ما هي تكلفة عملية دوالي الخصية ونسبة نجاحها ؟
دوالي الخصية مشكلة شائعة جدا وبتأثر على حوالي 15% من الرجال ، والنسبة دي بتزيد لحوالي 40% من الرجال اللي بيعانوا من تاخر الانجاب ، وبتحدث الدوالي نتيجة لتضخم الأوردة الموجودة في الخصية داخل كيس الصفن ، وإهمال علاجها ممكن يسبب مضاعفات زي العقم أو ضمور الخصية ، لكن مع التقدم العلمي ، علاج دوالي الخصية بقى امر سهل وبسيط من خلال الجراحة الميكروسكوبية ، هتقدر تعالج دوالي الخصية بالأجهزة الحديثة ومن غير أي مضاعفات وهتقدر كمان تخرج من المستشفى في نفس اليوم وترجع لحياتك الطبيعية وشغلك بعد العملية بيومين.
ودلوقتي تعالوا نعرف مع بعض تكلفة عملية دوالي الخصية ونسبة نجاحها قد ايه…
في البداية لازم تكون عارف ان تكلفة عملية دوالي الخصية بتعتمد على أكثر من عامل مهم زي :
1/ نوع الجراحة: ايه هي نوع الجراحة اللي هتعمل بيها عملية دوالي الخصية
- الجراحة التقليدية :
لو هتعمل عملية دوالي الخصية بالجراحة التقليدية لازم تكون عارف ان تكلفتها قليلة مقارنة بالجراحة الميكروسكوبية ولكن مضاعفاتها بعد العملية كتير جدا لانها ممكن تسبب للمريض قيلة مائية أو ضرر في الشرايين وبنسبة كبيرة دوالي الخصية ممكن ترجع تاني بعد العملية بالجراحة التقليدية.
ولو عايز تعرف ليه دوالي الخصية ممكن ترجع تاني بعد العملية ، اسمع الفيديو ده مع الدكتور اسامة البكل…
- جراحة المنظار :
تكلفتها أعلى شوية من الجراحة التقليدية، ولكن مضاعفاتها مشابهة للجراحة التقليدية ، وده بيخلينا مش بننصح باستخدامها.
- الأشعة التداخلية :
تكلفتها أعلى من الجراحة التقليدية والمنظار، لكن ما بننصحش بيها خالص في علاج الدوالي لأن نسبة ارتجاع الدوالي تاني بعد العملية بتكون اكبر ، ود لان وقت العملية بنضطر نعرض الخصية لجزء كبير جدا من الإشعاع وده بيضر الخصية أكثر..
دي أفضل طريقة تعالج بيها دوالي الخصية ، رغم أن تكلفتها أعلى ، لكنها الأكثر نجاحًا لأن الميكروسكوب الجراحي بيساعد في رؤية وربط كل الأوردة المصابة بدقة ، علشان ميحصلش ارتجاع للدوالي مرة تانية وده اللي مش بيكون موجود في اي طريقة جراحية ثانية..
2/ المكان:
تكلفة عملية دوالي الخصية بتتوقف على المكان اللي هنعمل فيه العملية ، وفي أكثر من مستشفى او مركز نعمل فيه عملية دوالي الخصية .
3/ خبرة الجراح:
بتختلف أجور الجراحين على حسب مهاراتهم وخبراتهم العلمية ، علشان كدة الجراح اللي هتعمل عنده عملية دوالي الخصية، لازم يكون جراح متخصص.
وبعد ما اطمنت وعرفت تكلفة عملية دوالي الخصية ، خليني اجاوب على سؤال مهم جدا وهو امتي بيحصل حمل بعد عملية دوالي الخصيه ؟
بعد الجراحة ، أول تحليل سائل منوي بنعمله بيكون بعد العملية ب6 شهور ، هتقولي طب ليه نستني 6 شهور، ليه مش بيحصل حمل بعد العملية على طول ، وده لأن الدورة الطبيعية لتكوين الحيوان المنوي بتستغرق 3 شهور ، علشان ندي وقت كافي لتكوين الحيوانات المنوية الجديدة.
العملية بتحسن عدد الحيوانات المنوية وحركتها ، وبتقلل من نسبة التشوهات ، ونسبة تحسن تحليل السائل المنوي باستخدام الجراحة الميكروسكوبية بتوصل لـ 70%، وده بيبان في أول تحليل سائل منوي بعد 6 شهور من العملية.
ولو عايز تعرف معلومات اكثر عن امتي بيحصل حمل وتحسن في تحليل السائل المنوي بعد عملية دوالي الخصية ، اسمع الفيديو ده مع الدكتور اسامة البكل….
في النهاية ، خليني اقولك ان حتي لو عندك دوالي على الخصيتين من الدرجة الثانية أو الثالثة ومؤثرة عليك ومسبب لك تاخر في الانجاب ، لسه عندك امل تعمل العملية ويحصل حمل طبيعي بعد العملية ، وحتى لو محصلش حمل طبيعي، عملية دوالي الخصية بتحسن من جودة الحيوانات المنوية ، بالتالي ممكن نعمل عملية استخراج للحيوانات المنوية من الخصية وبعدها نقدر نعمل حقن مجهري ، لان عملية دوالي الخصية بترفع من نسبة نجاح الحقن المجهري.
ولو احتجت تتواصل معانا ونحجز لك معاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287