ما هي طرق الوقاية من ضعف الانتصاب ؟
القدرة الجنسية عند اي رجل بتتكون وتقوي وتستمر ، لما بتكون ال 3 مقومات الرئيسية المسؤولين عن الانتصاب بيعملوا بشكل طبيعي وهما
- الدماغ : لأنه هو المسيطر علي اللي بنشوفه ونسمعه وبنحس بيه وبنفكر فيه.
- العصب : لأنه هو اللي بينقل الإحساس والشعور من الجسد إلى الدماغ والعكس.
- الدم داخل الأوعية الدموية: يا إما بيمشي بسهولة في مساره الطبيعي، أو ممكن يحصل ضعف في تدفق الدم الشرياني للعضو ، ودي بنسميها مشكلة شريانية أو يحصل تسرب في الدم الوريدي اللي بيخلي الدم يهرب من العضو وده بنسميه تسرب وريدي.
وبالتالي الحاجات دي لو اتاثرت أو حصل فيها اي مشكلة ، هتاثر على العلاقة الزوجية وهتسبب ضعف انتصاب ، ولكن بايدك انك تفضل بصحة جيدة ويفضل عندك انتصاب طبيعي وتفضل المسيطر في العلاقة الزوجية.
ولكن قبل ما اقولك ازاي ده هيحصل ، خليني اقولك ايه هو اصلا ضعف الانتصاب ،
و ايه هي الاسباب اللي ممكن تؤدي إلي الضعف الجنسي عند الرجال :
في البداية لازم تكون عارف ان ضعف الانتصاب بيحصل نتيجة عدم قدرة الشخص على بلوغ الانتصاب او الحفاظ عليه المدة الكافية لحد ما نخلص العلاقة الزوجية ، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده ياما بيكون بسبب ضعف في ضخ الدم إلى القضيب او ان مش بيتم الاحتفاظ بالدم داخل القضيب لحد ما نخلص العلاقة الزوجية نتيجة تسربه خارج العضو الذكري.
ومهم تبقي عارف ان في أسباب وعوامل كثير ممكن تكون سبب اصابتك بالضعف الجنسي ، زي :
- انها ممكن تكون نتيجة أسباب نفسية :
1/ بمعني ان لو عندنا اي مشاكل او خلافات مع الزوجة.
2/ ولو بنمارس العادة السرية باستمرار.
3/ لو بنتفرج على افلام اباحية طول الوقت.
4/ لو عندنا اكتئاب وبناخد أدوية لعلاج الاكتئاب.
- او انه يكون نتيجة أسباب عضوية ، زي :
1/ الاصابة بأحد الامراض المزمنة زي الضغط او السكر او امراض القلب.
2/ انخفاض هرمون الذكورة.
3/ الإصابة بمرض بيروني.
4/ التسريب الوريدي في العضو الذكري.
5/ السمنة وزيادة الدهون في الجسم.
6/ جراحات البروستاتا.
وزي ما عرفنا ان دي كلها اسباب ممكن تؤدي بنا إلى الضعف الجنسي ، ولكن في نقطة مهمة جدا لازم تكون عارفها وهي أن نمط حياتك الصحي والتغذية السليمة بيلعبوا دور مهم جدا في الوقاية من ضعف الانتصاب وتحسين الصحة الجنسية بشكل عام.
بمعني ان الغذاء الصحي هو العلاج والوقاية في نفس الوقت من ضعف الانتصاب لانه بيحسن من الدورة الدموية والحالة النفسية عند الفرد ، ومن اهم هذه الاطعمة :
1/ الخضروات الطازجة ، وخاصة الخضراوات الورقية الخضراء ، زي السبانخ والجرجير ، لان فيها العناصر الغذائية اللي بتساهم في توسيع الأوعية الدموية ، وبالتالي زيادة تدفق الدم إلى القضيب.
2/ المكسرات ، وخاصة ” عين الجمل ” لأنه يحتوي على كميات كبيرة من مادة الأرجنين التي تساعد في تقوية الأداء الجنسي للرجل.
3/ الأسماك ، لأنها تحتوي على بعض الدهون المفيدة لحيوية الجسم والصحة الجنسية ، زي الأوميجا 3.
