هل عملية دوالي الخصية بالجراحة التقليدية لها اضرار؟

هل عملية دوالي الخصية بالجراحة التقليدية لها اضرار؟

دوالي الخصية هي عبارة عن تضخم و تمدد في الأوردة المحيطة بالخصية داخل كيس الصفن، وأحيانا قد تسبب ألمً شديدً للمريض ، وتعتبر مسئولة عن إصابة حوالي 40% من الرجال بـ العقم وتاخر الانجاب ، علشان كدة علاج دوالي الخصية أمر مهم جدا عشان الشخص ده يرجع يمارس حياته تاني بشكل طبيعي ويقدر كمان يكون اب.

ما هي الجراحة التقليدية لدوالي الخصية؟

ومن خلال المقال ده هنتكلم عن طريقة من طرق علاج دوالي الخصية وهي الجراحة التقليدية

اولا المريض بيبقى تحت تأثير التخدير الكلي او النصفي والدكتور بيبدأ يعمل شق جراحي في منطقة العانة او منطقة أسفل البطن او المنطقة الاربية ، وبعد كدة بيبدا بيشوف فين الأوردة المنتفخة اللي عاملة الدوالي ويقوم بربطها كلها علشان يمنع وصول الدم من خلالها الى باقي الجسم ، وده كله بيبقي من خلال نظره فقط من غير ما يستخدم أي وسائل حديثة تساعده انه يشوف كل الأوردة بشكل واضح ، وده طبعا بيكون السبب بعد كدة في حدوث مضاعفات كتير بعد العملية.

مضاعفات الجراحة التقليدية لدوالي الخصية:

ودلوقتي تعالوا نعرف مع بعض ايه هي المضاعفات اللي ممكن تحصل بعد عملية دوالي الخصية بالجراحة التقليدية

مضاعفات الجراحة التقليدية كتير جدا وده لان الجراح بيبقي معتمد على نظره وأدواته الجراحية بس من غير ما يستخدم أي وسائل حديثة تساعده انه يشوف الاوردة بشكل واضح ، وده ممكن يكون السبب في مشاكل كتير زي :

1/ تضرر الشرايين

الشرايين والأوردة بتكون قريبة جدًا من بعضها، وده طبعا ممكن يعرض الشريان الخصوي اللي بيغذي الخصية بالدم للقطع ساعة العملية بالجراحة التقليدية.

وده طبعا ممكن يؤدي الى منع وصول الدم الغني بالاكسجين للخصية ، ويؤدي الي ضمور الخصية.

ولو عايز تعرف أهمية الشريان الخصوي للخصية وازاي نقدر نحافظ عليه وقت عملية دوالي الخصية ، اسمع الفيديو ده مع الدكتور اسامة البكل…

2/ القيلة المائية

لان في الجراحة التقليدية مش بيكون في اي أجهزة حديثة تساعد الدكتور يشوف كل حاجة بوضوح ، فممكن يربط الأوعية الليمفاوية بالغلط مع الاوردة.

والأوعية الليمفاوية دي هي اللي بتكون مسؤولة عن نقل السوائل في الجسم ، فلما بتتربط تبدأ السوائل تتجمع حول الخصية داخل كيس الصفن وتعمل قيلة مائية على الخصية.

3/ ضمور الخصية

ممكن يحصل ضمور للخصية، وبيكون السبب في أننا ساعة العملية قطعنا الشريان الخصوي اللي بيغذي الخصية وبيوصلها الدم ، وده بيقلل من وصول الدم للخصية و كدة هيحصل ضمور للخصية.

4/ عودة الدوالي تاني و تضخم الخصية

في الجراحة التقليدية دوالي الخصية ممكن ترجع تاني بعد العملية ، لان في الجراحة التقليدية مش بيكون في أي اجهزة حديثة تساعد الدكتور انه يشوف كل الأوردة المصابة او يشوف الأوردة الصغيرة اللي فيها الدوالي ، بالتالي ممكن ميشوفش الاوردة الصغيرة اللي فيها الدوالي وميربطهاش وبكدة الدوالي هترجع تاني بعد العملية.

أو في حالة ان دوالي الخصية كانت على الناحيتين وعملنا ناحية واحدة بس، كدة الدوالي ممكن ترجع تاني بعد العملية.

ولو عايز تعرف ليه دوالي الخصية ممكن ترجع تاني بعد العملية ، اسمع الفيديو ده مع الدكتور اسامة البكل…

الحل الأمثل: الجراحة الميكروسكوبية

وفي النهاية وبعد ما عرفت المضاعفات اللي ممكن تسببها الجراحة التقليدية، خليك عارف ان الطريقة اللي بتعالج بيها دوالي الخصية ممكن تكون السبب في انك تحقق حلمك ويكون عندك اطفال، او انها ممكن تكون السبب في مشاكل تانية كتير اكبر من دوالي الخصية، علشان كدة لازم تختار طريقة العلاج صح، ومفيش اسهل ولا اامن من الجراحة الميكروسكوبية في علاج دوالي الخصية، لو عايز تعرف ازاي اضغط هنا…

ودلوقتي لو عندكم اي استفسار تقدروا تتواصلوا معانا على رقم 01018874287 واحنا هنجاوب على كل اسئلتكم.