ما هي خطوات عملية تركيب دعامة العضو الذكري ؟

ما هي خطوات عملية تركيب دعامة العضو الذكري ؟

الضعف الجنسي واحدة من القضايا اللي بتكون السبب في ظهور المشاكل النفسية والزوجية عند الرجال ، وده اللي بيخليهم يسعوا ويبحثوا عن حل سريع وفعال لعلاج هذه المشكلة وكذلك التخلص من الحرج اللي بيسببه أثناء العلاقة الزوجية ، لحد ما جه دور دعامة العضو الذكري كحل نهائي وفعال في علاج الضعف الجنسي عند الرجال.

ومن خلال المقال ده هنتكلم عن خطوات زرع دعامة القضيب خطوة بخطوة من البداية للنهاية.

ودلوقتي تعالوا نعرف مع بعض ايه هي دعامة القضيب ؟ 

وليه هي من أفضل الطرق المستخدمة في علاج ضعف الانتصاب ؟ 

في البداية لازم تكون عارف ان دعامة القضيب بتعالج مشاكل الضعف الجنسي بشكل نهائي ، ده غير انها بتساعد على انتصاب العضو الذكري بكفاءة ، واهم حاجة ان مش شرط اللي يركبها يكون سن معين ، وعادي ينفع أي شخص يركبها سواء كان شاب ، أو في منتصف العمر، أو حتى كبير في السن بشرط يكون محتاجها فعلا.

طب ليه بنقول عليها انها علاج نهائي وفعال في علاج مشكلة الضعف الجنسي ؟ 

1/ لأن دعامة القضيب بتحل كل مشاكل الضعف الجنسي من غير ما نلجأ لأي أدوية علاجية فترة طويلة. 

2/ بتحافظ على استمرار انتصاب العضو الذكري لفترة طويلة لحد ما نخلص العلاقة الزوجية.

3/ بتناسب الاشخاص المصابين بالامراض المزمنة زي مرضي السكر والضغط وأمراض القلب.

4/ المنشطات الجنسية اللي بناخدها ممكن تسبب لنا مضاعفات زي هبوط في الدورة الدموية أو مشاكل في الضغط ، لكن دعامة الانتصاب مش بتسبب اي مشاكل صحية للشخص.

5/ ده غير ان المنشطات الجنسيه آثارها بيروح اول ما بنوقف استخدامهما ، لكن الدعامة آثارها مستمر بشكل دائم.

وبعد ما عرفت مميزات تركيب دعامة العضو الذكري واخدت قرار تركيبها ، تعالي اقولك ايه هي الخطوات اللي لازم تعملها قبل العملية عشان تكون جاهز ومطمن للعملية : 

1/ لازم تعمل تحليل صورة دم كاملة.

2/ ومهم جدا انك تعمل تحليل سكر تراكمي عشان نتأكد من مستوى السكر. 

3/ ونعمل تحليل سيولة ، وتحليل وظائف كلى وكبد.

4/ وهنعمل تحليل الهرمونات عشان نتأكد من مستوى هرمون الذكورة في الجسم. 

5/ ولازم نعمل أشعة دوبلكس على القضيب علشان نقيم وضع الدورة الدموية والقدرة الجنسية.

6/ وهنحتاج كمان اننا نعمل رسم قلب ، في حالة لو كان الشخص اللى هيركب الدعامة سنه كان اكبر من 40 سنة.

7/ ولو كنا بناخد أي أدوية سيولة لازم نوقفها قبل العملية بكام يوم علي الاقل.

8/ ولازم نمتنع عن الأكل والشرب قبل العملية على الاقل ب 8 ساعات.

9/ ولازم نحلق الشعر اللى موجوده فى منطقة البطن من أول السرة لحد منطقة العانة و حوالين العضو الذكرى.

10/ ومهم جدا جدا جدا اننا نتأكد أن المكان اللي هنعمل فيه العملية يكون متعقم كويس جدًا ، وأن الجراح اللي هيعمل العملية يكون متخصص وعنده خبرة في إجراء النوع ده من العمليات.

