ايه هو اعوجاج القضيب ؟
هو انحناء أو تقوس بيحصل فى القضيب، يعنى ببساطة اكتر ان القضيب وقت الانتصاب بيكون فيه اعوجاج اما ناحية اليمين او الشمال و ممكن يكون الاعوجاج لفوق او انحناء لتحت، و الاعوجاج دى بيكون ليه سببين:
وعشان نقدر نفهم الأسباب كويس، تعالوا الاول نبص سوا على شكل العضو الذكرى من جوا
هنا هنلاقى ان العضو الذكرى بيتكون من 3 أنابيب، الانبوبتين الكبار دول اسمهم النسيج الكهفي و ده اللى بيكون مسؤول عن الانتصاب لما بنتعرض للأثارة الجنسيه، و الانبوبه الصغيره اللى تحت دى هى مجرى البول واللى بتكون موجوده جوا النسيج الاسفنجي.
و بعد ما عرفنا العضو الذكرى بيتكون من ايه، تعالوا بقى نعرف ايه هى اسباب اعوجاج القضيب و نبدأ بالعيب الخلقي.
أسباب خلقية
بمعنى اننا اتولدنا بعيب خلقى اتسبب فى اعوجاج او تقوس فى القضيب.
الأسباب الخلقية
و ده بيحصل لسببين:
لو في انبوبه من أنابيب النسيج الكهفي اطول من التانية، و ده هيسبب اعوجاج للقضيب ناحية الانبوبه الاقصر، و العيب ده بيكون صعب أن نلاحظه قبل مرحلة البلوغ.
السبب التانى، ان يحصل عيب خلقي في مجرى البول، و ده معناه إن فتحة البول مش بتكون فى مكانها الطبيعى، اللى هو فى رأس العضو، و ده بسبب ان انبوبة مجرى البول بتكون قصيرة، فدة بيعمل اعوجاج للقضيب لتحت، وده ممكن نلاحظة من واحنا صغيرين لو البول كان بيخرج بطريقة غريبة أو بيخرج من الجنب، و بيكون ظاهر اكتر على شكل العضو نفسه بعد البلوغ.
أسباب مكتسبة
و دى معناها ان العضو الذكرى فى الاول كان شكله طبيعى و معندناش اى مشكله فى الانتصاب او الايلاج وقت العلاقة الزوجية، لكن بعد كده بدأنا نلاحظ أن بدأ يكون فى انحناء في القضيب مكنش موجود قبل كده، و ممكن مع الوقت نلاقى الانحناء ده بيزيد، و بدأ ياثر على الايلاج وقت العلاقة الزوجية، و ابتدى كمان يكون فى ضعف انتصاب.
أما بالنسبة للأسباب المكتسبة لإعوجاج القضيب واللي بتسمي (مرض بيروني) دي بتظهر بعد ما كان القضيب مفهوش اي اعوجاج، وفيه مجموعة من الأمراض بتزود نسبة الإصابة بمرض بيروني زي:
طيب هو ايه علاج اعوجاج القضيب ؟
بس قبل ما نتكلم عن العلاج، لازم الاول نعرف انا امتى المفروض اعالج اعوجاج القضيب، لان مش كل حالات اعوجاج القضيب بتحتاج لعلاج يعنى لو كان الاعوجاج ده بسيط ميعديش 30 درجة (سواء ناحية اليمين او الشمال او انحناء لتحت أو لفوق) فدى نسبة طبيعية متحتجش اننا نعالجها، لكن نبدء ندور على علاج لو:
زاوية الاعوجاج كانت اكبر من 30 درجة.
ولو الاعوجاج ده كان شديد جدا و بقينا بسببة بنحس بوجع وقت العلاقة الزوجية، أو مبقيناش قادرين اصلا ان يحصل ايلاج للعضو جوه المهبل، و هنا لازم تاخد بالك من حاجة ان مش انت لوحدك اللى هتحس بوجع من اعوجاج القضيب وقت الايلاج، هنا كمان الزوجة بتكون حاسة بوجع وقت العلاقة الزوجية.
