ما هي أحدث طرق علاج العقم عند الرجال ؟

ما هي أحدث طرق علاج العقم عند الرجال ؟

العقم عند الرجال يعتبر مشكلة حساسة ومعقدة وتؤثر بشكل كبير على حياة أي زوجين بيحلموا بتكوين أسرة سعيدة ومستقرة ، وبالتالي لما بيواجه الرجل صعوبة في الانجاب بيشعر بالاحباط والعجز وبيبدا يبحث ويدور على حل لهذة المشكلة اللي بتهدد أحلامه. 

ومن خلال المقال ده هنتكلم عن حالات العقم عند الرجال وهنسلط الضوء على أحدث الطرق المستخدمة في علاج العقم عند الرجال في عام 2025 

ودلوقتي تعالوا نعرف مع بعض ايه هي حالات العقم عند الرجل : 

1/ دوالي الخصية : وهي عبارة عن تضخم في الأوردة المحيطة بالخصية الموجودة داخل كيس الصفن ، والدوالي بتؤدي إلى ارتفاع درجة حرارة الخصية وزيادة المواد المؤكسدة ، وده بيأثر بشكل سلبي على إنتاج الحيوانات المنوية من حيث عددها وحركتها وشكلها.

2/ الالتهابات والعدوى في الجهاز التناسلي : بمعنى أن العدوى في الجهاز التناسلي كالأمراض المنقولة جنسيا ، زي التهاب الخصية أو التهاب البربخ ، قد تؤثر على وظيفة الخصية وإنتاجها للحيوانات المنوية. 

3/ وجود انسداد في القنوات المنوية : بمعنى أن لو في انسداد في القنوات المنوية أو في الحبل المنوي ، ده هيمنع خروج الحيوانات المنوية واختلاطها مع السائل المنوي وقت القذف ، وهيتسبب في انعدام الحيوانات المنوية. 

4/ القذف المرتجع : بمعنى أن وقت القذف بيخرج السائل المنوي من مجرى البول في القضيب الى عنق الرحم ، ولكن في حالة القذف المرتجع ، السائل المنوي بيعود إلى المثانة بدلاً من خروجه من مجرى البول ، والسبب في ده أن في عضلة صغيرة في عنق المثانة ، و اللى وقت القذف بتتقفل عشان تمنع دخول السائل المنوي للمثانة ، بس في بعض الحالات بيحصل ضعف في عضلة المثانة ، ساعتها فتحة المثانة مش هتتقفل وهيدخل السائل المنوي فيها ، وفي الحالة دي هيؤدي إلى مشاكل في السائل المنوي و انعدام في الحيوانات المنوية.

5/ الخلل الهرموني : بمعنى أن لو في خلل في مستوى هرمون الذكورة أو خلل في مستوى هرمون الأنوثة ، أو في هرمون fsh , lh وهرمون البرولاكتين ، ده هيتسبب في قصور في وظيفة الغدد التناسلية وهيأثر على إنتاج الحيوانات المنوية.

6/ الإصابة بالأمراض السرطانية : لأن التعرض للعلاج الإشعاعي والكيماوي بيأثر على الخصية وعلى إنتاجها للحيوانات المنوية ، علشان كده بننصح اللي بيتعرضوا للعلاج الكيماوي أنهم يجمدوا عينة من الحيوانات المنوية علشان يستخدموها بعد التعافي في عملية الحقن المجهري.

وبعد ما عرفنا ايه هى حالات العقم عند الرجل ، تعالوا نعرف اي هو العلاج الفعال في الحالات دي : 

في البداية لازم تكون عارف ان حديثا ظهرت تقنيات وعلاجات كثيرة جدا علشان تساعد في علاج العقم عند الرجال ، ومن بينهم :

• العلاج بالخلايا الجذعية : 

حيث يوجد في جسم الإنسان مجموعة صغيرة من الخلايا الجذعية التي تتطور إلى حيوانات منوية عند الذكور وبويضات عند الإناث ، والخلايا دي بتخضع من نفسها لعمليات انقسامات مستمرة وعمليات تجديد ذاتي لتطوير وإنتاج الحيوانات المنوية.

وعلشان الرجل يكون عنده خصوبة جيدة طوال الحياة لازم يكون في توازن ما بين عملية التجديد الذاتي وعملية تطور الخلايا الجذعية إلى حيوانات منوية ، وفي حالة أن التوازن ده اختل ، ساعتها هيأثر علي الخصوبة ، وهيؤدي إلى العقم ومشاكل جنسية أخرى.

