ما هو علاج دوالي الخصية بالأشعة التداخلية؟
دوالي الخصية من أكثر المشاكل اللي بتشكل ازعاج كبير للشخص ، ومشكلة دوالي الخصية مش بتتوقف بس علي الالم اللي بيحس بيه الشخص ، ده كمان خطورتها ممكن توصل الى العقم ، والدليل على ده ان الاحصائيات اثبتت ان حوالي 40% من الرجال اللي بيعانوا من العقم وتاخر الانجاب بيكون السبب الرئيسي والأول هو دوالي الخصية ، وفي الفترة الاخيرة ظهرت طرق كثير جدا لعلاج دوالي الخصيتين زي الأشعة التداخلية.
ولكن قبل ما نتكلم عن كيفية إجراء دوالي الخصية بالأشعة التداخلية ، تعالي اقولك ايه هي اصلا دوالي الخصية :
دوالي الخصية هي عبارة عن تضخم في الاوردة المحيطة بالخصية والموجودة داخل كيس الصفن ، والتضخم ده بيحصل نتيجة لضعف الصمامات اللي بتكون موجودة في الأوردة واللي بتكون مسؤولة عن تنظيم تدفق الدم من الخصيتين الى القلب ومنع عودته تاني للخصية ، بالتالي لما الصمامات دي بيحصل فيها خلل ، وقتها الدم اللي طالع من الخصية في اتجاه القلب ، هيرجع تاني للخصية ويفضل يتراكم داخل الاوردة وهو ده اللي بيسبب دوالي الخصية.
ودوالي الخصية مش شرط يكون ليها أعراض واضحة ، ولكن في بعض الحالات ممكن تظهر عليهم اعراض زي :
1/ وجود ألم في الخصية : والالم ده بيزيد مع الوقفة الكثيرة و الشيل الثقيل ، وبيقل مع الراحة أو الاستلقاء على الظهر.
2/ صغر وانكماش في حجم الخصية : بمعنى أننا بنلاحظ صغر أو انكماش في حجم الخصيتين أو فرق كبير بينهم.
3/ ثقل أو تضخم في كيس الصفن : بنلاحظ ثقل في كيس الصفن نتيجة تجمع الدم بكميات كبيرة في الأوردة.
4/ تورم في كيس الصفن : بمعنى أننا بنلاحظ تورم وانتفاخ في كيس الصفن.
5/ تأخر في الإنجاب : بمعنى أن بيكون في زوجين عدي علي جوازهم أكثر من سنة وبيعانوا من تأخر في الإنجاب ، بالرغم ان الزوجة سليمة طبيا ومعندهاش اي موانع ، وبيكون بنسبة كبيرة الزوج عنده دوالي في الخصية بدرجة كبيرة وماثرة عليه.
وهنا مهم تعرف ان دوالي الخصية بتاثر على الخصية وعلى انتاجها للحيوانات المنوية ، وبتسبب نقص في عدد الحيوانات المنوية وضعف في حركتها وزيادة في نسبة تشوهات الحيوان المنوي ، علشان كده بيكون مهم اننا نعالج دوالي الخصية ، وعلاج دوالي الخصية الوحيد هو الجراحة ، وفي أكثر من طريقة نقدر نعالج بيها دوالي الخصية ، زي :
1/ الجراحة التقليدية
2/ جراحة المنظار
3/ الأشعة التداخلية
ودلوقتي جه الوقت اللي اجاوب فيه على سؤالك ، ازاي بنعالج دوالي الخصية بالأشعة التداخلية ؟
في البداية لازم تكون عارف ان الاشعة التداخلية فرع من فروع الطب وبيستخدمها بعض الدكاترة في علاج دوالي الخصية ، واللي بيحصل فيها أن طبيب الأشعة التداخلية بيقوم بحقن مخدر موضعي في الجزء اللي من أعلى الفخذ لتخدير المنطقة كلها ، وبعد كده بيقوم بإدخال أنبوب قسطرة من الوريد اللي من الفخذ أو من الوريد اللي في الذراع تحت توجيه الأشعة السينية ، وبعد كدة بيطلع القسطرة دي لحد القلب وبينزل تاني لحد ما يوصل لاوردة الخصية ، وبعد كدة بيحقن مادة في القسطرة علشان يشوف الأوردة المتضخمة ، وبعدين بيحقن مادة جوا الأوردة علشان يسدها ، وأكثر ميزة في الاشعة التداخلية ، ان الجراح مش بيضر الشريان الخصوي اللي بيغذي الخصية بالدم ، لان القسطرة بتكون ماشية جوا الاوردة فمش بتلمس الشريان الخصوي ، وفي الاخر بعد ما بنعالج الدوالي ، بيتم إزالة القسطرة خارج الجسم.
