ما هو أهمية الدعم النفسي والعاطفي في علاج الضعف الجنسي ؟
تعتبر العلاقة الجنسية جزء لا غنى عنه في حياة الانسان ، وهي من العوامل اللي بتحقق السعادة بين الزوجين ، وطبيعي في رحلة الحياة إن الإنسان يواجه مشاكل وضغوط نفسية وطبيعي تاثر عليه ، ولكن في الحالة دي الضغوط والمشاكل النفسية مش هتاثر عليه لوحده ، دي كمان هتاثر على العلاقة الجنسية وهتكون السبب في الإصابة بالضعف الجنسي.
ولكن متقلقش دلوقتي ومع تقدم العلم والطب بقي ممكن نعالج الضعف الجنسي عند الرجال من خلال تقديم الدعم النفسي والعاطفي ليهم ، لأنه هيساعدهم على تخفيف حدة التوتر والقلق.
ودلوقتي خليني اقولك ايه هو الضعف الجنسي عند الرجال :
الضعف الجنسي بيحصل نتيجة عدم قدرة الشخص على بلوغ الانتصاب أو الحفاظ عليه المدة الكافية لحد ما نخلص العلاقة الزوجية ، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده إما بيكون بسبب ضعف في ضخ الدم إلى القضيب ، أو أن مش بيتم الاحتفاظ بالدم داخل القضيب لحد ما ننهي العلاقة الزوجية ، نتيجة تسربه خارج العضو الذكري.
والضعف الجنسي ممكن يحصل لأسباب كثير :
- اولا : أسباب عضوية
1/ الإصابة بأحد الأمراض المزمنة.
2/ التسريب الوريدي الخلقي.
3/ مرض بيروني او اعوجاج القضيب.
4/ جراحات البروستاتا.
5/ نقص هرمون الذكورة.
- ثانيا : الأسباب النفسية اللي بتكون السبب في الاصابة بالضعف الجنسي
1/ الخلافات الزوجية
بمعنى أن العلاقة الزوجية لازم يكون فيها تعاون ومحبة بين الطرفين ، ولازم الطرفين يكون عندهم رغبة اصلا في العلاقة ، ولو مفيش أي تفاهم بين الطرفين وفي ضغوط نفسية دايماً ، وفي مشاكل وخلافات ، بالتالي ده هيأثر على الرغبة والإثارة الجنسية وكمان على الانتصاب.
2/ الاكتئاب
لأنه من أشهر الأسباب النفسية اللي بتأثر على انتصاب العضو الذكري.
3/ مشاهدة الأفلام الإباحية
لان الافلام دي بتخلي عندنا مفهوم وشكل معين عن العلاقة الزوجية ، ولما مش بنلاقيها على أرض الواقع زي ما احنا متخيلين ، فده بيخلي عندنا قلة ثقة في نفسنا أننا مش كويسين في العلاقة الزوجية ويسبب ضعف انتصاب.
4/ المعتقدات الثقافية والدينية
- لان في بعض الأحيان ، المعتقدات الثقافية أو الدينية الغلط بتخلي الراجل يحس إنه لازم يكون دايمًا المسيطر في العلاقة الزوجية ، وده بيزود عليه الضغط النفسي وبيأثر على متعته وأداءه الجنسي بشكل سلبي.
- ده غير كمان ان في بعض الناس بيكون عندهم إحساس بالذنب أو الخوف من الجنس نفسه ، وده بسبب تربية شديدة أو معلومات خاطئة اتعلموها من صغرهم ، لأن المشاعر السلبية دي بتخليهم مش قادرين يستمتعوا بالعلاقة ، وممكن تسبب لهم مشاكل زي ضعف الانتصاب أو سرعة القذف ، حتى لو مفيش سبب عضوي واضح.
5/ الصدمات النفسية
زي التحرش والاعتداءات الجنسية ، وده هيخلي العلاقة الجنسية تثير عنده استجابة عاطفية شديدة وهتعيد الذكريات المؤلمة اللي اتعرض لها قبل كدة ، وهتتسبب في الانزعاج والشعور بعدم الراحة ، وبالتالي هتسبب ضعف في الأداء الجنسي وضعف انتصاب.
