلة قدام النار ، وبيتعرضوا لسخونة شديدة ، لأن ده طبعاً بيرفع من درجة حرارة الجسم وخصوصا الخصية.
4/ وكمان الوقوف أو الجلوس لفترات طويلة بيزود الضغط على الأوردة في منطقة الحوض ، وده ممكن يسبب توسعها وتجمع الدم ، وده بنشوفه أكتر عند الناس اللي طبيعة شغلهم بتخليهم يفضلوا في نفس الوضع لفترة طويلة ، زي السائقين ، وأفراد الأمن ، والموظفين اللي بيقعدوا على مكتب بالساعات ، أو الناس اللي شغلهم يعتمد على الوقوف المستمر زي الطباخين والحلاقين.
وبعد ما عرفنا الأسباب اللي بتؤدي إلى ظهور دوالي الخصية ،
تعالوا نعرف ايه هي المضاعفات اللي ممكن تسببها دوالي الخصيتين :
1/ دوالي الخصية خطيرة جداً على المراهقين لأنها بتسبب لهم بطء في نمو الخصية ، وايضا علي الكبار لأنها بتسبب لهم صغر وانكماش في حجم الخصية ومع الوقت ممكن يوصل ل فقدان الخصية وضمورها.
2/ دوالي الخصية هي السبب الرئيسي لتأخر الإنجاب ، ومن هنا لازم اخدك لرحلة قصيرة علشان اعرفك ازاى دوالي الخصية هي سبب تأخر الإنجاب عند الرجال.
وهنا لازم تكون عارف أن الخصية هي المصنع اللي بتنتج الحيوانات المنوية المسؤولة عن الإنجاب ، والخصية علشان تقدر تنتج حيوان منوي سليم وخالي من أي تشوه أو عيوب ويقدر يخصب البويضة ويكون جنين لازم تكون درجة حرارة الخصية أقل من درجة حرارة الجسم الطبيعية بحوالي درجتين ، عشان الدم اللي يوصلها يكون دم بارد فتقدر تنتج الحيوانات المنوية.
لكن دوالي الخصية بتأثر على الخصية وبترفع من درجة حرارة الخصية وبتزيد من تراكم المواد المؤكسدة ( ROS ) اللي بتسبب :
1/ ضرر كبير على الخصية ووظيفتها في إنتاج الحيوانات المنوية.
2/ بتضر بالحيوانات المنوية السليمة والمكتملة.
3/ وفي الحالات المتأخرة بتسبب نقص في هرمون الذكورة واللي هياثر علي صحة وجودة الحيوانات المنوية.
4/ وبتسبب تكسير في المادة الوراثية الموجودة في رأس الحيوان المنوي.
5/ وبتسبب نقص في عدد الحيوانات المنوية وضعف في حركتها وزيادة في نسبة تشوهات الحيوان المنوي.
وكل ده هيعيق وصول الحيوان المنوي إلي البويضة وتخصيبها وهيؤدي إلى تأخر الإنجاب.
لكن قبل ما تفقد الأمل في الإنجاب ، خليني اقولك ان كل مشكلة وليها حل ، ودوالي الخصية علاجها الوحيد هو الجراحة ، وقبل ما تقلق وتخاف من الجراحة ، لازم تكون عارف أن عملية دوالي الخصية عملية بسيطة وسهلة جداً ، واللي بيساعد أكثر في ده ، هو الجراحة الميكروسكوبية باعتبارها أفضل وأحسن طريقة تعالج بيها دوالي الخصية من غير ما تضر الخصية ، وده لكذا سبب :
1/ لأن الميكروسكوب الجراحي بيكبر الرؤية و بيخلينا نشوف مكان العملية بشكل اوضح.
2/ وبسبب قوة تكبير الميكروسكوب دي ، بنقدر أننا نميز بين الأوردة والشرايين في الخصية ونتجنب ربط الشريان الخصوي اللي بيغذي الخصية بالدم ، وبكدة مش هيحصل ضمور للخصية.
3/ ده غير اننا بنقدر نتجنب ربط الأوعية الليمفاوية بالغلط وقت العملية ، وبكدة مش هيحصلنا قيلة مائية على الخصية.
4/ وكمان بسبب تكبير الميكروسكوب ، بنقدر نشوف كل الأوردة الصغيرة والثانوية اللي بتكون موجودة على جدار الحبل المنوي اللي بدأت تتضخم ونربطها كلها ، وبكدة مش هيكون في اي فرصة لرجوع الدوالي تاني بعد العملية.
5/ والعملية نفسها مش بتستغرق أكثر من ساعة واحدة بس ، وبعدها المريض بيقدر يرجع بيته بعد 3-4 ساعات ، وبيقدر كمان ينزل شغله بعد 3-5 أيام من العملية.
6/ أما بالنسبة للعلاقة الزوجية ، فتقدر تمارسها بعد حوالي اسبوع واحد بس من العملية.
ولو عايز تعرف هل كل المرضى اللي عندهم دوالي في الخصية من الدرجة الثالثة هيستفيدوا من العملية ، اسمع الفيديو ده مع الدكتور اسامة البكل…
وفي النهاية ، لازم تكون عارف ان دوالي الخصية مرض طبيعي زي اي مرض ، له علاج وكمان نسبة نجاح تخطت الـ 70% بالميكروسكوب الجراحي ، بس مهم جدا انك متهملش علاجها علشان متوصلش انك تضيع فرصة انك تكون اب ويكون عندك أطفال.
ولو خلاص فكرت واخدت قرار العلاج ، تقدر تتواصل مع الفريق الطبي علي الرقم ده 01018874287 ، وهما هيحددولك اقرب ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، وحلينا نبدا مع بعض رحلة العلاج اللي هتنتهي بالذرية الصالحة باذن الله.