ما هي العلاجات الطبيعية والتمارين اللي بتحسن من الانتصاب ؟

ما هي العلاجات الطبيعية والتمارين اللي بتحسن من الانتصاب ؟

بعض الرجالة اول ما بيحسوا ان عندهم مشكلة في الانتصاب اثناء ممارسة العلاقة الزوجية بيجروا بسرعة من غير تفكير على اسهل واسرع حل وهو المنشطات الجنسية ، ولكن زي ما المنشطات بيكون ليها تأثير فعال على بعض الناس ، فهي كمان بيكون ليها اضرار ومضاعفات على البعض الآخر وخصوصا مرضى القلب.

علشان كده لو ركزت شوية هتلاقي ان مش دايما علاج ضعف الانتصاب بيكون صعب ، وكذلك برضه مش دايما الادوية والمنشطات هي الحل ، وان في حالات كتير ممكن تتحسن بشكل طبيعي من خلال تغييرات في نمط الحياة ، ممارسة الرياضة ، وتناول أطعمة مفيدة للصحة الجنسية.

بس قبل ما نتكلم عن العلاجات الطبيعية ، تعالوا نعرف الاول ازاى بيحصل الانتصاب : 

لازم تكون عارف ان علشان يحصل انتصاب طبيعي في العلاقة الزوجية ، بيحتاج القضيب إلى كمية كبيرة من الدم المتدفق إليه ، وبيحتاج إلى قوة الأعصاب واسترخاء العضلات ، وإلى مستوى مناسب من هرمون الذكورة ، وبيحتاج إلى رغبة جنسية كافية ، وبالتالي لو حصل أي خلل في المتطلبات دى هيحصل ضعف انتصاب.

وضعف الانتصاب بيحصل نتيجة عدم قدرة الشخص على بلوغ الانتصاب أو الحفاظ عليه المدة الكافية لحد ما نخلص العلاقة الزوجية، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده إما بيكون بسبب ضعف في ضخ الدم إلى القضيب ، أو أن مش بيتم الاحتفاظ بالدم داخل القضيب لحد ما نخلص العلاقة الزوجية ، نتيجة تسربه خارج العضو الذكري.

ولو عايز تعرف ايه هو أسلوب الحياة الغير صحي وتأثيره على الضعف الجنسي عند الرجال ، اسمع الفيديو ده مع الدكتور اسامة البكل…

ودلوقتي تعالي اقولك ان عشان نحسن من وظيفة الانتصاب ويكون عندنا انتصاب طبيعي وقوي اثناء العلاقة الزوجية ، في شوية تمارين لازم تعملها ، زي : 

• تمارين كيجل : هي مجموعة تمارين رياضية مفيدة جدا بتعمل علي : 

1/ تقوية عضلات قاع الحوض : واللي بتلعب دور مهم في الانتصاب ، ومن خلال ممارسة تمارين كيجل بانتظام ، ده هيؤدي إلى تحسين تدفق الدم والتحكم بشكل أفضل في الانتصاب. 

2/ تنشيط الدورة الدموية : لأن زي ما قولنا قبل كدة ان ضعف الانتصاب بيحصل بسبب عدم تدفق الدم إلى القضيب بشكل كافي، لذلك فإن تمارين كيجل هتعزز من تنشيط الدورة الدموية في منطقة الحوض ، وده هيساعد على توصيل الأكسجين والمواد المغذية إلى أنسجة القضيب ، وبالتالي هيكون عندنا القدرة على الانتصاب.

3/ التحكم في القذف : لأن سرعة القذف أيضا هي مصدر قلق للرجال ، فتمارين كيجل هتعمل علي تقوية عضلات قاع الحوض ، وده هيخلينا نعرف نتحكم بشكل أفضل في القذف وإطالة مدة العلاقة الزوجية وتعزيز الرضا الجنسي بشكل عام.

• المشي السريع والرياضة المنتظمة : 

1/ لأن المشي السريع بيحسن الدورة الدموية في الأعضاء التناسلية وبيساعد على زيادة تدفق الدم إلى القضيب ، بالتالي هيخلينا نستمتع بانتصاب اقوي واطول.

2/ ده غير ان المشي السريع والجري بيخلي الجسم يفرز مادة الأندورفين اللي بتعمل على الاسترخاء وتقليل التوتر ، وده طبعا هيعزز من أدائنا وقدرتنا الجنسية. 

• تمارين التنفس والاسترخاء : 

لأن التوتر بيؤدي إلى منع تدفق الدم إلى الأعضاء التناسلية ، علشان كدة من المهم ممارسة تمارين الاسترخاء زي اليوجا أو التأمل أو تمارين التنفس العميق ، لان ده هيقلل من مستويات التوتر والقلق وهيحسن الدورة الدموية والقدرة الجنسية.

وبعد ما عرفنا ايه هي التمارين اللي المفروض نعملها ، 

تعالوا نعرف ايه هي بقي العلاجات الطبيعية اللي هتقوي من وظيفة الانتصاب :

• تناول نظام غذائي صحي غني بالخضراوات والفاكهة ، زي : 

1/ البنجر والرمان : لأنهم غنيين بمضادات الأكسدة التي بتعزز من تدفق الدم وتقلل من التوتر.

2/ البطيخ : لأن البطيخ يحتوي علي حمض السيترولين ، وهو حمض أميني يتحول في الجسم لأرجينين يفيد فى تحسين عملية الانتصاب ، لأنه بيساعد في استرخاء الأوعية الدموية ، وده هيسهل تدفق الدم إلى القضيب ، و يقوي الانتصاب.

3/ الموز : لانه يحتوي علي البوتاسيوم اللي بيساعد في تنظيم تدفق الدم إلى أعضاء الجسم ، ده غير انه بيساعد في زيادة الرغبة الجنسية وتقوية الانتصاب.

• تناول الأعشاب والأطعمة التي تقوي الانتصاب ، زي : 

1/ عشبة الجنسنج : تعد من أفضل الأعشاب لتقوية الانتصاب ، لانها بتعمل على زيادة إنتاج أكسيد النيتريك اللي بيساعد في تحسين تدفق الدم إلى القضيب وتقوية الانتصاب وتحسين الرغبة الجنسية بشكل عام.

2/ الزنجبيل : له فوائد مذهلة في تعزيز الرغبة الجنسية عند الرجال ، لأنه بيحسن من الدورة الدموية وتدفق الدم في أعضاء الجسم ، ومن ضمنهم الأعضاء التناسلية.

• الإقلاع عن التدخين والكحول : 

لأن التدخين بياثر على الأوعية الدموية وبيقلل من تدفق الدم إلى القضيب ، و شرب الكحول بياثر على الأعصاب وبيضعف من الرغبة الجنسية ، لذلك فان الاقلاع عن التدخين وشرب الكحوليات هيحسن من تدفق الدم إلى القضيب وهيعزز من القدرة الجنسية.

وفي النهاية ، لازم تكون عارف ان حتي لو كان النظام الغذائي بيساهم في تحسين الأداء الجنسي وتقوية الانتصاب ، ضروري انك تتابع مع دكتور ذكورة متخصص علشان تطمن انك مش مصاب بأي مشكلة عضوية تانية هي اللي ماثرة علي  الانتصاب ، لان الطبيب المعالج هو الوحيد اللي يقدر يحدد أفضل طريقة لعلاج ضعف الانتصاب بناءا على حالة كل مريض.

ولو محتاج تتابع معانا مشكلتك ، تقدر تتواصل معنا على الرقم ده 01018874287 واحنا هنحددلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.