ما هي اسباب دوالي الخصية وهل ليها علاقة بالعقم ؟
ربنا سبحانه وتعالى كان ليه حكمه أنه يخلق الخصيتين عند الرجل داخل كيس الصفن ، علشان يحميها من درجة الحرارة العالية ، وعلشان تقدر تنتج الحيوانات المنوية المسؤولة عن الإنجاب ، لكن دوالي الخصية تعتبر من أكثر المشاكل اللي بتصيب حوالي 15% من الرجال ، وبتسبب فشل وظيفي للخصية يخليها متنتجش حيوانات منوية ، وفي الحالة دي بتسبب العقم وتأخر الإنجاب ل 40% من الرجال.
لكن قبل ما نتكلم عن دوالي الخصية وعلاقتها بالعقم وتأخر الإنجاب ، خلينا الأول نوضح ايه هي دوالي الخصيتين ، وايه هي الأسباب اللي ورا الإصابة بدوالي الخصية
دوالي الخصية هي عبارة عن تمدد وتضخم في الأوردة المحيطة بالخصية الموجودة داخل كيس الصفن ، وده بيحصل بسبب تلف الصمامات الموجودة في الأوردة ، واللي بتكون مسؤولة عن تنظيم تدفق الدم من الخصيتين الى القلب ومنع الدم إنه يرجع تاني للخصية بعد تدفقه ، فلما الصمامات دي بتضعف ، الدم بيبدأ يتراكم داخل الأوردة ، وده بيؤدي إلى تضخم الأوردة ويسبب الدوالي.
ودلوقتي تعالوا نعرف ايه هي الأسباب اللي بتكون ورا الإصابة بدوالي الخصية:
1/ عوامل وراثية : بمعنى أن ممكن يكون في تاريخ مرضى للعيلة فى الإصابة بدوالي الخصية.
2/ ضعف عام بالأنسجة الضامة بالجسم : بمعنى أن ضعف الأنسجة الضامة ممكن تحصل نتيجة لأسباب وراثية وده بيخليها تفقد قدرتها على دعم الأوردة والحفاظ على كفاءتها ، وبيؤدي لارتجاع الدم وتراكمه ، مما يسبب ظهور الدوالي.
3/ لو بنتعرض لدرجة الحرارة العالية طول الوقت : زي مثلا الناس اللي شغالة في صناعة الزجاج ، وبيكونوا واقفين فترات طويلة قدام النار ، وبيتعرضوا لسخونة شديدة ، وده طبعاً بيرفع من درجة حرارة الجسم وخصوصا الخصية.
4/ لو بنتعرض بشكل مستمر للإثارة الجنسية بدون ممارسة العلاقة الزوجية وحدوث القذف.
ولو عايز تعرف ايه الفرق بين الم دوالي الخصية وألم الاحتقان الجنسي الناتج عن الإثارة الجنسية ، اسمع الفيديو ده مع الدكتور اسامة البكل…
وبعد ما عرفنا الأسباب اللي بتؤدي إلي الإصابة بدوالي الخصية ، تعالوا نعرف علاقة دوالي الخصية بالعقم وتأخر الإنجاب :
في البداية لازم تكون عارف أن الخصية علشان تنتج حيوان منوي سليم خالي من أي عيوب أو تشوه ويقدر يوصل للبويضة ويخصبها ويكون جنين ، لازم تكون درجة حرارة الخصية أقل من درجة حرارة الجسم بحوالي درجتين ، لأن الحيوانات المنوية علشان تتصنع بتحتاج لدم بارد.
لكن دوالي الخصية وخصوصًا لو كانت من الدرجة الثانية أو الثالثة ، بترفع من درجة حرارة الخصية وبتزيد من تراكم المواد المؤكسدة (ROS) اللي بتأثر على إنتاج الحيوانات المنوية ، وكمان بتضر بالحيوانات المنوية السليمة وبتضعف من حركة الحيوان المنوي وبتزيد من نسبة التشوهات في شكل الحيوان المنوي ، وكل ده هيسبب العقم وتأخر الإنجاب.
ولازم تبقى عارف إن عشان تحل المشكلة دي ويكون عندك قدرة على الإنجاب ، لازم الأول تعالج دوالي الخصية ، وعلاجها الوحيد هو الجراحة ، وقبل ما تقلق من كلمة جراحة ، خلينى اقولك ان عملية دوالي الخصية عملية سهلة وبسيطة وبتخلص في خلال ساعة واحدة بس بالميكروسكوب الجراحي لانها أسرع وأفضل تقنية لعلاج دوالي الخصية :
1/ لأن الميكروسكوب الجراحي بيساعد في تكبير مكان العملية ، وده بيخلينا نقدر نميز بين الشرايين والأوردة في الخصية.
2/ بسبب تكبير الميكروسكوب ، الجراح بيقدر يتجنب ربط الشريان الخصوي اللي بيغذى الخصية بالدم ، وبالتالي الخصية مش هيحصلها ضمور.
3/ في الجراحة الميكروسكوبية الجراح بيقدر يوصل لكل الأوردة الصغيرة ويربطها ، عشان ميحصلش ارتجاع للدوالى مره تانيه وده اللي مش بنقدر نعمله في الجراحة التقليدية.
4/ والميكروسكوب الجراحي بيساعد الجراح إنه يتجنب ربط الأوعية الليمفاوية ، وبالتالي بيقلل من حدوث قيلة مائية على الخصية.
5/ والعملية مش بتاخد أكتر من ساعة ، والمريض بيقدر يروح البيت في نفس اليوم ، ويرجع للشغل بعد 3-5 أيام.
6/ وبنلاحظ بعد العملية تحسن في تحليل السائل المنوي حوالي 70% وبالتالي فرص الحمل الطبيعي بتزيد.
ولو عاوز تعرف امتي بيحصل حمل بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…
في النهاية، لازم تبقي عارف ان دوالي الخصية مش مرض خطير، بس المهم اننا نكتشفها بدري ونعالجها صح علشان تحقق حلمك في أنك تكون أب.
ولو لسه عاوز تعرف اكتر عن دوالي الخصية ممكن تتواصل مع فريقنا الطبي على رقم 01018874287، وهما هيجاوبوا على كل استفساراتك، أو تطلب منهم تحديد ميعاد مع دكتور اسامه محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.