علاج طبي
أحدث التطورات في علاج ضعف الانتصاب
تعرف على أحدث التقنيات والطرق المتطورة في علاج ضعف الانتصاب والضعف الجنسي
🔬 التفتيش الميكروسكوبي للخصية
أحدث وأدق التقنيات لاستخراج الحيوانات المنوية من الخصية في حالات انعدام الحيوانات المنوية في السائل المنوي
التفتيش الميكروسكوبي للخصية
لا توجد صور متاحة حالياً
✨ ما هو التفتيش الميكروسكوبي للخصية؟
💡 التفتيش الميكروسكوبى هو احدث و ادق التقنيات اللى نقدر نستخرج بيها حيوانات منوية من الخصية فى حالات انعدم الحيوانات المنوية فى السائل المنوى.
🌟 و هنعرف حالا ليه التفتيش الميكروسكوبى يعتبر من ادق التقنيات:
صور العملية
بداية عملية التفتيش الميكروسكوبي
فحص أنسجة الخصية تحت الميكروسكوب
استخراج الحيوانات المنوية بدقة عالية
فيديو تعليمي عن التفتيش الميكروسكوبي
شاهد شرح مفصل عن عملية التفتيش الميكروسكوبي للخصية وكيفية إجرائها بأحدث التقنيات الطبية المتطورة
💡 التفتيش الميكروسكوبى هو احدث و ادق التقنيات اللى نقدر نستخرج بيها حيوانات منوية من الخصية فى حالات انعدم الحيوانات المنوية فى السائل المنوى.
و ده لان كل خصية بتتكون من 250 جزء و كل جزء بيكون فيه من انبوبه الى 4 انابيب منوية و ده بيخلى المساحة و عدد الانابيب اللى بندور فيها على حيوانات منوية كبير جدا ، فالطريقة الوحيده اللى نقدر نوصل بيها لكل الانابيب دى فى عملية واحده هى التفتيش الميكروسكوبى .
ده غير اننا كمان بنقدر بسبب التكبير ده اننا نبعد خالص عن الشرايين اللى بتغذى الخصية بالدم و بكده مش هيكون فى نزيف و لا ضرر فى الخصية بعد العملية .
🔬 لماذا التفتيش الميكروسكوبي هو الأدق؟
1
التفتيش الميكروسكوبى بيخلينا نكبر الجزء اللى بنشتغل فيه من 15 – 40 ضعف عن الطبيعى ، و بكده هنقدر اننا نميز كويس جدا الانسجة و الانابيب المنتفخة اللي احتمال وجود حيوانات منوية فيها بيكون اكبر و نبعد عن الانابيب المنكمشة اللي احتمال وجود حيوانات منوية فيها بيكون اقل بكتير
2
ان النسيج اللى احنا هنطلعة احتمالية وجود حيوانات حيوانات منوية فيه كبير، وده اللى بيضمن نجاح العملية
3
بيخلينا مناخدش انسجة كتير من الخصية ، لان زى ماقولنا بنبقى قادرين نحدد مكان النسيج اللى فيه انابيب منتفخة واحتمال كبير يكون فيها حيوانات منوية ، و كمان بيخلينا نقدر نسحب عدد انابيب قليل و مش بنحتاج اننا نقص النسيج كله
4
وبكده نكون اخدنا العينه اللى محتاجنها و كمان حافظنا على انسجة الخصية ، لان الخصية مش بيكون عندها القدره انها تجدد او تنتج الانسجه دى مره تانية
⚕️ كيف تتم العملية؟
خطوات العملية:
1
العملية هنا نقدر نعملها ببنج نصفى او كلى
2
و بنعمل فتحة صغيرة جداّ فى نص كيس الصفن ، و بنخليه فى النص عشان بعد الجرح ما يلتئم ميبانش ليه اى اثر
3
و بعد ما بنعمل الفتحة بنبد نخرج الخصية بره كيس الصفن
