هل دوالي الخصية تزول مع الوقت؟

1. الجراحة التقليدية:

تعتبر من أقدم الطرق اللي كانت بتعالج دوالي الخصية، واللي بيحصل في الجراحة التقليدية، أن الجراح بيعمل فتحة في المنطقة الإربية في أسفل البطن، ويبدأ يشوف فين الأوردة المنتفخة اللي عاملة الدوالي ويربطها، والطريقة دي بتسبب مشاكل كثيرة جداً للمريض زي:

• أن الجراح مش بيكون معاه أي أدوية جراحية تساعده إنه يشوف مكان العملية بشكل أوضح، وده ممكن يخليه يربط الشريان الخصوي اللي بيغذي الخصية، وبكده هنكون منعنا الدم أن يوصل الخصية، وهيتسبب في ضمور الخصية.
• الجراح ممكن يربط الأوعية الليمفاوية بالغلط مع الأوردة، وده هيسبب للمريض قيلة مائية على الخصية.
• وممكن الجراح ميشوفش الأوردة الصغيرة بالعين المجردة، وبكده هيكون عندنا فرصة كبيرة أن الدوالي ترجع تاني بعد فترة من العملية.

2. جراحة المنظار:

مضاعفاته زي مضاعفات الجراحة التقليدية بالظبط، لأن المنظار مش بيخلينا نشوف الأوردة الدقيقة ونربطها، ولا بيخلينا نقدر نحافظ على الشريان الخصوي اللي ممكن يتأذى وقت العملية، وعلشان كده بيكون في احتمال كبير جداً إن دوالي الخصية ترجع تاني بعد العملية أو إن يحصل ضمور للخصية.

3. الأشعة التداخلية:

مش بننصح بيها في علاج دوالي الخصية خاصة في حالات تأخر الإنجاب، لأن فرصة أن يحدث ارتجاع للدوالي تاني في الأشعة التداخلية بتكون بنسبة كبيرة، لأننا مش بنقدر نوصل لكل الأوردة المنتفخة اللي فيها الدوالي، ده غير إن في الأشعة التداخلية بنضطر نعرض الخصية لجزء كبير من الإشعاع، وده طبعاً هيضر الخصية وهي أصلاً بتكون متضررة بسبب الدوالي.