امتى تمارس العلاقة الزوجية بعد تركيب دعامة الانتصاب؟
بعد تركيب دعامة الانتصاب لازم ننتظر من شهر الى شهرين عشان نمارس العلاقة الزوجية علشان ميحصلش اي مضاعفات أو التهابات ممكن تاثر علي الدعامة وعلي نجاح العملية و نضطر في الاخر اننا نشيل الدعامة تاني.
بعد تركيب دعامة الانتصاب أو دعامة العضو الذكري أمتي المريض يقدر أنه يمارس العلاقة الزوجية ؟
في المتوسط من شهر الى شهر ونص ، وبعض المرضى بتحتاج أننا نأجل بداية العلاقة الزوجية لحد شهرين ، طب ليه الفترة دي كلها ؟
لان دي فترة تعافي العضو الذكري بعد العملية ، لأن التئام الجلد بياخد وقت من اسبوعين الى 3 أسابيع والفترة دي قد تصل إلى شهر في مرضي السكر أو اللي بياخدوا أدوية مناعية تؤثر على التئام الجروح ، والجرح اللي هو داخل النسيج الكهفي أثناء تركيب الدعامة ، وده بياخد وقت تعافي من شهر الى شهر ونص ، لذلك بنقول في المتوسط من شهر الى شهر ونص يقدر أنه يمارس العلاقة الزوجية علشان كل جروح القضيب و النسيج الكهفي تكون التأمت تماما.
طب خلينا نعرف ايه اللي هيحصل لو المريض مارس العلاقة الزوجية بدري عن المدة دي وقبل ما الجلد يلتئم ؟
لو الجلد ملتئمش فده بيزود عرضة الجرح أنه يحصل فيه التهاب بكتيري وممكن الالتهاب ده يوصل للدعامة ، وبالتالي هيحصل التهابات على الدعامة ، وهتؤدي إلى إزالة الدعامة تماماً ، والمريض هيخسر العملية مش هيستفيد منها أصلا ، أو لو مارس العلاقة الزوجية بعد التئام الجرح ولسه النسيج الكهفي ملتئمش تماما فده ممكن يسبب تورم في القضيب أو تجمع دموي أو ألم شديد بعد ممارسة العلاقة الزوجية ، فلذلك احنا بنأجل ممارسة العلاقة الزوجية علشان يحصل التئام كامل لكل الجروح والمريض يستمتع بالعلاقة الزوجية وميكونش في معاناة أو وجع أو يحصل مشكلة تؤثر على نجاح العملية في حد ذاتها.
ولو عندك اي استفسار عن عملية تركيب دعامة القضيب ، ممكن تبعت لنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :