ازاي بيتم تشخيص وعلاج مريض ضعف الانتصاب؟
ضعف الانتصاب من المشاكل الشائعة اللي بتصيب حوالي 40-70% من الرجال ، وللأسف المشكلة دي بتزيد مع التقدم في العمر ، زي ما قولنا قبل كده ، ان ضعف الانتصاب بيشير إلى عدم قدرة الرجل على حدوث الانتصاب أو الحفاظ عليه المدة الكافية لحد ما يخلص العلاقة الزوجية ، وده بيكون نتيجة خلل في الأوعية الدموية اللي بتوصل الدم للقضيب ، والخلل ده ياما بيكون بسبب ضعف في ضخ الدم للقضيب ، أو إن مش بيتم الاحتفاظ بالدم داخل القضيب لحد ما نخلص العلاقة.
وقبل ما نوضح ازاي بيتم تشخيص وعلاج ضعف الانتصاب ، تعالوا نعرف مع بعض ايه هى الاعراض اللي بتكون موجودة عند مريض ضعف الانتصاب…
1/ مشكلة في حدوث الانتصاب من البداية.
2/ صعوبة في الحفاظ على الانتصاب ، أو انتصاب القضيب لفترة قصيرة لا تسمح بإكمال ممارسة العلاقة الزوجية.
4/ ويكون بقاله فترة طويلة يعاني من ضعف في الانتصاب.
ودلوقتي تعالوا نعرف مع بعض ازاي بيتم تشخيص وعلاج مريض ضعف الانتصاب…
وهنا لازم تكون عارف ان تشخيص مريض ضعف الانتصاب بيكون من خلال 3 مراحل:
المرحلة الأولى: بتكون من خلال جلسة استشارات عن المريض وأخذ تاريخه المرضي من خلال بعض الاسئلة زي
1/ من امتى وانت بتعاني من ضعف الانتصاب ؟
2/ هل تدخن أو تشرب كحول ؟
3/ هل تعاني من عدم وجود رغبة جنسية ؟
4/ هل عملت عمليات جراحية قبل كدة ؟
5/ ايه هي الأدوية التي تتناولها ؟
المرحلة الثانية: بنطلب فيها من المريض إجراء بعض التحاليل والفحوصات وتحاليل الدم واللي بتوضح :
1/ نسبة السكر في الدم.
2/ مستوي الهرمونات في الجسم وتحديدا هرمون الذكورة.
3/ نسبة الكوليسترول في الدم.
4/ دوبلكس ملون على القضيب بالحقن الموضعي.
المرحلة الثالثة: بتكون من خلال جلسة استشارات زوجية ، واللي فيها بنوعي المريض وزوجته حول العلاقة الزوجية وازاي يتجنبوا المشاكل فيها ، وجلسة الاستشارات دي بتساعد على تخفيف حدة التوتر والاكتئاب.
ودلوقتي تعالوا نعرف طرق علاج ضعف الانتصاب….
- العلاج بالأدوية:
ويعتبر من اسهل طرق علاج ضعف الانتصاب ، واكثرها امانا بفاعلية تتعدي 70% بشرط اننا نعرف طريقة استخدامها والجرعة المناسبة منها ، لأنها تعتبر كمنشطات جنسية تعمل على ارتخاء العضلات وزيادة تدفق الدم إلى العضو الذكري حتي يحدث الانتصاب.
- العلاج بالحقن الموضعي:
- يستخدم الحقن الموضعي بعد فشل العلاج بالأدوية ، والحقن الموضعي بيتم عن طريق حقن القضيب موضعيا بابرة رفيعة جدا ، ويقوم الطبيب بتدريب المريض على استخدامها في العيادة حتى يتمكن من حقن نفسه في المنزل ، ويحفز الانتصاب بعد 10 دقائق من الحقن ، إلا أن الحقن الموضعي بيسبب مضاعفات في حالات نادرة جدا زي استمرار انتصاب القضيب لأكثر من 4 ساعات ، وده بيستوجب الذهاب فورا الى المستشفى لتفريغ الانتصاب قبل ما يحدث تلف في أنسجة القضيب.
- زراعة دعامة القضيب:
- تمثل العلاج النهائي لضعف الانتصاب في حالة فشل العلاج الدوائي أو الحقن الموضعي.
- وتعتبر من أكثر العلاجات نجاحا لأنها بتحقق الانتصاب بنسبة 100% ، ولها أشكال متعددة بتقنيات مختلفة ، وبنختار النوع المناسب حسب حالة ثم رغبة المريض ، بعد ما بنوضح له امكانيات وتفاصيل كل نوع.
- وفي نوعين من الدعامات وهي :
1/ الدعامة المرنة: وهي دعامة من السيليكون القابل للطي ، حيث تزرع الدعامة في العضو الذكري وعند الرغبة الجنسية يرفع الرجل عضوه الذكري لاعلي ، ومع الانتهاء يعيده لأسفل ، بس النوع ده بيكون غير مريح لبعض الرجال.
2/ الدعامة الهيدروليكية: مكونة من 3 أجزاء: الأنبوبة اللي بتزرع في العضو الذكري، المضخة اللي بتزرع في كيس الصفن ، والخزان اللي بيكون في أسفل البطن ، ودي بتعمل زي الانتصاب الطبيعي تمامًا.
ولو عايز تعرف جزء من اسئلة المرضى قبل ما تركب دعامة العضو الذكري ، اسمع الفيديو ده مع الدكتور اسامة البكل…
في النهاية لازم تكون عارف ان علاج ضعف الانتصاب بيعتمد بشكل أساسي على سبب المشكلة. ومينفعش ان يكون اعتمادك كله على المنشطات الجنسية بس لحل أي مشكلة، لأنها مع الوقت هتسبب لك مشاكل صحية كثيرة أنت في غنى عنها.
ولو لسه متلغبط ومش عارف تبدأ ازاي، تقدر تتواصل مع الفريق الطبي على رقم 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.