4
بعد ما بنخرج الخصية بنبدء نعمل فيها فتحة طولية عشان نقدر نشوف كل انسجة الخصية
5
و بنبدء بعد كده اننا نثبت الميكروسكوب على فتحة اللى عملناها فى الخصية ، ونبدء ندور على الانسجة اللى فيها انابيب منوية منتفخة
6
و بعدين بنبدء اننا نخرج الانابيب المنتفخة من غير ما نقص النسيج كلة زى ما قولنا من شويه
7
و بعدين نبعت الانابيب دى للمعمل يستخرج منها الحيوانات المنوية ، و بعد كده بيبدء يجهز الحيوانات المنوية اللى هنلقيها للحقن المجهرى او للتجميد
8
و بعد كده بنقفل الجرح اللى عملاناه فى الخصية و بنرجعها مكانها فى كيس الصفن و نقفل كيس الصفن بعد كده بغرز تجميلية
🎯 الحالات التي تحتاج للتفتيش الميكروسكوبي
🧬 حالات الكلاينفلتر
لان اصلا حجم الخصية بيكون صغير جدا فمش هينفع اننا كمان ناخد منة نسيج ،الافضل هنا اننا نعمل تفتيش ميكروسكوبى لان زى ما قولنا احنا بنقدر اننا نسحب بس الانابيب المنتفخة بس من غير ما نقص النسيج
🔄 الحالات التي فشلت فيها العينات السابقة
كل الحالات اللى عملت قبل كده عينة خصية بالابره او بالجراحة و مقدرناش اننا نلاقى فى العينة حيوانات منوية ، يفضل اننا نعملها فى المرة التانية بالتفتيش الميكروسكوبى و نفحص الخصية كويس عشان نضمن اكتر نجاح العملية
🔍 حالات عدم وجود بؤر منوية
و فى حالة ان فى اجزاء من الخصية مفيهوش بؤر منويه ، وقتها عشان نقدر ندور فى كل الخصية لازم نعمل التفتيش الميكروسكوبى ، لان ده اخر امل لمريض معندهوش الخلايا الام اللى بتصنع الحيوانات المنوية ، عشان كده لازم نتأكد و ندور كويس فى كل نسيج فى الخصية
✅ كيف نضمن نجاح العملية؟
📋 تحليل السائل المنوي
لازم فى الاول نعمل تحليل للسائل المنوى و يفضل انه يتعمل اكتر مره ، و يكون فى وقت بين التحليلين على الاقل اسبوعين ، عشان نتأكد ان فى انعدام فعلا للحيوانات المنوية فى السائل المنوى
🧬 التحليل الجيني
لازم نعمل تحليل جينى خصوصاّ لو عملنا قبل كده تفتيش ميكروسكوبى و فشل ، لان بعض المشاكل الجينية مش بيكون ليها علاج للأسف وفرص اننا نلاقي حيوانات منوية في التفتيش بتبقى صفر
🩺 فحص الهرمونات
و لازم اننا نكون مطمنين ان الخصية وضعها كويس من ناحية الهرمونات بمعنى اننا لازم نعمل تحليل للهرمونات ، و لو لقينا اى نقص فى الهرمونات المسؤولة عن انتاج الحيوانات المنوية زى هرمون (FSH – LH) او هرمون الذكوره ، فكده لازم قبل ما نعمل التفتيش الميكروسكوبى نعوض الاول نقص الهرمونات دى بعلاج هرمونى لمده متقلش عن 3 شهور
🩸 علاج دوالي الخصية
لو كان عندنا دوالى على الخصية من الدرجة التانية او التالته ، فالدوالى اصلا بتقلل من انتاج الخصية للحيوانات المنويه ، و عشان كده لو عالجناها بعمليه بسيطة ، ده هيرجع الخصية تنتج تانى حيوانات منوية
💊 العلاج الكيميائي والإشعاعي