ومن هنا جاءت فكرة استخدام الخلايا الجذعية لعلاج العقم عند الرجال ، حيث تقوم هذه التقنية على عزل الخلايا الجذعية الموجودة في خصية الرجل والتي تتطور الى حيوانات منوية ، ثم يتم توفير بيئة مخبرية مناسبة لتطورها حتى يتم إنتاج حيوانات منوية صحية وسليمة ومكتملة النمو ليتم استخدامها في عمليات الحقن المجهري. 

ولكن تقنية الخلايا الجذعية دي لسه تحت الدراسة والتجربة ولم يتم تطبيقها على أرض الواقع.

• حقن البلازما ( PRP ) في الخصية : 

1/ حقن البلازما يتم استخدامها في مجالات مختلفة من الطب لانها بتحتوي على مواد تحفز تكوين الشعيرات الدموية وعوامل النمو لزيادة نمو الخلايا في الحجم والعدد.

2/ والبلازما تعتبر الجزء السائل من الدم ويتم إنتاجها عن طريق أخذ عينة دم من المريض ثم فصل البلازما من العينة ثم حقنها في المكان المراد علاجه زي الخصية في حالات العقم عند الرجال ، وده لأنها بتعمل على تحفيز وتجديد الخلايا في الخصية وشفاء الأنسجة ، وبالتالي فإن حقن البلازما تساهم في تحسين صحة وجودة الحيوانات المنوية ، ده غير انها بتساعد في تحسين إنتاج هرمون الذكورة وتنشيط الحيوانات المنوية ، وبكدة هتعطي امل للمريض انه يكون عنده طفل سليم في المستقبل بالتقنيات المساعدة على الإنجاب زي التلقيح الصناعي او الحقن المجهري.

وهنا لازم تكون عارف ان التقنيات زي العلاج بالخلايا الجذعيه وحقن البلازما (PRP) في الخصية لسه كلها تحت البحث والدراسة ، ومفيش لحد دلوقتي أدلة علمية كافية بتثبت فعاليتها وأمانها بشكل مؤكد في علاج العقم عند الرجال ، وعلى الرغم من إن النظريات اللي وراهم كبيرة ، إلا إنهم لسه ما وصلوش لمرحلة التطبيق العملي المعتمد بشكل رسمي ، علشان كده إحنا في الوقت الحالي مش بننصح باستخدامهم كوسيلة للعلاج ، ويفضل الاعتماد على الطرق المثبتة علميًا واللي ليها نتائج واضحة ومجربة ، لحد ما تظهر دراسات قوية تدعم استخدام التقنيات دي بشكل آمن وفعال.

• تقنيات التفتيش الميكروسكوبي المتقدمة : 

عملية التفتيش الميكروسكوبي من الخصية هي عملية جراحية بتستخدم في الحالات اللي بتعاني من انعدام الحيوانات المنوية في السائل المنوي ، وبتستخدم من أجل البحث والتفتيش عن الانابيب والبؤر المنوية الصالحة في الخصية علشان نستخرج منها الحيوانات المنوية السليمة ونستخدمها في عملية الحقن المجهري. 

واللي بيحصل في عملية التفتيش الميكروسكوبي : 

1/ أن المريض بيكون تحت تأثير التخدير الكلي ، وبنقوم بعمل شق جراحي صغير طوله حوالي 1سم في منتصف كيس الصفن علشان نقدر نوصل إلى الخصية.

2/ وبنستخدم الميكروسكوب الجراحي لانه بيكبر الرؤية لحد 40 ضعف علشان نشوف الخصية بوضوح ، ونبحث عن الانابيب المنوية المنتفخة داخل الخصية لان بيكون جواها الحيوانات المنوية بكميات كبيرة وبنبعد عن الانابيب الضعيفة لان بيكون جواها حيوانات منوية بس بكميات قليلة.

3/ وبعدها بنبعت الأنابيب المنتفخة دي للمعمل عشان يستخرج منها الحيوانات المنوية ويجهزها للحقن المجهري.

4/ وبعد كده بنقفل الجرح اللي عملناه في الخصية وبنرجعها مكانها في كيس الصفن وبنقفل الجرح اللي عملناه في كيس الصفن بغرز تجميلية. 

