متى يسمح بالعلاقة الزوجية بعد عملية دوالي الخصية ؟

متى يسمح بالعلاقة الزوجية بعد عملية دوالي الخصية ؟

تعتبر دوالي الخصية من المشكلات الشائعة اللي بتصيب نسبة كبيرة من الرجال ، لأنها بتؤثر على تدفق الدم في الأوردة المحيطة بالخصية ، وده بدوره بيسبب آلام مزعجة للشخص و الأخطر كمان مضاعفاتها على تاخر الانجاب ، ولكن الأهم بعد عملية دوالي الخصية يبدأ يتساءل بعض الرجال ، متى يسمح بالعلاقة الزوجية بعد عملية دوالي الخصية ؟ ولكن السؤال ده لا يعتبر سؤال فضولي بل ضروري علشان نضمن التعافي السليم وتجنب أي مضاعفات تؤثر على نجاح عملية دوالي الخصية. 

ومن خلال المقال ده هجاوب على كل اسئلتك ، ودلوقتي تعالي اقولك متى يسمح بالعلاقة الزوجية بعد عملية دوالي الخصية ؟ 

في البداية لازم تكون عارف ان في اكثر من طريقة لعلاج دوالي الخصية ، وعلى حسب اجراء كل طريقة بتختلف مدة التعافي وكذلك السماح بممارسة العلاقة الزوجية بعد العملية ، ومن الطرق دي : 

• الجراحة التقليدية : 

وخليني اقولك ان اللي بيحصل في الجراحة التقليدية ، أن الجراح بيفتح فتحة في المنطقة الاربية ، وبعد كده بيبدأ يشوف فين الأوردة المنتفخة بعينه فقط ويربطها كلها من غير ما يستخدم اي ادوات او اجهزة حديثة تساعده يشوف مكان العملية بشكل أوضح ، وده طبعا بيسبب مشاكل كتير جدا للمريض ، زي : 

1/ أن وقت العملية ممكن نقطع الشريان الخصوي اللي بيغذي الخصية بالدم ، لأنه بيكون موجود وسط الاوردة والشرايين ، وبيكون صعب اننا نميزه بعنينا فقط ، وبكده هنكون منعنا الدم انه يوصل للخصية ، وده هيسبب ضمور للخصية.

2/ ده غير اننا ممكن نربط الاوعية الليمفاوية بالغلط مع الاوردة ، والاوعية الليمفاوية دي هي اللي مسؤولة عن تصريف السوائل الزيادة من الخصية ، فلما نربطها بالغلط ده هيمنع السوائل انها تخرج بره الخصية وهيسبب لنا قيلة مائية على الخصية.

3/ وزي ما قولنا ان في الجراحة التقليدية مش بيكون معانا اي اجهزة حديثة ، فاحنا هنربط بس الأوردة المتضخمة اللي عاملة الدوالي ، ومش هنقدر نشوف الاوردة الصغيرة اللي بدأت تتضخم ، وده اللي هيخلي دوالي الخصية ترجع تاني و يفضل أثرها السلبي على الخصية و جودة الحيوانات المنوية و ميحصلش حمل او ممكن يحصل حمل لكن مش هيكمل و هيسقط. 

• جراحة المنظار : 

ولازم تكون عارف ان مضاعفاتها متفرقش كثير عن مضاعفات الجراحة التقليدية ، لأن المنظار بيخلينا نعمل شقوق صغيرة في البطن علشان ندخل منها المنظار والأدوات الجراحية ، وبعدين نوصل للحبل المنوي ، وبعد كدة نربط الأوردة المنتفخة اللي عاملة الدوالي ، وبيسبب مشاكل كتير زي : 

1/ مش هنقدر نوصل لكل الاوردة اللي مسببة الدوالي زي الاوردة الصغيرة والدقيقة ، وده هيخلي دوالي الخصية ترجع تاني بعد فترة من العملية.

2/ ومش هنقدر نحافظ على الشريان الخصوي وقت العملية ، وده هيسبب لنا ضمور للخصية.

• الأشعة التداخلية : 

تعتبر أسوأ طريقة ممكن تفكر تعمل بيه عملية دوالي الخصيتين : 

1/ لان في الاشعة التداخلية احنا بنحط المريض تحت جهاز الاشعاع (c-arm) حوالي ساعة الا ربع وده بيخلينا نعرض الخصية لجزء كبير جدا من الإشعاع ، وده طبعا هيضر الخصية وهياثر على انتاجها للحيوانات المنوية ، وهي اصلا بتكون متضررة بسبب الدوالي.

2/ ده كمان ان في الاشعة التداخلية احنا بندخل القسطرة بتاعة الاشعة من الوريد اللي في الفخذ ، وبيكون صعب علي القسطرة انها توصل للخصية اليمنى نتيجة التكوين التشريحي بين الخصيتين ، وبالتالي لو الخصية اليمنى فيها دوالي منتفخة ، الاشعة التداخلية مش هتعالجها او هتعالجها بس بصعوية ، ده غير كمان انها مش هتقدر توصل للأوردة الصغيرة والثانوية اللي فيها دوالي ، وبكدة نسبة ارتجاع الدوالي بعد العملية هتكون أكبر.

• الجراحة الميكروسكوبية : 

تعتبر افضل واحسن طريقة تعالج بيها دوالي الخصية من غير ما تضر الخصية وبنسبة نجاح تصل الى 70% ، لأسباب كثيرة : 

1/ لان في الجراحة الميكروسكوبية بنستخدم الميكروسكوب الجراحي اللي بيكبر الرؤية لحد 25 ضعف ، وده بيخلينا نشوف كل الأوردة والشرايين بشكل واضح جداّ ، وده بيخلينا نحافظ على الشريان الخصوي اللى بيغذي الخصية بالدم ، وبكده مش هنضر الخصية.

2/ وكمان بسبب قوة تكبير الميكروسكوب بنقدر اننا نوصل للأوردة الدقيقة والثانوية ونربطها كلها عشان ميحصلش ارتجاع للدوالي مره تانيه وده اللى مش بيكون موجود في اي طريقة جراحية ثانية غير الميكروسكوب.

3/ وبنقدر اننا كمان نشوف الشعيرات الليمفاوية وقت العملية ، ونتجنب اننا نربطها بالغلط مع الأوردة وبكده مش هيحصلنا قيلة مائية على الخصية.

4/ وده غير ان العملية مش بتاخد أكثر من ساعة واحدة بس ، وبعدها ممكن ترجع بيتك في خلال 3-4 ساعات بعد العملية.

ولو عايز تعرف امتي تقدر تمارس العلاقة الزوجية وتروح شغلك بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل… 

وعشان تضمن التعافي بشكل أسرع وتقدر تمارس العلاقة الزوجية في شوية تعليمات ونصائح لازم تلتزم بيها بعد إجراء عملية دوالي الخصية بالميكروسكوب : 

• الالتزام بالأدوية والمضادات الحيوية بعد العملية الجراحية.

• تجنب المجهود البدني الشديد والأنشطة الرياضية لمدة لا تقل عن أسبوعين.
• عدم رفع الأشياء الثقيلة ، علشان متضغطش على الخصية و يحصل ألم أو تورم.
• ارتداء الملابس الداخلية الطبية ، لانها بتساعد على تحسين الدورة الدموية.
• وضع الكمادات الباردة على منطقة العملية للمساعدة في تقليل التورم والانزعاج.

في النهاية ، لازم تكون عارف أن عملية دوالي الخصية عملية سهلة جدا ، بس قبل اي حاجة لازم تختار الطريقة اللي تتعالج بيها صح ، لأنها مش بس هتخلصك من الألم والوجع اللي عندك في الخصية وهتعالج مشكلة تأخر الإنجاب ، ده كمان هتخليك تستمتع بممارسة العلاقة الزوجية وتتجنب أي أضرار أو مضاعفات ممكن تحصلك بعد العملية.

ولو احتجت تتواصل معانا ونحجز لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287.

---