6/ التوتر والضغوط اليومية
المشاكل الحياتية بتأثر على الرغبة الجنسية وبتسبب ضعف في الانتصاب.
إذ كل دي أسباب نفسية ممكن تاثر على أدائك الجنسي وقدرتك على ممارسة العلاقة الزوجية ، ده غير انها ممكن كمان تسبب لك تأخر في الإنجاب لانك مش هتكون قادر تمارس العلاقة الزوجية بانتظام.
ودلوقتي تعالوا نعرف مع بعض ايه هو علاج ضعف الانتصاب النفسي ،
وايه هو أهمية الدعم النفسي والعاطفي في علاج حالات الضعف الجنسي عند الرجال :
في البداية لازم تكون عارف ان في اكثر من طريقة نقدر نعالج بيها ضعف الانتصاب النفسي ، من خلال :
- الدعم النفسي : وده بيكون ليه دور مهم جدا :
1/ لأنه بيساعدنا اننا نتخلص من التوتر والقلق.
2/ بيقلل من المخاوف النفسية المرتبطة بالأداء الجنسي.
3/ بيحسن من علاقتنا بشريك حياتنا وبيساعدنا اننا نحل الخلافات العاطفية ، وده هيخلي حالتنا النفسية اهدي وهيساعدنا على الاسترخاء والتخلص من التوتر والقلق وبالتالي إقامة علاقة جنسية طبيعية.
- الدعم العاطفي : وده بيكون من خلال الزوجة :
لأن الزوجة لو مش متفاعلة مع الزوج وقت العلاقة الزوجية ، ده هيخلي الزوج مش مستمتع بالعلاقة الزوجية ومش هيكون عنده إثارة ولا هيقدر يوصل للنشوة الجنسية ، بالتالي لازم الزوجة تقدم الدعم النفسي للزوج ، وأن يكون في لغة حوار تجمعهم وتبادل للآراء بينهم ، لأن كل ده بيقلل من الضغط النفسي والتوتر اللي عند الزوج ، وبيساعد على حدوث الانتصاب.
- تغيير نمط الحياة : لأن نمط الحياة بيفرق بشكل كبير في الحياة النفسية والقدرة الجنسية ، زي :
1/ ممارسة التمارين الرياضية : لأن الرياضة بتساعد على تقليل التوتر وكمان بتحفز من إنتاج هرمون التستوستيرون اللي بيساعد على تعزيز الرغبة الجنسية وارتخاء العضلات وتدفق الدم للأوعية الدموية وتحقيق الانتصاب.
2/ تناول أكل صحي خالي من الدهون.
3/ الابتعاد عن القلق والتوتر.
- العلاجات الطبية : بمعني ان لو فشلت معاك كل الطرق السابقة في علاج أو تحسين وضع الانتصاب بنلجأ للعلاجات الطبية للتخلص من ضعف الانتصاب زي :
1/ العلاج الدوائي : زي المنشطات الجنسية اللي بتزود من تدفق الدم إلى العضو الذكري.
2/ الحقن الموضعي في القضيب : وده بيكون عن طريق إبرة رفيعة بنحقنها في القضيب قبل ممارسة العلاقة الزوجية مباشرة ، وبتساعد على الانتصاب في خلال 10 دقائق من الحقن.
ولو عايز تعرف هل الحقن الموضعي علاج لكل حالات الضعف الجنسي ولا لا ، اسمع الفيديو ده مع الدكتور اسامة البكل….
في النهاية ، لازم تبقى عارف أن الضعف الجنسي مش حاجة تتكسف منها ، لأنه مرض طبيعي زي أي مرض ، بس مهم جداً أننا أول ما نحس بأي اختلاف في أدائنا الجنسي وقت العلاقة الزوجية او ان خلاص مبقاش عندنا رغبة جنسية ، لازم نستشير دكتور ذكورة متخصص علشان يساعدنا نحل المشكلة بشكل نهائي من غير أي تأثير سلبي على نفسيتنا.
واخيرا لو احتجت انك تتواصل معانا ونحجز لك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني، تقدر تتواصل معانا على الرقم ده 01018874287