وبكده هنكون عالجنا مشكلة العقم وحافظنا على أنسجة الخصية من الضرر وحققنا أعلى نسبة نجاح للعملية.

ولو عايز تعرف ايه هي حالات تأخر الإنجاب اللي هتحتاج للتفتيش الميكروسكوبي من الخصية ، اسمع الفيديو ده مع الدكتور اسامة البكل…

• برامج تحفيز الخصية الهرمونية : 

بمعنى أن الغدة النخامية في المخ هي اللي مسؤولة عن إفراز هرمونات الfsh , lh اللي بيحفزوا الخصية على إنتاج الحيوانات المنوية وإنتاج هرمون الذكورة ، بالتالي أي خلل فيها هيؤدي إلى توقف إفراز الهرمونات ، وتوقف الخصية عن إنتاج الحيوانات المنوية وهرمون الذكورة ، مما يسبب انعدام في الحيوانات المنوية وتأخر الإنجاب.

وفي الحالة دي العلاج هيكون هرموني و هنفضل ماشيين عليه حوالي سنة ونص ، والادوية دي عشان نعوض بيها نقص هرمون FSH و LH في الجسم ، او ادويه عشان نقلل بيها هرمون البرولاكتين أو هرمون الانوثة لو لقينا نسبتهم مرتفعة ، وبكدة هرمون الذكورة هيكون في مستواه الطبيعي والخصية هتقدر تشتغل بشكل طبيعي و تنتج حيوانات منوية سليمة ، وبالتالي هيكون عندنا اعلى فرصة لحدوث الحمل الطبيعي. 

ودلوقتي تعالوا نعرف مع بعض دور التكنولوجيا في علاج العقم عند الرجال : 

• تحليل DNA للحيوانات المنوية : 

تحليل DNA للحيوانات المنوية يعتبر واحد من أهم التحاليل المعملية اللي بيتم إجراؤها على الحيوانات المنوية علشان نتاكد من سلامة الحمض النووي ، وهنا لازم تكون عارف ان الحمض النووي بيكون موجودة في راس الحيوان المنوي وهو اللي بيحمل المعلومات الوراثية الخاصة بالاب علشان يتحد مع المعلومات الوراثية الخاصة بالأم لتكوين الجنين ، وبالتالي لو في اي خلل في الحمض النووي ده هيقلل من قدرة الحيوان المنوي على إخصاب البويضة ، وطبعا هيسبب تأخر في الإنجاب.

لذا فإن تحليل DNA للحيوانات المنوية هو اللي بيكشفلنا عن أي خلل في المادة الوراثية للحيوان المنوي واللي مش بيوضحه تحليل السائل المنوي العادي.

• اختيار أفضل الحيوانات المنوية بالليزر : 

بمعني ان علشان نقدر نعمل الحقن المجهري ونعالج مشكلة العقم ، لازم يكون معانا حيوان منوي حي و طبيعي في الشكل والحركة علشان نحقنه داخل البويضة ، لأنه لو كان حيوان منوي ضعيف الحركة هيدينا نتائج سيئة ، وعشان كدة تم اكتشاف إستخدام أشعة الليزر لاختيار الحيوان المنوي الحي في حالات إنعدام الحركة ، حيث يتم تعريض الحيوان المنوي بشكل معين لأشعة الليزر وانتقاء أفضل الحيوانات المنوية السليمة لاستخدامها في الحقن المجهري.

• تحسين نتائج الحقن المجهري بالفحص الجيني : 

بمعني ان الفحص الجيني للأجنة هو جزء أساسي في رحلة التلقيح الصناعي وعلاج مشكلة العقم : 

1/ لأنه بيساهم بشكل كبير في زيادة فرص النجاح وضمان صحة الجنين.

2/ وبيساعد أيضا على الكشف عن أي اضطرابات وراثية أو جينية قد تؤثر على صحة الجنين أو تعيق عملية الحمل.

3/ ده غير انه بيساعد على تحديد الأجنة السليمة والخالية من الأمراض الوراثية ، وده بيزيد من فرص الحمل الناجح وبيقلل من مخاطر الإجهاض أو ولادة طفل مصاب باضطرابات جينية.

وفي النهاية ، لو لسه عندك اي استفسار او تساؤل عن أسباب العقم عند الرجال ، تقدر تتواصل معانا على الرقم ده 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.