ليه علاج تأخر الانجاب عند الرجال بياخد وقت طويل؟
المرضي اللي بيعانوا من تأخر في الإنجاب وبياخدوا علاج وحاسين ان مفيش نتيجة ؟
خليني اقولك ان الخصية بتحتاج وقت من 74 لـ 90 يوم عشان تنتج الحيوانات المنوية ، عشان كده المريض لازم ياخد العلاج لمدة متقلش عن 90 يوم ، وبعدها يعمل تحليل سائل منوى جديد عشان نقدر نحكم ، هل العلاج جايب نتيجة وهيحصل حمل بشكل طبيعى ، ولا محتاجين نشوف خطة علاج ثانية.
ليه علاج تأخر الإنجاب عند الرجال بياخد فترة طويلة ؟
في البداية لازم تكون عارف ان دي حاجة بتزعج عدد كبير من المرضى ، وتتسبب في أن مرضى كتير مش بيكملوا العلاج أو بيغيروا الدكتور لاقتناعهم أن فترة العلاج دي طويلة جداً.
ولكن خليني اقولك ان دورة إنتاج الحيوانات المنوية في الخصية بتاخد من 74 الى 90 يوم ، فأي علاج للانجاب لازم ياخد أكثر من 90 يوم علشان ننشط جميع مراحل إنتاج الحيوان المنوي ونشوف هل العلاج ده فعلا جايب نتيجة هنكمل عليه أو ربنا يكرم ويحصل حمل او لاقدر الله العلاج ده مش جايب نتيجة هندور علي خطة علاجية ثانية ، لكن أقل من 90 يوم مقدرش اخد حكم كافي علي العلاج ، ولكن ده مش معناه ان لازم بعد ال 90 يوم هيحصل حمل طبيعي ، أحياناً بعض الناس بيحصل حمل أثناء فترة العلاج قبل ما ال 3 شهور يخلصوا.
لكن احنا منقيمش العلاج نجح أو فشل غير بعد ما ال 3 شهور يخلصوا بتحليل سائل منوي.
بالتالي الموضوع مش ضغط علي المريض أو بنرهقه ، لأن طبيعي دي دورة تكوين الحيوانات المنوية في الخصية ، فلازم نتجاوز الفترة بتاعتها علشان نحكم على العلاج بتاعنا إن شاء الله.
ولو عندك اي استفسار عن علاج تاخر الانجاب ، ممكن تبعتلنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :