عادات بتأثر على الخصوبة والقدرة الجنسية عند الرجال

عادات بتأثر على الخصوبة والقدرة الجنسية عند الرجال

الدورة الدموية السليمة و هرمون الذكوره هما أساس القدرة الجنسية و الانجابية ، لأن الدورة الدموية هى اللى بتخلى العضو الذكرى يحصله انتصاب ، وده اللى بيخلينا نقدر اننا نمارس العلاقة الجنسية ، و هى كمان اللى بتخلى الخصية قادره انها تقوم بوظايفها سواء انتاج هرمون الذكورة و اللى بيكون مسؤول عن الرغبة و القدرة الجنسية و ان الجسم يظهر عليه كل الصفات الذكورية فى مرحلة البلوغ ، او انتاج الحيوانات المنوية .

طيب اى اللى ممكن يسبب مشكلة فى الدورة الدموية أو نقص فى نسبة هرمون الذكورة ؟

عشان نجاوب على السؤال ده ، هنحتاج نتكلم عن العادات اللى ممكن نكون بنعملها و تكون بتأثر على الخصوبة والقدرة الجنسية .

و خلونا نقسم العادات دى لنوعين :

أولاً: العادات الصحية

النظام الغذائي

عشان نكون ماشين على نظام غذائى مفيد ، لازم نكون بناخد يوميا السعرات الحراريه اللي الجسم محتاجها مش اكتر عشان ميحصلناش زيادة فى الوزن ، و مش اقل فيكون عندنا خمول وارهاق ، وعشان يكون النظام الغذائى اللى ماشين عليه صحى و بيوفر للجسم احتياجاته

الأطعمة المفيدة:

• لازم اكلنا يكون فيه زينك و فيتامين د و دهون صحية و ده هنلاقيه موجود فى منتجات كتير زى (الأسماك – صفار البيض) و لو عملنا كده هيزيد عندنا هرمون الذكوره ، و هنحافظ كمان على أن وزننا ميزدش

الأطعمة الضارة:

• لازم نبعد عن الاكل المقلي و اللحوم المصنعة زي مثلا السجق و البسطرمة
• لازم نقلل من اكل السكريات و النشويات زي (العيش – الرز – المعجنات) ، و نبعد كمان عن مشروبات الطاقة والمشروبات اللى فيها صودا
• و نبعد كمان عن الاكل الدسم لانه بيزود من الكوليسترول
• لازم نبعد عن اننا نستخدم بذور الكتان لانها بتزود هرمون الانوثه و بتقلل هرمون الذكورة

السمنة المفرطة

و دى من الحاجات اللي بتأثر على الرغبة والقدرة الجنسية والإنجابية، لان معنى ان عندي سمنة مفرطة اننا عندنا خلايا دهنية كتير جدا، وكل خلية دهنية بيكون فيها انزيم اسمه الاروماتيز، والانزيم ده بيحول هرمون الذكورة لهرمون الانوثة

مشاكل السمنة:

• التثدى
• مشاكل فى السائل المنوى
• صعوبة فى الحركة
• العضو الذكرى يكون مدفون
• زيادة درجة حرارة الخصية

السكر غير المنتظم

لازم اننا نهتم بتظبيط السكر ، لانه بيأثر على الشرايين و الأعصاب و بيخلى الدم مايوصلش كويس للقضيب وده هيسبب ضعف فى الانتصاب

ثانياً: العادات السلوكية

ممارسة الرياضة

الرياضة المعتدلة (مفيدة):

لو مارسنا الرياضة بشكل معتدل بمعنى أننا بنتمرن لفترات مش طويله اوى ، و وقت التمرين لو هنشيل اوزان تكون الاوزان مناسبة لينا ، فبكده احنا بنمرن كل عضله فى جسمنا بشكل يقويها مش يجهدها

الرياضة المفرطة (ضارة):

لو مارسنا الرياضة لفترات طويله جدا فى اليوم الواحد و شيلنا اوزان تقيله جدا ، ده غير انه ممكن يتسبب في اصابات كتير جدا و يجهد عضلات جسمك

التدخين

وده لان السيجارة الواحدة بيكون فيها اكتر من 7000 مادة سامة، ده غير اضرار النيكوتين نفسه والغازات اللي بتطلع من اشتعال التبغ

أضرار النيكوتين:

• ضعف فى الشرايين التاجية و ضيق فى الأوردة
• تأثير على الحمض النووى و طفرات وراثية

أضرار التبغ:

• غاز احادى اكسيد الكربون
• تأثير على انتاج اكسيد النيتريك

إدمان المخدرات والمواد الكحولية

كتير بيكونوا فاكرين انها بتزود الرغبه ، لكن فى الحقيقة الخمور بتخليك:

• متحسش اصلا بمتعة العلاقة الجنسية
• بيلغوا تحكم المخ فى الاعصاب
• نقص فى عدد الحيوانات المنوية
• ارتخاء لعضلات الأوعية الدموية

ممارسة العادة السرية

العادة السرية نفسها ملهاش ضرر و مش بتسبب انعدام للحيوانات المنوية زى ما بنسمع و لا بتعمل ضعف انتصاب لو اتعملت بطريقة متأذيش العضو الذكرى

الأضرار العضوية:

• احتقان للبروستاتا و الخصية
• تليف في أنسجة العضو الذكري
• التهابات فى جلد القضيب

الأضرار النفسية:

• توحد فى العلاقة
• ضعف في الرغبة الجنسية

مشاهدة الأفلام الجنسية

ده بيأثر على العلاقة الزوجية ، لاننا بنشوف العلاقة الجنسية بشكل معين و بنكون متوقعين ان هو ده الشكل الطبيعى للعلاقة

ممارسة الجنس الغير آمن

و ده ممكن يتسبب في نقل أمراض جنسية ليك ولكل اسرتك لان فى بعض الأمراض الجنسية بتتنقل عن طريق التلامس

التعرض لدرجات الحرارة العالية

و اخيرا لو بنتعرض لدرجات حرارة عالية بسبب:

• القعود في مياه ساخنة لفترات طويلة
• طبيعة العمل في درجات حرارة عالية
• وضع اللاب توب على الرجل

ولو عايز تعرف معلومات اكثر عن العادات الغير الصحية اللي بتسبب ضعف انتصاب ، اسمع الفيديو ده مع الدكتور اسامة البكل…

الخلاصة

فى الاخر خليك عارف إن الصحة الجنسية معتمدة على الصحة الجسدية و النفسية ، و إن الصحة الجنسية والإنجابية حاجة مهمة جدا ، ومينفعش نتكسف اننا نتكلم فيها ، لو عندنا اى مشكلة لازم نكشف ونعالجها عشان تأثيرها علينا ميزدش.

و دلوقتى لو عندك اى استفسار تقدر تتواصل معانا على رقم 01018874287