و اخيرا لو كان الاعوجاج ده معاه ضعف فى الانتصاب.
و عشان نبدأ العلاج المناسب لحالتنا لازم فى الاول
نعمل فحص نشوف بيه درجة الاعوجاج قد ايه، و نفحص العضو الذكرى كويس جدا و نشوف هل الاعوجاج ده سببه، خلقى زى إن فتحة البول مش فى مكانها، ولا مع الفحص لقينا كتل فى القضيب فيبقى السبب مرض بيرونى.
و ممكن كمان نعمل تحليل هرمون عشان نتأكد من نسبة هرمون الذكورة.
و هنحتاج كمان نعمل أشعة دوبلكس على القضيب عشان نتأكد من وضع الدورة الدموية و هل فى مشكلة فى ضخ الدم ولا لأ، و نشوف كمان شكل الانسجة و لو فيها تليف نقدر نحدد حجمة، و كمان الأشعة هتساعدنا نحدد زاوية الاعوجاج و درجته.
علاج إعوجاج القضيب المكتسب
طيب لو حددنا سبب اعوجاج القضيب و كان السبب مكتسب و نسبة الاعوجاج مش كبيرة اوى و مش مقصره على الانتصاب هنا بنبدأ بالعلاج الدوائى الاول لمده 6 شهور، عشان نعالج المرض اللى سبب اعوجاج للقضيب، و عشان نقلل فرص أن الاعوجاج يزيد، و فى بعض الحالات ممكن العلاج يجيب نتيجة شويه و يحسن الاعوجاج اللى حصل، لكن بعد الست شهور لو الوضع متحسنش او ابتدى يبقى اصعب، وقتها لازم نعمل عملية، و قبل ما تحس ان الموضوع صعب خلينى اطمنك ان العملية سهلة جدا و انها مش زى ما ناس بتقول عنها دى بتسبب ضعف جنسي، او ان القضيب طوله بيقصر بعد العملية خلينى اقولك ان ده عمره ما بيحصل، طبعا لو العملية اتعملت صح.
علاج إعوجاج القضيب الخلقي
نيجى بقى للسبب التانى: اعوجاج القضيب بسبب عيب خلقى بس الاعوجاج مش مقصر على الانتصاب، دة بيكون حلة الوحيد العملية. و تعالى نتكلم شوية عن العملية عشان تكون مطمن من ناحيتها فى العملية احنا مش بنيجى خالص جنب النسيج الكهفى، اللى بيكون مسؤول عن الانتصاب، عشان كده قولتلك ان العملية عمرها ما بتسبب عجز جنسى، كل اللى بنعمله فى العملية اننا بنعمل غرز بطريقة معينة فى القضيب عشان نصلح بيها الاعوجاج و نرجع شكل العضو طبيعى، و الغرز دى مش بتدوب يعنى نتيجة العملية مش مؤقتة، و كمان مش بتكون مكلكعه تحت الجلد، ولا باينه فى ملمس العضو، ولا هتأثر على حجم العضو او طوله.
تركيب دعامة القضيب
لكن فى حالة بقى لو الاعوجاج هنا قصر كمان على الانتصاب و قتها العلاج الوحيد هيكون تركيب دعامة للقضيب و دى مش بنحتاج معاها إننا نعمل غرز لانها بتعالج الاعوجاج و بتعمل انتصاب كمان.
ولو عايز تطمن وتعرف هل حجم العضو الذكري هيتغير بعد تركيب دعامة القضيب ولا لا ، اسمع الفيديو ده من الدكتور اسامة البكل…
ولو عاوز تعرف اكتر عن (دعامات العضو الذكري)، اتواصل معانا 01018874287 واحنا هنحددلك ميعاد مع دكتور/ اسامه محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.