من هو المرشح لعملية تركيب دعامة القضيب ؟

من هو المرشح لعملية تركيب دعامة القضيب ؟

تعتبر عملية تركيب دعامة العضو الذكري هي الحل الفعال لكل مشاكل الضعف الجنسي عند الرجال ، ولكن ده معناه ان اي شخص بيعاني من ضعف الانتصاب ينفع يركب دعامة القضيب ؟ 

في المقال ده هكلمك عن دعامة القضيب بالتفصيل ، ومين هو المرشح الأفضل لتركيبها ، وايه هي الحالات اللي مينفعش معاها تركيب دعامة الانتصاب.

ودلوقتي تعالوا نعرف مع بعض ايه هي دعامة القضيب ، 

وليه هي من أفضل الحلول لعلاج مشاكل الضعف الجنسي عند الرجال : 

بنلجأ لتركيب دعامة العضو الذكري بعد ما بنكون جربنا كل الطرق العلاجية الثانية في علاج ضعف الانتصاب زي الأدوية والحقن الموضعي وفشل معاه ، ف الدعامة في الحالة دي بتساعد على انتصاب العضو الذكري بشكل يشبه الانتصاب الطبيعي ، ده غير ان ينفع أي شخص يركب دعامة القضيب سواء كان شاب ، أو في منتصف العمر، أو حتى كبير في السن.

طب وليه هي من أفضل الحلول المستخدمة في علاج ضعف الانتصاب ؟ 

1/ لأنها بتعالج ضعف الانتصاب بشكل نهائي وجذري ومن غير ما نلجأ لأي أدوية علاجية لفترة طويلة.

2/ وبتحافظ على استمرار انتصاب القضيب لفترة طويلة.

3/ ومش بتعمل أي تغير في شكل أو حجم العضو الذكري وبيفضل زي ماهو. 

4/ والأشخاص المصابين بالأمراض المزمنة زي السكر أو الضغط أو القلب مينفعش أنهم ياخدوا أدوية أو منشطات ، لكن الدعامة ينفع كل الأشخاص أنهم يركبوها حتى اللي عندهم أمراض مزمنة.

5/ بعض الأدوية أو المنشطات الجنسية ممكن تسبب مضاعفات زي هبوط في الدورة الدموية أو مشاكل في الضغط ، لكن الدعامة مش بتسبب أي مشاكل صحية للشخص.

6/ ده غير ان الأدوية أو المنشطات الجنسية آثارها بيروح أول ما بنوقف استخدامهما، لكن الدعامة آثارها مستمر بشكل دائم.

ومش معنى اننا عرفنا مميزات دعامة القضيب ، ان برضه كل حالات ضعف الانتصاب ينفع انهم يركبوا الدعامة ، ودلوقتي خليني اجاوبك على سؤالك واقولك مين هما المرشحين لعملية تركيب دعامة القضيب : 

• لو عندك ضعف انتصاب شديد مش بيستجيب لأي علاج ، هنا الحل الوحيد هيكون تركيب دعامة العضو الذكري.
• لو جربنا العلاج الدوائى فترة ولقينا ان ضعف الانتصاب لسه زى ماهو ومفيش اى تحسن وقتها ممكن اننا نلجأ لتركيب الدعامة.
• لو عندنا مرض بيرونى ، الدعامة في الحالة دي هتعالج ضعف الانتصاب اللى حصل بسبب التليف.
• لو عندنا اعوجاج في القضيب مصاحبه ضعف انتصاب ، وقتها أفضل قرار ممكن ناخده هو تركيب الدعامة ، لان الدعامة هنا مش بس هتعالج ضعف الانتصاب ، دى كمان هتعالج الاعوجاج وهترجع العضو الذكرى لشكله الطبيعى.
• المرضى اللي عندهم مشاكل فى القلب وبتاخد موسعات للشرايين ، وقتها منقدرش اننا نعالج ضعف الانتصاب بالأدوية ولا نقدر ناخد اى منشطات جنسيه ، لإن ده ممكن يسبب انخفاض شديد في ضغط الدم وممكن يسبب الوفاة ، فالحل الوحيد هو تركيب دعامة العضو الذكري.
• لو كنا بنعالج ضعف الانتصاب بالحقن الموضعى ، بس احنا مش متقبلين لفكرة اننا لازم نحقن نفسنا فى العضو الذكرى فى كل مرة عاوزين اننا نعمل فيها علاقة زوجية ، فبنلجا لتركيب دعامة القضيب.
• لو حصلنا كسر فى الحوض ، لان الكسر ده هيأثر على الاعصاب اللى مسئولة عن تغذية العضو الذكري وحدوث الانتصاب ، فهنا للأسف العلاج الدوائى مش هيجيب نتيجة والحل الوحيد هو تركيب الدعامة.
• واخيرا ، مرضي السكر اللي عندهم تلف في الأعصاب وضعف مزمن. 

