متي تتحسن حركة الحيوان المنوي بعد عملية دوالي الخصية ؟
لاشك أن أي مشكلة بتاثر على الإنجاب فهي تشكل مصدر قلق وخوف عند عدد كبير من الرجال ، ومن اكثر المشاكل اللي بتسبب تاخر الانجاب عند الرجل هي ضعف حركة الحيوان المنوي ، لأن لو الحيوان المنوي بطئ في الحركة ، ده هيمنع وصوله إلى البويضة وتخصيبها وبالتالي مش هيحصل حمل طبيعي.
ومهم تبقي عارف ان من اسباب ضعف حركة الحيوان المنوي هي دوالي الخصية ، ولكن بعد علاج دوالي الخصية بالميكروسكوب ، بيبدا عدد كبير من الرجال يتسائل ، امتي تتحسن حركة الحيوان المنوي بعد عملية دوالي الخصية ؟
ودلوقتي تعالوا نعرف مع بعض ايه هي مقدار الحركة الطبيعية للحيوانات المنوية ،
وامتي نقول ان الحيوان المنوي ضعيف الحركة ،
وازاي دوالي الخصية بتاثر على حركة الحيوانات المنوية :
في البداية لازم تكون عارف ان الحيوان المنوي لازم يتحرك حركة تقدمية في خط مستقيم أو على الأقل في دوائر كبيرة بسرعة 25 ميكرو متر في الثانية ، وبالتالي لو الحيوان المنوي مش قادر يتحرك حركة مستقيمة أو بيتحرك ببطء أقل من 25 ميكرو متر في الثانية ، بيبقى ضعيف في الحركة ، و ده بيأثر بشكل كبير على قدرته للوصول للبويضة وتخصيبها ، وبالتالي بيأخر حدوث الحمل.
ولازم تكون عارف ان الخصية هي المصنع المسؤول عن انتاج الحيوانات المنوية ، والخصية علشان تقدر تنتج حيوان منوي سليم وخالي من اي عيوب ويقدر يخصب البويضة ويكون جنين ، لازم تكون درجة حرارة الخصية أقل من درجة حرارة الجسم الطبيعية بحوالي درجتين ، وبالتالي دوالي الخصية وخاصة بقي لو كانت الدوالي دي من الدرجة الثانية أو الثالثة ، الدم اللي جوا الأوردة هيتراكم ويسخن وهيرفع من درجة حرارة الخصية وهيزود من تراكم المواد المؤكسدة ( ROS ) اللي بياثر على وظيفة الخصية في انتاج وتصنيع الحيوانات المنوية وعلى الهرمونات المسؤولة عن إنتاج الحيوانات المنوية وكمان هيضر بالحيوانات المنوية السليمة و المكتملة و الصالحة للإخصاب.
ده غير ان دوالي الخصية فى الحالات المتأخرة ممكن تأثر على إنتاج الخصية لهرمون التستوستيرون ( هرمون الذكورة ) وبالتالي نسبته بتقل في الجسم وده بياثر على إنتاج الحيوانات المنوية وكمان بيسبب ضعف في حركة الحيوان المنوي وقلة في العدد وزيادة في نسبة تشوهات الحيوانات المنوية ، وكل ده هيسبب تأخر في الحمل.
وبعد ما عرفت ان دوالي الخصية هي السبب الرئيسي في ضعف حركة الحيوان المنوي ، اوعى ابدا تفقد الأمل وتفكر ان خلاص مش هتخلف ، لازم تبقي عارف ان دوالي الخصية ليها علاج وعلاج نهائي كمان ، وهي الجراحة الميكروسكوبية افضل واحسن طريقة تعالج بيها دوالي الخصية من غير ما تضر الخصية وبنسب نجاح عالية وبنتائج تحسن في صحة وجودة الحيوانات المنوية
1/ لأن الميكروسكوب الجراحي بيساعد في تكبير مكان العملية ، وده بيساعد في تحديد الشرايين والأوردة بشكل واضح جداً ، لان المكان اللى احنا بنعمل فيه العملية هو مكان دقيق وحساس جدا.
2/ بفضل التكبير ، الجراح بيقدر يتجنب ربط الشريان الخصوي اللي بيغذي الخصية ، وبالتالي يحافظ على وظيفة الخصية.
3/ الجراحة الميكروسكوبية بتمكن الجراح من الوصول للأوردة الدقيقة وربطها ، عشان ميحصلش ارتجاع للدوالى مره تانيه.
4/ ده غير ان الميكروسكوب الجراحي بيساعد الجراح إنه يميز الأوعية الليمفاوية ويتجنب ربطها ، وبكدة مش هيحصلنا قيلة مائية على الخصية.
5/ واخيرا العملية مش بتاخد أكتر من ساعة واحدة بس ، وبتقدر ترجع البيت في نفس اليوم ، وترجع كمان الشغل بعد 3-5 أيام.
6/ اما بالنسبة للعلاقة الزوجية بتقدر تمارسها بعد اسبوع واحد بس من العملية.
ودلوقتي تعالي اجاوبك على سؤالك ، متي تتحسن حركة الحيوان المنوي بعد عملية دوالي الخصية ؟
لازم تكون عارف ان بعد عملية دوالي الخصية بالميكروسكوب لازم ناخد علاج هرموني عشان ننشط بيه الخصية ، وده بيساعدها انها ترجع تاني تنتج حيوانات منوية بشكل طبيعي ، واول تحليل سائل منوي بنعمله بيكون بعد العملية بحوالي 6 شهور ، لأن دورة تكوين الحيوان المنوي بتستغرق 3 شهور ، وبكدة نكون أخذنا وقتنا الكافي لبداية تعافي الخصية من تأثير الدوالي ، وبنلاحظ كمان في تحليل السائل المنوي ان في تحسن في جودة الحيوانات المنوية حوالي 70%، وأن حركة الحيوانات المنوية اتحسنت العدد كمان زاد ونسبة التشوهات قلت ، وان امكانية ان يحصل حمل طبيعي بعد عملية دوالي الخصية تصل لحوالي 40% الي 45%.
ولو عايز تعرف امتي ممكن يحصل حمل طبيعي بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…
وفي النهاية ، لازم قبل ما تفقد الامل في اي مشكلة لازم الاول تشوف طرق علاجها ، ولازم تبقي عارف ومتاكد ان عملية دوالي الخصية مش بس بتحل المشكلة فقط ، دي كمان بتحسن من وظيفة الخصية علشان ترجع تنتج حيوانات منوية تاني بصحة وجودة افضل من الاول ، وده طبعا بيساهم في ارتفاع نسبة حدوث الحمل الطبيعي.
ولو لسه عندك اي استفسار او تساؤل بخصوص عملية دوالي الخصية متترددش ابدا ، وتواصل معانا على الرقم ده 01018874287 واحنا هنحجز لك اقرب ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.