هل عملية زرع دعامة القضيب صعبة؟

هل عملية زرع دعامة القضيب صعبة؟

ضعف الانتصاب مرض قد يكون عضوي أو نفسي ، وبيسبب مشاكل كتير جدًا سواء في نفسية الرجل أو في علاقة الرجل بزوجته ، وده طبعًا بيخليه يدور على أي حل سريع علشان يتخلص من الحرج اللي بيحصله في العلاقة الزوجية ، ومفيش حل اخير وفعال غير دعامة القضيب لعلاج ضعف الانتصاب.

ما هي دعامة القضيب:

في البداية لازم تكون عارف أن دعامة القضيب هي الاختيار الأفضل والأخير اللي بيلجأ له الشخص اللي بيعاني من ضعف الانتصاب ، بعد ما بيكون جرب كل الطرق العلاجية الثانية زي الأدوية والحقن الموضعي وفشل معاه ، فالدعامة في الحالة دي بتخلي القضيب يفضل منتصب لحد ما نخلص العلاقة الزوجية ، ده غير ان مش شرط اللي يركبها يكون سن معين ، وينفع اي شخص يركبها سواء كان شاب أو في منتصف العمر أو حتى كبير في السن.

7 فوائد دعامة القضيب - أفضل علاج لضعف الانتصاب:

لأنها بتقضي بشكل نهائي على مشكلة ضعف الانتصاب ، من غير ما نلجأ لأي أدوية علاجية لفترة طويلة.

ودعامة القضيب مش بتعمل أي تغير في شكل أو حجم العضو الذكري وبيفضل زي ما هو.

بتحافظ على استمرار انتصاب القضيب لفترة طويلة.

الأدوية أو المنشطات الجنسية آثارها بيروح أول ما بنوقف استخدامهما، لكن الدعامة آثارها مستمر بشكل دائم.

بعض الأدوية أو المنشطات الجنسية ممكن تسبب مضاعفات زي هبوط في الدورة الدموية أو مشاكل في الضغط، لكن الدعامة مش بتسبب أي مشاكل صحية للشخص.

الأشخاص المصابين بالأمراض المزمنة زي السكر أو الضغط أو القلب مينفعش أنهم ياخدوا أدوية أو منشطات ، لكن الدعامة ينفع كل الأشخاص أنهم يركبوها حتى اللي عندهم أمراض مزمنة ووجودها مش بيتعارض مع استخدام أي أدوية تانية.

وتتخطى نسبة نجاح زرع دعامة القضيب 95%.

أنواع دعامات العضو الذكري:

الدعامة المرنة:

تتكون من معدن السيليكون ، واللي بيكون مسؤول عن انتصاب العضو الذكري ، والسيليكون بيساعد الجسم إنه يتقبل الدعامة ويتعود عليها بسرعة.

والدعامة المرنة أثناء العلاقة الزوجية بنرفع القضيب لفوق فتتفرد الدعامة ويحدث الانتصاب ، وبعد ما بنخلص العلاقة الزوجية بنتني العضو الذكري لتحت ، فالدعامة بتتني معاه.

الدعامة الهيدروليكية:

بتكون أقرب لحجم وشكل القضيب الطبيعي ،

وفي منها نوعين:

دعامة هيدروليكية ثنائية: بتتكون من قطعتين الدعامة والمضخة.

دعامة هيدروليكية ثلاثية: وتتكون من 3 قطع:

الدعامة: بتتركب في القضيب وهي اللي بتكون مسؤولة عن الانتصاب.

الخزان: بيتركب في أسفل البطن ومش بيكون ظاهر وبيكون جواه السائل اللي بيضخ في الدعامة ويخليها تنتصب.

المضخة: بتتركب في كيس الصفن ، ومسؤولة عن أنها تطلع السائل من الخزان لما نضغط عليها وتضخه جوا الدعامة فيحصل انتصاب ، وبعد ما بنخلص العلاقة الزوجية بندوس على الزرار اللي موجود في المضخة ، فالسائل بيرجع تاني إلى الخزان ، فيحصل ارتخاء للعضو الذكري.

خطوات تركيب دعامة القضيب:

لازم في الأول ناخد جرعة مضاد حيوي قبل العملية ، عشان ميحصلش اي عدوى وقت تركيب الدعامة ، لأن ده جسم غريب بنزرعه في العضو الذكري.

بعد كده بنبدأ بنطهر المكان اللي هنعمل فيه الجرح كويس ، وبرضو علشان ميكونش عندنا أي فرصة لحدوث أي عدوى أو التهاب في الجرح.

بعدها بنعمل فتحة صغيرة في القضيب وبنبعد الأوردة والشرايين علشان نوصل للنسيج الكهفي ونزرع الدعامة ، ولو كانت الدعامة مرنة ، بيتم إدخالها من خلال شق جراحي أسفل رأس القضيب أو من خلال شق بين القضيب وكيس الصفن ، أما الدعامة الهيدروليكية بيتم ادخالها من خلال شق واحد فقط ، بندخل منه الدعامة و المضخة والخزان.

ولازم نتأكد كويس ان مقاس الدعامة مناسب لطول العضو الذكري لا أطول ولا أقصر ، لأنه لو كانت:

أقصر: ده هيخلي رأس العضو الذكري مرتخية.

أطول: ده هيسبب ألم شديد للمريض وقت العلاقة الزوجية وممكن الدعامة تخرج بره رأس العضو الذكري.

وبعد ما خلاص ركبنا الدعامة في مكانها المظبوط ، بنبدأ نقفل الجرح بخيوط تجميلية علشان ميكونش ليه أي أثر.

هل عملية زرع دعامة القضيب صعبة؟

عملية زرع دعامة العضو الذكري عملية بسيطة جدًا ومش صعبة وملهاش أي مضاعفات ، وكل ما كان الجراح اللي بيعمل العملية متخصص وعنده خبرة ، كل ما كانت العملية ناجحة وسهلة.

ولو عايز تعرف معلومات اكثر عن تركيب دعامة العضو الذكري ، اسمع الفيديو ده مع الدكتور اسامة البكل…..

خلاصة القول

في النهاية، لازم تكون عارف أن على قد ما عملية زرع دعامة القضيب سهلة وبسيطة، إلا أنه لازم الجراح اللي يعمل العملية يكون عنده خبرة ومتخصص في تركيب الدعامة، وأنه لازم يختار مقاس ونوع الدعامة المناسبة للشخص بدقة، علشان غلطة واحدة بس ممكن تسبب مضاعفات كثيرة جدًا وتخليك تعيد العملية تاني.

ولو عايز تتابع معانا حالتك، ونحجزلك ميعاد مع الدكتور أسامة محمد البكل، مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني، تقدر تتواصل معانا على الرقم ده 01018874287.