هل المشاكل والخلافات الزوجية بتسبب ضعف انتصاب؟

هل المشاكل والخلافات الزوجية بتسبب ضعف انتصاب؟

العلاقة الزوجية زيها زي اللعبة ، لازم يكون فيها تعاون وتبادل الأدوار بين الطرفين ، ولازم يكون الزوج والزوجة عندهم رغبة أصلاً في ممارسة العلاقة الزوجية ، ويكون في بينهم تفاهم ، ومايكونش في أي مساحة للقلق والتوتر ، لكن لو في أي مشاكل أو خلافات بين الزوجين ، ده طبعاً هيأثر على العلاقة الزوجية، وممكن يسبب ضعف انتصاب.

ما هو ضعف الانتصاب:

في البداية لازم تكون عارف ان علشان يحصل انتصاب للعضو الذكري في العلاقة الزوجية ، بيحتاج القضيب إلى كمية كبيرة من الدم المتدفق إليه ، وبيحتاج إلى قوة الأعصاب واسترخاء العضلات ، وإلى مستوى مناسب من هرمون الذكورة ، وبيحتاج إلى رغبة جنسية كافية علشان يحصل انتصاب ، بالتالي لو كان في أي خلل في أي من المتطلبات دى هيؤدي إلى ضعف الانتصاب.

وضعف الانتصاب بيحصل نتيجة عدم قدرة الشخص على بلوغ الانتصاب أو الحفاظ عليه المدة الكافية لحد ما نخلص العلاقة الزوجية، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده إما بيكون بسبب ضعف في ضخ الدم إلى القضيب ، أو أن مش بيتم الاحتفاظ بالدم داخل القضيب لحد ما نخلص العلاقة الزوجية ، نتيجة تسربه خارج العضو الذكري.

7 أسباب نفسية تسبب ضعف انتصاب:

1. الضغوط النفسية والمشاكل الزوجية:

علشان يحصل علاقة زوجية سليمة وطبيعية، لازم الطرفين يكون عندهم رغبة في العلاقة، لذلك لو مفيش أي تفاهم بين الطرفين وفي ضغوط نفسية دايماً ، وفي مشاكل وخلافات، كل ده مش هيخلي عندنا رغبة ولا إثارة جنسية لحدوث الانتصاب، وهيؤدي إلى ضعف الإنتصاب أثناء العلاقة الزوجية.

ولو عايز تعرف ازاي الضغوط والمشاكل الزوجية والاكتئاب بيسببوا ضعف انتصاب اثناء العلاقة الزوجية ، اسمع الفيديو ده مع الدكتور اسامة البكل….

2. مشاهدة الأفلام الإباحية:

لانها بتخلي عندنا مفهوم وشكل معين عن العلاقة الزوجية ، ولما مش بنلاقيها زي ما احنا متخيلين بيخلي عندنا قلة ثقة في نفسنا أننا مش كويسين في العلاقة الزوجية.

3. التوتر عند المتزوجين الجدد:

بمعنى أن بيكون لسه في قلق وخوف من العلاقة الزوجية ، وبيكون متوقع ان الزوج يواجه مشاكل في الانتصاب ، وده طبعا بيؤدي إلى فقدان الثقة بالنفس وضعف الانتصاب.

4. الإفراط في ممارسة العادة السرية:

ده بيخلينا نفرغ كل الرغبة والشهوة اللي جوانا فيها ، ونيجي وقت العلاقة الزوجية مش بيكون عندنا رغبة ، بالتالي مش هيحصل انتصاب.

5. الاكتئاب :

واحد من أشهر الأسباب النفسية اللي بتأثر على الانتصاب.

6. تجارب صادمة جنسيًا:

زي التحرش والاعتداءات الجنسية ، بمعنى أن العلاقة الجنسية هتثير عنده استجابة عاطفية شديدة وهتعيد الذكريات المؤلمة اللي اتعرض لها ، فهتتسبب في الانزعاج والشعور بعدم الراحة ، وبالتالي هتسبب ضعف في الأداء الجنسي وضعف الانتصاب.