بس لازم تكون عارف ان الاشعة التداخلية ممكن يكون ليها اضرار ومضاعفات كثيرة جدا بعد العملية ، زي :
1/ حدوث نزيف أو عدوى : لأن أي إجراء بيتم تحت وضع قسطرة داخل الأوعية الدموية ممكن يكون ليه مخاطر زي تلف الأوعية الدموية أو حدوث نزيف.
2/ القسطرة مش بتوصل الى الخصية اليمني : في حالات كتير، القسطرة المستخدمة في الأشعة التداخلية ما بتقدرش توصل لأوردة الخصية اليمنى، وده بسبب التكوين التشريحي المختلف بين الجهتين. وعلشان كده، علاج دوالي الخصية اليمنى بالأشعة التداخلية بيكون صعب، وفي كتير من الحالات ما بنقدرش نوصل ليها ولا نعالجها بالطريقة دي.
3/ في الأشعة التداخلية احنا بنحقن مادة جوا الاوردة اللي فيها الدوالي علشان نسدها : والاوردة الصغير مش هنقدر نحقن جواها المادة علشان حجمها بيكون صغير اوي ، فلازم تكون الاوردة حجمها كبير علشان تسمح اننا نحقنها ، وده معناه ان الاوردة الصغيرة والثانوية اللي فيها دوالي مش هتتعالج ، وبكدة هيكون في فرصة كبيرة ان دوالي الخصية ترجع تاني بعد فترة من العملية.
4/ في الاشعة التداخلية احنا بنحط المريض تحت جهاز الاشعاع c-arm حوالي ساعة الا ربع ، و ده بيضر من وظيفة الخصية وهي اصلا الخصية بتكون متضررة كفاية بسبب الدوالي.
5/ واخيرا اثبتت الاحصائيات ان نسبة ارتجاع دوالي الخصية تاني بعد العملية في الاشعة التداخلية وصلت الي 15-20% ودي تعتبر أعلى نسبة بين كل طرق علاج دوالي الخصية.
ولو عايز تعرف معلومات اكثر عن اضرار علاج دوالي الخصية بالأشعة التداخلية ، اسمع الفيديو ده مع الدكتور اسامة البكل…
وبكدة تكون عرفت ازاي بيتم علاج دوالي الخصية بالأشعة التداخلية ، وايه هي المضاعفات اللي بتسببها الاشعة التداخلية في الخصية ، ودلوقتي خليني اقولك على احسن وافضل طريقة طريقة تعالج بيها دوالي الخصية وانت مطمن من غير ما تضر الخصية ، وهي الجراحة الميكروسكوبية :
1/ لان في الجراحة الميكروسكوبية بنستخدم الميكروسكوب الجراحي اللي بيكبر مكان العملية لحد 25 ضعف ، وده بيساعدنا اننا نشوف مكان العملية بشكل اوضح.
2/ وبسبب قوة تكبير الميكروسكوب بنقدر نميز بين الأوردة والشرايين في الخصية ، وده بيخلينا نحافظ على الشريان الخصوي ، وبكدة مش هنضر وظيفة الخصية.
3/ وبنقدر كمان اننا نشوف الشعيرات الليمفاوية ونتجنب ربطها بالغلط مع الأوردة ، و بكدة مش هيحصلنا قيلة مائية على الخصية.
4/ وبنقدر اننا نوصل لكل الأوردة في الخصية حتى الاوردة الدقيقة والثانوية اللي بتكون موجودة على جدار الحبل المنوي ونربطها كلها ، وبكدة مش هيكون في اي فرصة لرجوع الدوالي تاني بعد العملية.
5/ ده غير ان العملية نفسها مش بتاخد اكثر من ساعة واحدة بس ، وبعدها بتقدر تخرج من المستشفى في نفس اليوم ، وتمارس حياتك الطبيعية وتنزل شغلك كمان بعد 3-5 أيام من العملية.
6/ أما بالنسبة للعلاقة الزوجية بتقدر تمارسها بعد حوالي اسبوع واحد بس من العملية.
في النهاية ، لازم قبل ما تاخد قرار عملية دوالي الخصية ، لازم الاول تتأكد من الجراح اللي هيعملك العملية ، وتتاكد من المكان اللي هتعمل فيه العملية ، وهل هو مكان متخصص ولا لا ، والاهم من كل ده انك تختار الطريقة اللي تعالج بيها دوالي الخصية كويس جدا ، علشان تكون عالجت المشكلة من جذورها ومتكونش ضيعت على نفسك وقت ومال ومجهود علي الفاضي ، وبرغم ان الحاجات دي كلها ممكن تتعوض قصاد انك تضر الخصية وتصاب بالعقم طوال عمرك.
ولو خلاص فكرت وقررت وعاوز تتابع معانا حل مشكلتك ، تقدر تتواصل مع الفريق الطبي علي الرقم ده 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.