4/ الفواكه ، زي التوت والرمان ، لأنها غنية بمضادات الاكسدة اللي بتساهم في توسيع الأوعية الدموية الموجودة في الأعضاء التناسلية ، مما يحسن تدفق الدم إليها ، ويزيد من قوة الانتصاب والقدرة الجنسية.
وزي ما عرفنا ايه هي الأطعمة المفيدة اللي بتحسن من قوة الانتصاب ، لازم تعرف ايه هي الحاجات اللي لازم تتجنبها عشان ميحصلكش ضعف انتصاب ، زي :
1/ لازم نبعد تماما عن الاكل الدسم لانه بيزود من الكوليسترول ، وده من اهم اسباب ضيق الشرايين وضعف الدورة الدموية ، و بكده الدم مش هيوصل كويس للقضيب ، وهيسبب ضعف انتصاب.
2/ ولازم كمان نقلل من أكل السكريات و النشويات زي (العيش – الأرز – المعجنات ) ، و نبعد كمان عن مشروبات الطاقة والمشروبات اللى فيها صودا ، لان كل ده بيزود من انتاج الانسولين ، وهيتسبب فى زيادة الوزن وهيحول هرمون الذكورة الي هرمون أنوثة ، وده طبعاّ هيأثر على الانتصاب والرغبة الجنسية.
3/ ولازم نبعد عن الأكل المقلي و اللحوم المصنعة زي مثلا السجق والبسطرمة.
4/ ونتجنب شرب الكحوليات ، لانها بتاثر علي المتعة في العلاقة الجنسية وبتضعف الأعصاب ، وبالتالي هتضر بأعصاب العضو الذكرى و ده هيعملنا ضعف انتصاب وسرعة في القذف.
ولو عايز تعرف معلومات أكثر عن أسلوب الحياة غير الصحي وتأثيره على الضعف الجنسي عند الرجال ، اسمع الفيديو ده مع الدكتور اسامة البكل…
و بعد ما نمنع و نقلل كل الحاجات اللى قولنا عليها دى ، فى شوية نصائح وتعليمات لازم نلتزم بيها علشان نغير نمط حياتنا للأفضل ويكون عندنا قدرة جنسية عالية ، زي :
1/ ممارسة الرياضة بحد أدني 3 مرات اسبوعيا : لأن الرياضة مهمة جدا لحياتك الجنسية ، ومن أهم طرق الوقاية من ضعف الانتصاب ، لأنها بتعزز من صحة القلب والأوعية الدموية وبتحافظ على الوزن وبتقلل من التوتر وتجعل الفرد يشعر بالرضى عن أدائه الجنسي.
2/ الحصول علي قسط كافي من النوم : بمعنى أن النوم الجيد من 6-8 ساعات بيساعد على إفراز هرمون الدوبامين اللي بيكون ليه علاقة بالتحكم في عضلات الجسم ، وبيخلي عندك رغبة جنسية كافية لممارسة العلاقة الزوجية.
3/ الابتعاد عن القلق والتوتر : لان القلق والتوتر من المشاكل اللي بتؤدي إلى ضعف في الرغبة الجنسية وضعف انتصاب ، علشان كدة من أهم طرق الوقاية من ضعف الانتصاب الابتعاد عن التوتر وممارسة طرق الاسترخاء والتأمل.
4/ الحفاظ على وزن صحي ومثالي : لأن الأكل الغير صحي بيأثر على الرغبة الجنسية ، لأنه بيرفع من نسبة الدهون في الجسم وبيؤدي إلى تصلب الأوعية الدموية والشرايين اللي بتمنع وصول الدم الكافي إلى القضيب لحدوث الانتصاب.
لذا فإن تناول نظام غذائي غني بالأطعمة الصحية زي الفاكهة والخضروات والأسماك ، من أكثر الطرق فعالية في الوقاية من ضعف الانتصاب.
وفي النهاية ، لازم تكون عارف ان على الرغم من أن الأطعمة الصحية ليها دور مهم في زيادة القدرة الجنسية ، إلا أنها مش كافية لوحدها لتحسين الحياة الجنسية ، وفي بعض الحالات بيكون لازم تستشير دكتور ذكورة متخصص في حالة وجود مشكلة زي فقدان الرغبة الجنسية ، أو الوجع أثناء الجماع ، بالإضافة للعجز الجنسي.
ولو لسه عندك اي استفسار عن علاج الضعف الجنسي ، تقدر تتواصل معانا على الرقم ده 01018874287 ، واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.