وبعد ما عرفت كل الخطوات اللي هتعملها قبل العملية ، نيجي بقي للعملية نفسها ازاي بتم : 

1/ اولا عملية زرع دعامة العضو الذكري بتم تحت التخدير النصفي او الكلي. 

2/ ولازم في الأول نأخذ جرعة مضاد حيوي قبل العملية عشان نمنع حدوث العدوى.

3/ وبعد كده بنبدأ بنطهر المكان اللى هنعمل فيه الجرح كويس ، وبرضو علشان ميكونش عندنا أي فرصة لحدوث أي عدوى أو التهاب في الجرح.

4/ وبعدها بنعمل فتحة صغيرة في القضيب وبنبعد الأوردة والشرايين علشان نوصل للنسيج الكهفي ونزرع الدعامة ، ولو كانت الدعامة مرنة ، بيتم إدخالها من خلال شق جراحي أسفل رأس القضيب أو من خلال شق بين القضيب وكيس الصفن ، أما لو كانت الدعامة هيدروليكية بيتم ادخالها من خلال شق واحد فقط ، بندخل منه الدعامة و المضخة والخزان.

5/ ولازم كمان نتأكد كويس ان مقاس الدعامة مناسب لطول العضو الذكري لا أطول ولا أقصر ، لأنها لو كانت :

• أقصر : ده هيخلي رأس العضو الذكري مرتخية وممكن تتكسر. 
• أطول : ده هيسبب ألم شديد للمريض وقت العلاقة الزوجية وممكن الدعامة تخرج بره رأس العضو الذكري.

6/ وبعد ما خلاص ركبنا الدعامة في مكانها المظبوط ، بنبدأ نقفل الجرح بخيوط تجميلية علشان ميكونش ليه أي أثر.

7/ واخيرا مدة العملية مش بتستغرق أكثر من 60 دقيقة. 

وبعد ما عملنا العملية وركبنا الدعامة ، تعالوا نعرف ايه اللي المفروض ناخد بالنا منه بعد العملية عشان يكون عندنا أعلى نسبة نجاح للعملية : 

1/ لازم نلتزم بعد العمليه اننا ناخد المسكنات والمضادات الحيوية بتاعتنا بانتظام.

2/ لازم كمان ناخد بالنا من ان الجرح مايجيش عليه مايه لمده 3 او 4 ايام بعد العمليه.

3/ هنحتاج كمان اننا نغير على الجرح كل يوم و نطهره لمده 3 او 4 ايام بعد العمليه. 

4/ ونحاول كمان اننا منعملش اى مجهود كبير او نشيل اى حاجة تقيله اول اسبوع بعد العمليه.

5/ ولازم نبعد عن العلاقة الزوجية لمدة 4 او 6 اسابيع لحد ما الجرح يلتئم خالص.

6/ هنحتاج كمان اننا نعمل كمادات تلج عشان نمنع التورم. 

7/ ولازم كمان نفضل نتابع مع الدكتور المتخصص علشان نتاكد من التعافي بشكل تام. 

ولو عايز تعرف هل الإحساس بالمتعة أثناء العلاقة الزوجية هيتأثر بعد تركيب دعامة الانتصاب ولا لا ، اسمع الفيديو ده مع الدكتور اسامة البكل….

وفي النهاية ، لازم تكون عارف ان دعامة العضو الذكري هي الحل النهائي والفعال لكل مشاكل الضعف الجنسي ، ولو التزمت بكل التعليمات اللي قولنا عليها قبل وبعد العملية ، احب اطمنك ان هيكون عندك أعلى نسبة نجاح تتخطى الـ 95% ودي نسبة مش بسيطة خالص كنسبة نجاح عملية جراحية ، في الاخر هي بتساعد الشخص على التحكم الكامل في الانتصاب وفي الوقت اللي يحدده وبتخليه كمان يقدر يستمتع بحياة زوجية سعيدة.

ولو خلاص اخدت قرار العملية معانا ، تقدر تتواصل مع الفريق الطبي علي الرقم ده 01018874287 ، وهما هيحددولك اقرب ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.