اي هي الأمراض المزمنة اللي بتسبب ضعف الانتصاب؟
ضعف الانتصاب من المشاكل الشائعة اللي بتأثر على نسبة كبيرة من الرجالة في مختلف المراحل العمرية ، وزي ما قولنا قبل كده ، ان ضعف الانتصاب بيحصل بسبب خلل في الأوعية الدموية اللي مسؤولة عن توصيل الدم للقضيب ، والخلل ده ممكن يكون بسبب ضعف في ضخ الدم او ان مش بيتم الاحتفاظ بالدم داخل القضيب ، فبيحدث تسرب للدم ، وبالتالي مش هيحصل انتصاب.
ولازم تكون عارف إن الأمراض المزمنة زي الضغط والسكر والقلب وأمراض الكلى ، كلها بتأثر على الأوعية الدموية ، والعضو الذكري ما هو إلا وعاء دموي كبير بيتأثر بكل الامراض دي ، علشان كده بيحصل تأثير على الحياة الجنسية بشكل عام ، وده اللي هنشرحه في المقال ده.
دلوقتي تعالوا نعرف مع بعض إيه هي الأمراض المزمنة وعلاقتها بضعف الانتصاب:
1/ أمراض القلب وتصلب الشرايين:
- في ارتباط قوي جدا بين صحة القلب وقوة الانتصاب ، وضعف الانتصاب بيكون نتيجة أمراض القلب اللي اهمها انسداد الشرايين بسبب ارتفاع نسبة الكوليسترول والدهون في الدم ، وفي الحالة دي علشان يحصل انتصاب و نقدر نحافظ عليها لحد ما نخلص العلاقة الزوجية ، لازم الدم اللي يوصل للقضيب يكون كافي وبشكل طبيعي ، فلو عندك انسداد في الشرايين ده هيتسبب في منع وصول الدم للقضيب ، وهيسبب ضعف انتصاب.
- الوقاية من ضعف الانتصاب الناتج عن أمراض القلب بتكون بعدة طرق زي:
- استخدام أدوية بتحسن الأداء الجنسي بعد استشارة الطبيب لتجنب المضاعفات.
- ممارسة الرياضة.
- الإقلاع عن التدخين.
- خسارة الوزن الزائد.
2/ مرض السكر:
- ارتفاع نسبة السكر في الدم بتؤدي إلى تلف الأعصاب اللي بتتحكم في الإثارة الجنسية وتحفيز الانتصاب.
- ارتفاع السكر برضه بيؤدي لتلف الأوعية الدموية ، وده بيخلي الدم يوصل ببطء للقضيب وبالتالي يؤدي لضعف الانتصاب.
وهنا خليني اقولك معلومة مهمة جدا… في فرق بين علاج ضعف الانتصاب عند مريض القلب وعند مريض السكر:
اولا الحالتين ينفع يأخذوا منشطات جنسية، ولكن…. في فرق مهم جدا ، لو عايز تعرف الفرق ، اسمع الفيديو ده مع الدكتور اسامة البكل….