لو كنا بناخد اى علاج اشعاعى او كيميائى لازم نستنى فتره قبل ما نعمل التفتيش الميكروسكوبى متقلش عن 5 سنين من وقت اخر جلسة ، لان العلاج الكيميائى او الاشعاعى بيأثر على الخصية و على الحيوانات المنوية
🏥 متطلبات نجاح العملية
👨⚕️
الخبرة الجراحية: لازم اللى يعمل العملية يكون عنده خبره كبيره جدا فى الجراحات الميكروسكوبيه ، عشان يقدر يميز الانابيب المنتفخة اللي احتمال اكبر نلاقي فيها حيوانات منوية عن غيرها
⏰
وقت العملية: عملية التفتيش الميكروسكوبى مينفعش يقل وقتها عن ساعة لساعتين ، وده مش عشان العمليه صعبه بالعكس دى سهله جدا ، لكن الوقت هنا عشان نكون فتشنا الخصيتين كويس جدا
🔬
جودة الميكروسكوب: الميكروسكوب نفسه اللى بنستخدمة فى الجراحة لازم تكون كفائته عالية جدا من ناحية الاضائة و التكبير و وضوح الصوره
🧪
معمل الأجنة: لازم كمان المكان اللى هنعمل فيه العملية يكون فيه معمل اجنة و يكون مجهز وفيه دكاتره عندهم خبرة عالية ،عشان يستلم العينة اول ما نطلعها و يبدأ ينتقى منها الحيوانات المنوية
🧵
الخيوط الجراحية: اخيراّ الخيوط اللى هنستعملها فى قفل الجرح لازم يكون بمواصفات معينه عشان متتفاعلش مع انسجة الخصية و يسبب فيها تليف وقت التأم الانسجة
💪 لا تفقد الأمل - الحل موجود
آخر الأخبار والمقالات الطبية
تابع أحدث المقالات والأخبار الطبية في مجال الصحة الجنسية والإنجابية
نصائح طبية
نصائح مهمة بعد عملية دعامات القضيب
إرشادات ونصائح طبية مهمة للمرضى بعد إجراء عملية زراعة دعامات العضو الذكري
وقاية
الفحص الدوري للصحة الجنسية للرجال
أهمية الفحص الدوري والكشف المبكر لمشاكل الصحة الجنسية والإنجابية عند الرجال
تواصل معنا
احجز استشارتك الطبية مع د. أسامة البكل - استشاري طب وجراحة أمراض الذكورة
📍
العنوان
الشيخ زايد، محور 26 يوليو
مبنى التوين تاورز C، الدور الثاني
عيادة D
🕒
مواعيد العمل
السبت إلى الأربعاء
من 12:00 ظهراً إلى 8:00 مساءً
الأسئلة الشائعة حول التفتيش الميكروسكوبي
تستغرق العملية من ساعة إلى ساعتين، وهذا الوقت ضروري للفحص الدقيق لكامل أنسجة الخصية للعثور على الحيوانات المنوية.
العملية تتم تحت التخدير الكامل أو النصفي، لذلك لن تشعر بأي ألم أثناء الجراحة. قد تشعر ببعض الانزعاج البسيط بعد العملية.
نسبة النجاح تعتمد على حالة المريض، لكن التفتيش الميكروسكوبي يحقق أعلى معدلات النجاح في استخراج الحيوانات المنوية مقارنة بالطرق التقليدية.
يمكن العودة للأنشطة الطبيعية خلال أسبوع، مع تجنب الأنشطة الشاقة ورفع الأثقال لمدة أسبوعين إلى ثلاثة أسابيع.
نعم، يمكن إعادة العملية، لكن يُفضل الانتظار فترة كافية وإجراء فحوصات شاملة لتحديد أسباب الفشل قبل المحاولة مرة أخرى.
يجب إجراء تحاليل شاملة للسائل المنوي والهرمونات والتحليل الجيني، بالإضافة إلى علاج أي مشاكل مثل دوالي الخصية قبل العملية.