7. معتقدات خاطئة:

حيث تتسبب بعض المعتقدات الثقافية أو الدينية الخاطئة في تكوين مشاعر سلبية تجاه الجنس ، وده بياثر على الأداء الجنسي والإحساس بالمتعة ، كما أن اعتقاد الرجل في بعض المجتمعات بأنه يجب أن يكون هو المسيطر في العلاقة الزوجية ، وبالتالي ده ممكن يشكل ضغط نفسي عليه فينعكس سلباً على الوظيفة الجنسية.

أسباب أخرى لضعف الانتصاب:

ولازم تكون عارف أن في أسباب تانية بجانب الأسباب النفسية ممكن تسبب للشخص ضعف انتصاب زي:

تناول بعض الأدوية: زي الأدوية الهرمونية أو أدوية علاج السرطان أو الأدوية اللي بتؤثر على الجهاز العصبي المركزي زي أدوية الاكتئاب ، كل ده بيسبب ضعف انتصاب.

التدخين بشراهة: لأنه بيأثر على تدفق الدم وبيمنع وصوله إلى القضيب ، وبيسبب ضعف انتصاب.

التقدم في العمر: بمعنى أن هرمون الذكورة بيقل مع التقدم في العمر ، وبالتالي بتقل معاه كفاءة الانتصاب.

شرب الكحول: لأنها بتأثر على الرغبة الجنسية وبتسبب ضعف انتصاب.

دور الزوجة في الانتصاب:

ولازم تكون عارف أن الزوجة بيكون ليها دور كبير جداً في الانتصاب:

لأن الزوجة لو مش متفاعلة مع الزوج وقت العلاقة الزوجية ، ده بيخلي الزوج مش مستمتع بالعلاقة الزوجية ومش بيكون عنده إثارة ولا بيوصل للنشوة الجنسية.

وممكن كمان الزوجة تساهم في علاج ضعف الانتصاب من خلال تقديم الدعم النفسي للزوج ، وأن يكون في تبادل للآراء بينهم ، لأن كل ده بيقلل من الضغط النفسي والتوتر اللي عند الزوج ، وبيساعد على حدوث الانتصاب.

3 طرق علاج ضعف الانتصاب:

ولازم تكون عارف أن في طرق كثيرة تقدر تعالج بها مشكلة ضعف الانتصاب زي:

الأدوية : لأنها تعتبر كمنشطات جنسية ، تعمل على ارتخاء العضلات وزيادة تدفق الدم إلى العضو الذكري.

الحقن الموضعي : بيتم عن طريق حقن القضيب موضعياً بإبرة رفيعة جداً ، وبيساعد على حدوث الانتصاب بعد الحقن بـ 10 دقائق.

تركيب دعامة العضو الذكري : تعتبر هي العلاج النهائي في علاج ضعف الانتصاب ، وبتتركب في العضو الذكري ، وبتحقق الانتصاب المطلوب بنسبة 100% ، لأنها بتكون أقرب لشكل وحجم العضو الذكري الطبيعي.

ولو عايز تعرف هل تركيب دعامة الانتصاب بتاثر على الإحساس بالمتعة في العلاقة الزوجية ، اسمع الفيديو ده مع الدكتور اسامة البكل….

خلاصة القول

في النهاية، لازم تكون عارف أن مشكلة ضعف الانتصاب ممكن تؤثر على حياتك كلها ، علشان كدة لازم تهتم بالمشكلة دي ومينفعش أبداً تتجاهلها ، وتحاول تعالجها بكل الطرق ، علشان متبقاش السبب في مشكلة تانية زي تأخر الإنجاب.

ولو محتاج تتابع معانا مشكلتك ، تقدر تتواصل معنا على الرقم ده 01018874287 واحنا هنحددلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.