امتي تكون عملية دوالي الخصية ضرورية ؟
حوالي 15% من الرجالة بيعانوا من دوالي الخصية ، هل معني كده ان لازم كل الرجالة دي تعمل عملية دوالي الخصيتين؟ اكيد طبعا لا، لان في حالات وأسباب معينة تجبرنا اننا نعمل عملية دوالي الخصية في ساعتها، زي انها تكون مسببة ألم شديد أو مؤثرة على الإنجاب.
ودلوقتي خلينا نشوف الحالات اللي بيكون ضروري تعمل عملية دوالي الخصية
1/ لو الشخص ده متجوز وعدي على جوازه اكثر من سنه وعنده تاخر في الانجاب بالرغم ان الزوجة معندهاش اي موانع ، بنطلب من الشخص ده انه يعمل تحليل سائل منوي وبنلاقي ان عنده انعدام في الحيوانات المنوية وده لان الخصية مش قادرة تنتج حيوانات منوية لان الدوالي ماثرة عليها ، في الحالة دي لازم يعمل عملية دوالي الخصية.
2/ لو الشخص ده متجوز وخلف مرة قبل كدة ومش عارف يخلف تاني ، هنا بتكون الدوالي ظهرت وبشدة وأثرت عليه على الرغم انها مكنتش ماثرة عليه قبل كدة ، في الحالة دي لازم يعمل عملية الدوالي.
3/ لو بيحصل اجهاض للزوجة بصورة متكررة مع وجود دوالي على الخصية ، لأن دوالي الخصية بتكون السبب في زيادة نسبة تشوهات الحيوانات المنوية وكذلك زيادة في تكسرالمادة الوراثية الموجودة في رأس الحيوان المنوي اللي بيحصل بسببها الإجهاض ، في الحالة دي عملية دوالي الخصية لازم تتعمل علشان نسبة التشوهات تقل والإجهاض يقل ويحصل حمل بشكل طبيعي.
ولو عايز تعرف اي علاقة دوالي الخصية بتفتت المادة الوراثية عند الزوج والسقط المتكرر عند الزوجة وفشل عملية الحقن المجهري ، اسمع الفيديو ده مع الدكتور اسامة البكل…
4/ شاب غير متجوز وعنده ألم شديد في الخصية ، واتشخص ان عنده دوالي، هل يعمل العملية ولا لا؟ في الحالة دي بنحتاج نعمل الاول تحليل سائل منوي علشان نشوف هل الدوالي مأثرة عليه ولا لا وبنتابع حجم الخصية، لو مش مأثرة مش هيحتاج يعمل العملية، لكن لو مأثرة على حجم الخصية اوعلى تحليل السائل المنوي، في الحالة دي لازم يعمل عملية الدوالي.
5/ لو الشخص ده بيقدم في الكليات العسكرية والشرطة وعنده دوالي على الخصية ، في الحالة دي لازم يعمل عملية الدوالي ، لأن دوالي الخصية ممكن تمنعه من دخول الكلية العسكرية ، ولازم كمان يعملها عند دكتور متخصص بالجراحة الميكروسكوبية علشان ميكونش في أي ارتجاع للدوالي او علامات للجرح بعد العملية.
6/ لو بيحصل تكرار فشل لعملية الحقن المجهري مع وجود دوالي على الخصية ، في الحالة دي لازم يعمل عملية دوالي الخصية الأول قبل اللجوء لعملية الحقن المجهري.
ودلوقتي خلينا نجاوب على سؤال مهم جدا، ليه لازم نعمل عملية دوالي الخصية الأول قبل عملية الحقن المجهري ؟
في البداية لازم تكون عارف ان دوالي الخصية بتأثر على جودة الحيوانات المنوية من حيث العدد والحركة والتشوهات ، وكمان بتسبب تلف في المادة الوراثية الموجودة في رأس الحيوان المنوي.
فالافضل ان لو عندك دوالي على الخصية لازم الاول تعمل عملية الدوالي قبل عملية الحقن المجهري، لان بعد عملية الدوالي كفاءة الحيوان المنوي بتتحسن وكذلك تفتت المادة الوراثية الموجودة في رأس الحيوان المنوي بتتحسن، وبالتالي بيكون عندنا فائدتين:
1/ إنتاج حيوانات منوية سليمة بجودة عالية في السائل المنوي، وده طبعا هيزود من فرص الحمل الطبيعي.
2/ رفع فرص نجاح الحقن المجهري لو محصلش حمل طبيعي بعد عملية دوالي الخصية.
في النهاية ، لو لسه عندك اي تساؤل او استفسار تقدر تتواصل مع الفريق الطبي علي الرقم ده 01018874287 وهما هيجاوبوا علي كل اسئلتك ، او تطلب منهم تحديد ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.