ما هي نسبة نجاح عملية تركيب دعامة القضيب ؟
مفيش شخص مش بيبحث عن نسبة نجاح اي عملية جراحية قبل ما ياخد القرار بإجرائها ، وأهم العوامل اللي بتساعد في نجاح العملية ، وخصوصا لو كانت العملية دي هي عملية تركيب دعامة العضو الذكري ، لأن قرارها بيكون ناتج عن مشكلة ضعف الانتصاب اللي بتواجه نسبة كبيرة جدا من الرجال ، نتيجة لأسباب عضوية أو نفسية ، علشان كدة ومن خلال المقال ده ، هنتكلم عن نسبة نجاح عملية تركيب دعامة العضو الذكري ، وأهم العوامل اللي بتساعد في نجاحها.
بس خليني في الاول اقولك ايه هو اصلا ضعف الانتصاب وايه هي أسبابه :
ضعف الانتصاب بيحصل نتيجة خلل في الأوعية الدموية اللي بتوصل الدم إلى القضيب ، والخلل ده ياما بيكون بسبب ضعف في ضخ الدم إلى القضيب ، او ان مش بيتم الاحتفاظ بالدم داخل القضيب المدة الكافية لحد ما نخلص العلاقة الزوجية نتيجة سربه خارج العضو الذكري.
وضعف الانتصاب ممكن يحصل لاسباب كثير قد تكون :
- عضوية : بمعنى أن ليها علاقة بصحة الشخص زي :
1/ انه يكون بيعاني من أي أمراض مزمنة زي الضغط او السكر او القلب.
2/ أو أن يكون عنده تسريب وريدي.
3/ أو أن يكون اتعرض لكسر أو أي عمليات جراحية في الحوض او في البطن.
4/ أو أن يكون عنده نقص في هرمون الذكورة.
- نفسية : بمعني ان يكون عندنا مشاكل او ضغوطات ماثرة علي حياتنا او قدرتنا الجنسية ، زي :
1/ المشاكل والخلافات الزوجية.
2/ الاكتئاب.
3/ ممارسة العادة السرية باستمرار.
4/ مشاهدة الافلام الاباحية.
وفي الحالات دي لازم نعالج المشكلة ، ولازم تكون عارف ان في اكثر من طريقة تعالج بيها ضعف الانتصاب ، زي :
- الأدوية والمنشطات الجنسية : ودي بتزود تدفق الدم إلى العضو الذكري ، ولكن لازم تكون تحت إشراف طبي علشان ميحصلش اي مضاعفات ممكن توصل لاقدر الله الى الوفاة.
- الحقن الموضعي : وده بيكون عبارة عن إبرة رفيعة بنحقنها في العضو الذكري قبل كل علاقة زوجية وبتحقق الانتصاب في خلال 10 دقائق ، وممكن يكون ليه مضاعفات خطيرة ، زي انه ممكن يعمل علي استمرار انتصاب القضيب لأكثر من 4 ساعات متواصلة ، وفي الحالة دي لازم نروح المستشفى فورا ، علشان نفرغ الانتصاب قبل ما يحصل تلف في انسجة القضيب.
وفي الحالة دي وبعد فشل العلاج بالادوية والحقن الموضعى ، بنلجا للحل النهائي والفعال وهو تركيب دعامة القضيب ، لكذا سبب :
اولا : بتساعد على انتصاب العضو الذكري بكفاءة عالية.
ثانيا : بتساعد على انتصاب العضو الذكري لفترة طويلة لحد ما نخلص العلاقة الزوجية.
ثالثا : مش شرط اللي يركبها يكون سن معين ، لان ينفع اي شخص انه يركب دعامة العضو الذكري سواء كان لسه شاب أو في منتصف العمر او حتى كبير في السن.
رابعا : واللي بيميز دعامة القضيب عن اي علاج تاني ، انها بتعالج مشكلة ضعف الانتصاب بشكل نهائي ومن غير اي مضاعفات.
خامسا : وفي منها نوعين :
- دعامة مرنة
- دعامة هيدروليكية
وكل نوع منهم ليه اصدارات ، وكل اصدار ليه مقاسات وأحجام مختلفة علشان تناسب كل عضو ذكري.
ودلوقتي تعالي اجاوب على سؤالك واقولك ايه هي نسبة نجاح عملية تركيب دعامة القضيب :
في البداية لازم تكون عارف ان عملية تركيب دعامة العضو الذكري هي عملية بسيطة وسهلة جدا ، وتعتبر من أنجح العمليات واللي بتصل نسبة نجاحها الى 95% ودي طبعا مش نسبة بسيطة خالص كنسبة نجاح عملية جراحية.
ودلوقتي خليني اقولك علي أهم العوامل اللي بتساعد في نجاح عملية تركيب دعامة القضيب :
1/ انك لازم تتاكد كويس جدا من خبرة الجراح اللي هيعملك العملية وهل هو متخصص في اجراء النوع ده من العمليات ولا لا ، ولازم كمان تتأكد من المكان اللي هتعمل فيه العملية ، وهل هو متعقم كويس ولا لا علشان نتجنب حدوث أي عدوى بعد العملية.
2/ ولازم كمان تكون عارف إن تحديد طول وحجم العضو الذكري بدقة هو جزء مهم جدًا من نجاح العملية ، والمفروض إن الجراح المتخصص هو اللي بيقيس العضو الذكري أثناء الجراحة بنفسه ، وبيختار المقاس المناسب للدعامة بدقة.
- لان الدعامة لو كانت اطول من العضو الذكري : ده ممكن الدعامة تخرم رأس العضو الذكري وتخترق مجري البول.
- ولو كانت أقصر من العضو الذكري نفسه : ممكن العضو الذكري يحصل فيه انحناء ، وبالتالي راس العضو الذكري هتكون فاضية ، والدعامة مرونتها هتقل وممكن تتكسر.
3/ ولازم تبلغ الجراح اللي هيعملك العملية لو كنت عملت اي عمليات جراحية قبل كدة في الحوض او في البطن ، علشان تتجنب حدوث أي مضاعفات بعد العملية.
4/ ولو عندك اي امراض مزمنة زي السكر ، لازم يكون في إجراءات قبل وبعد تركيب دعامة القضيب ، ولازم كمان مستوي السكر في الدم يكون متظبط ونوع الدعامة يكون مناسب لحالتك الصحية.
ودي يعتبر اهم العوامل اللي لو التزمت بيها قبل عملية تركيب دعامة العضو الذكري هترفع نسبة نجاح العملية ال 100% باذن الله.
ولو عايز تعرف هل الإحساس بالمتعة في العلاقة الزوجية هيتأثر بعد تركيب دعامة القضيب ، اسمع الفيديو ده مع الدكتور اسامة البكل…
وفي النهاية ، لازم تكون عارف ان اي عملية جراحية بيكون ليها نسب نجاح ونسب فشل ، ولكن عملية تركيب دعامة القضيب لو التزمت بكل التعليمات اللي قولناها ، وقتها نسبة نجاحها مش بس هتتخطي الـ 95% ، دي كمان هتخليك تقدر تستمتع بحياتك الزوجية وهترفع من معنوياتك ، لانك هتقدر تحقق انتصاب قوي في الوقت اللي انت عاوزه و بالمدة اللي تحددها.
ولو عندك اي استفسار ، تقدر تتواصل معانا على الرقم ده 01018874287 ، واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.