هل عملية دوالي الخصية بتعالج العقم عند الرجال ؟
معوقات الإنجاب والعقم من المشاكل اللي بيتعرض لها عدد كبير من الرجال والنساء ، وتعتبر دوالي الخصية من أكثر الأمراض الشائعة بين الرجال واللي بتاثر على صحة وجودة الحيوانات المنوية وبتسبب تأخر في الإنجاب ، لكن السؤال الأهم هنا بقى ، هل عملية دوالي الخصية بتعالج العقم ؟
قبل ما اجاوبك على سؤالك ، تعالي اقولك ايه هي دوالي الخصية :
دوالي الخصية هي عبارة عن تضخم في الاوردة المحيطة بالخصية والموجود داخل كيس الصفن ، والتضخم ده بيحصل نتيجة لضعف الصمامات الموجودة في الأوردة واللي مسؤولة عن تنظيم تدفق الدم من الخصيتين إلى القلب ومنع عودته تاني للخصية ، فلما الصمامات دي بيحصل فيها خلل أو عيب ، الدم بيرجع تاني للخصية ويفضل يتراكم داخل الأوردة وهو ده اللي بيسبب دوالي الخصية.
و دلوقتي خلينا نتكلم في نقطة مهمة جدا وهي مضاعفات دوالي الخصيتين :
في البداية لازم تكون عارف ان دوالي الخصية لو اهملتها ومعالجتهاش هتكون السبب في مشاكل كثير جدا ، زي :
تأثيرها السلبي على المراهقين :
لأنها بتسبب لهم بطء في نمو الخصية ، وبتسبب للكبار صغر وانكماش في حجم الخصية ومع الوقت ممكن يوصل لضمور الخصية.
أما عند الكبار ، يكفي انها بتكون السبب في إصابة حوالي 40% من الرجال بالعقم وتاخر الانجاب :
لأن زي ما قولنا قبل كدة ان الخصية هي المصنع اللي بينتج الحيوانات المنوية المسؤولة عن الإنجاب ، ودوالي الخصية وخصوصاً بقي لو كانت كبيرة ومن الدرجة الثانية أو الثالثة ، ساعتها الدم اللي في الخصية هيسخن وهيرفع من درجة حرارة الخصية وهيزيد من تراكم المواد المؤكسدة ( ROS ) اللي هتأثر على :
- 1/ الخصية وإنتاجها للحيوانات المنوية.
- 2/ وهتضر بالحيوانات المنوية السليمة والمكتملة في الخصية.
- 3/ هتسبب تكسير في المادة الوراثية الموجودة في رأس الحيوان المنوي ، وده هيخلي الحيوان المنوي مشوه ، وممكن ميقدرش يلقح البويضة أصلاً ، أو يلقحها لكن هيحصله إجهاض في أول 3 شهور من الحمل.
وكل دي مضاعفات بتسببها دوالي الخصية وبتكون السبب في الاصابة بالعقم او تأخر الإنجاب.
طرق علاج دوالي الخصية
ولكن كل ده مش معناه اننا نفقد الأمل في العلاج ، لان دوالي الخصية ليها علاج وعلاج نهائي كمان ، واحب اقولك ان علاج دوالي الخصية مش دوائي ، علاج دوالي الخصية جراحي ، وقبل ما تقلق من الجراحة والعمليات ، احب اطمنك ان عملية دوالي الخصية هي عملية بسيطة وسهلة جدا ، بس الاهم من العملية ، انك تختار الطريقة اللي تعالج بيها دوالي الخصية صح ، لان في طرق كتير بدل ما هتعالج المشكلة بالعكس هتزود عليها مشاكل تانية كتير ممكن توصل لضمور الخصية ، والطرق دي ، زي :
الجراحة التقليدية : من أسوأ الطرق في علاج دوالي الخصيتين
- 1/ لان في الجراحة التقليدية الجراح بيعتمد على بصره و أدواته الجراحية فقط من غير استخدام أدوات حديثة تساعده يشوف مكان العملية بوضوح ، وده ممكن يخليه يعرض الشريان الخصوي اللي بيغذي الخصية بالدم للقطع ، لأنه بيكون موجود وسط الأوردة وبيكون صعب اننا نميزه بعنينا بدون تكبير ، وبكده هنكون منعنا الدم من انه يوصل للخصية ويغذيها ، وده ممكن يسبب ضمور للخصية.
- 2/ وفي الجراحة التقليدية ، الجراح مش بيقدر يشوف الأوردة الصغيرة و الدقيقة الثانوية اللي بدأت تتضخم ، و ده بيخلي الدوالي ترجع تانى بعد فترة من العملية.