وبعد ما عرفنا مين هما الحالات اللي حلها الوحيد هو تركيب دعامة القضيب ، تعالي اقولك بقى على الحالات اللي مينفعش ابدا معاهم تركيب دعامة العضو الذكري : 

اولا : لو الشخص اللى هيركب الدعامة كان مريض سكر، و نسبة السكر فى الدم مش مستقره و مش عارفين نسيطر عليها وقتها مش هنقدر اننا نركب الدعامة ، غير لما نظبط نسبة السكر الاول.

ثانيا : لو عندنا اى عدوى فى الجهاز التناسلى ، و خصوصا لو كانت نشطة لازم نعالجها الاول. 

ثالثا : لو عندنا اى مشكلة فى البول ، لازم نحل مشاكل البول الأول قبل ما نفكر في تركيب الدعامة .

لكن بخلاف كل الحالات دى نقدر عادي اننا نركب دعامة العضو الذكري واحنا متطمنين ، لان العمليه نفسها بسيطة جدا ومفيهاش اى خطوره لو اتعملت بطريقة صح ، وعشان تطمن اكثر خليني احكيلكم شوية عن تفاصيل العملية وازاي بتم : 

1/ اول حاجة بنقدر عادي اننا نعمل العمليه ببنج نصفي أو كلي.

2/ ولازم في الأول نأخذ جرعة مضاد حيوي قبل العملية ، عشان ميحصلش اي عدوى وقت تركيب الدعامة ، لأن ده جسم غريب بنزرعه في العضو الذكري.

3/ وبعد كده بنبدأ بنطهر المكان اللى هنعمل فيه الجرح كويس ، وبرضو علشان ميكونش عندنا أي فرصة لحدوث أي عدوى أو التهاب في الجرح.

4/ وبعدها بنعمل فتحة صغيرة في القضيب وبنبعد الأوردة والشرايين علشان نوصل للنسيج الكهفي ونزرع الدعامة ، ولو كانت الدعامة مرنة ، بيتم إدخالها من خلال شق جراحي أسفل رأس القضيب أو من خلال شق بين القضيب وكيس الصفن ، أما لو كانت الدعامة هيدروليكية بيتم ادخالها من خلال شق واحد فقط ، بندخل منه الدعامة و المضخة والخزان.

5/ ولازم كمان نتأكد كويس ان مقاس الدعامة مناسب لطول العضو الذكري لا أطول ولا أقصر ، لأنها لو كانت :

• أقصر : ده هيخلي رأس العضو الذكري مرتخية والدعامة بتكون عرضه اكتر انها تتكسر. 
• أطول : ده هيسبب ألم شديد للمريض وقت العلاقة الزوجية وممكن الدعامة تخرج بره رأس العضو الذكري.

6/ وبعد ما خلاص ركبنا الدعامة في مكانها المظبوط ، بنبدأ نقفل الجرح بخيوط تجميلية علشان ميكونش ليه أي أثر.

7/ واخيرا مدة العملية مش بتستغرق أكثر من 60 دقيقة. 

ولو عايز تعرف هل تركيب دعامة العضو الذكري هتاثر على الاستمتاع في العلاقة الزوجية ، اسمع الفيديو ده مع الدكتور اسامة البكل…

في النهاية ، لازم تكون عارف ان عملية زرع دعامة العضو الذكري عملية بسيطة جدًا ومش صعبة وملهاش أي مضاعفات ، وكل ما كان الجراح اللي بيعمل العملية متخصص وعنده خبرة ، كل ما كانت العملية ناجحة وسهلة ، واهم خطوة ان اختيار المريض المناسب هو مفتاح نجاح الدعامة وتحقيق نتائج مرضية لكلا الطرفين. 

ولو فكرت وعايز تتابع معانا حالتك ، ونحجز لك ميعاد مع الدكتور أسامة محمد البكل ، مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287.