- 3/ وممكن كمان في الجراحة التقليدية اننا نربط الأوعية الليمفاوية بالغلط وقت العملية ، وهي اللي بتكون مسؤولة عن تصريف السوائل الزائدة من الخصية ، ولو تم ربطها بالغلط ، ده ممكن يسبب قيلة مائية على الخصية.
جراحة المنظار :
يشبه الجراحة التقليدية في كل حاجة حتي في المضاعفات ، لانه مش بيخلينا نقدر نشوف الشريان الخصوي أو الأوردة الثانوية والدقيقة جدا وبكده ممكن نضر الشريان الخصوي وقت العملية ، ونسبة إن دوالي الخصية ترجع تانى بتكون كبيرة.
الأشعة التداخلية : اكثر طريقة مش بننصح بيها نهائي في علاج دوالي الخصية
لانها بتكون مضرة للخصية اكتر من ضرر الدوالى نفسها ، لأننا في الأشعة التداخلية بنعرض الخصية لجرعة كبيرة جدا من الإشعاع و ده بيضر الخصية وهي اصلا بتكون متضررة بسبب الدوالي ، وفرصة أن يكون في ارتجاع للدوالي مرة ثانيه بيكون اكبر ، لاننا مش بنقدر نوصل لكل الأوردة في الخصية.
الجراحة الميكروسكوبية : افضل واحسن طريقة تعالج بيها دوالي الخصية
- 1/ لأن الميكروسكوب الجراحي بيكبر مكان العملية لغاية 25 ضعف ، وده بيساعدنا نشوف كل الأوردة و الشرايين بوضوح.
- 2/ الميكروسكوب بيساعدنا نربط الأوردة الثانوية والصغيرة عشان نمنع رجوع الدوالي مرة ثانية بعد العملية.
- 3/ وكمان بيساعدنا نبعد عن الشعيرات والأوعية الليمفاوية اللي لو اتربطت بالغلط ممكن تسبب قيلة مائية على الخصية.
- 4/ ده غير اننا بنقدر نحافظ على الشريان الخصوي اللي بيوصل الدم للخصية ، وبكدة مش هيحصلنا ضمور للخصية.
- 5/ وبنقدر اننا نروح من المستشفى في نفس اليوم ، وننزل شغلنا عادي جدا بعد 3-5 أيام.
- 6/ أما بالنسبة للعلاقة الزوجية ، فبنقدر نمارسها بعد العملية بأسبوع واحد بس.
هل تعالج عملية دوالي الخصية العقم؟
وبالنسبة للموضوع اللي شاغل بالك ، احب اطمنك واقولك ان عملية دوالي الخصية بتعالج مشكلة العقم ، ولو عايز تعرف امتي ممكن يحصل إنجاب وتحسن في تحليل السائل المنوي ، اسمع الفيديو ده مع الدكتور اسامة البكل…
الخلاصة
واخيرا ، لازم تكون عارف أن عملية دوالي الخصية عملية بسيطة وسهلة جداً وبتخلص في حوالي ساعة واحدة بس ، يعني مفيش أي داعي للقلق والتردد انك تاخد قرار العملية ، لأن زي ما العملية مهمة ، برضو فكرة انك تكون اب ويكون عندك أطفال مهمة وتستحق انك تتعب علشانها.
ولو لسه عندك اي استفسار عن عملية دوالي الخصية ، تقدر تتواصل معانا على الرقم ده 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
الأسئلة الشائعة
هل دوالي الخصية تزول مع الوقت ؟
لا تزول دوالي الخصية من تلقاء نفسها أو مع مرور الوقت ، في الواقع قد تسبب مضاعفات خطيرة ويزداد الأمر سوء إذا لم يتم علاجها.
أخطر أنواع دوالي الخصية ؟
الدرجة الثالثة من دوالي الخصية هي أخطر أنواع دوالي الخصية ، لأن الأوردة فيها بتكون متضخمة و مرئية وواضحة ، وقد تؤدي إلى مشاكل في الخصوبة.
نسبة نجاح عملية دوالي الخصية ؟
تتراوح نسبة نجاح عملية دوالي الخصية بين 60% إلى 90%، وتختلف بناءً على عدة عوامل مثل خبرة الطبيب ، حالة المريض ، ونوع العملية المستخدمة ، الالتزام بالتعليمات ما بعد العملية.
التعليقات
لا توجد تعليقات حتى الآن. كن أول من يعلق!