علاج مرض بيروني (انحناء القضيب)

علاج مرض بيروني (انحناء القضيب)

اى مشكلة ممكن تأثر على القدرة الجنسية وبتسبب قلق كبير ، واحيانا فى بعض الرجالة بتتكسف اصلا انها تعالجها ، بس خلينا نتفق ان دى حاجة مش المفروض نتكسف منها ، و ان الامراض اللى بتأثر على القدرة الجنسية تعتبر مرض زى اى مرض تانى وارد اننا نتصاب بيه وكمان ليه علاج ، وعشان كده تعالوا نتكلم دلوقتى عن طرق العلاج الجراحية لواحد من الامراض اللى بتأثر على القدرة الجنسية وهو مرض بيرونى.

ولو عاوزين تعرفوا معلومات اكتر عن هل مرض بيروني بيسبب ضعف انتصاب وتاخر في الانجاب ، اضغط هنا….

التدخلات الجراحية لعلاج مرض بيروني

و خلونا نرجع دلوقتى لموضوعنا و هو التدخلات الجراحية اللى بنقدر اننا نعالج بيها مرض بيروني ، و اللى بنستخدمها مع الحالات المتدهورة وشديدة الانحناء و العمليات دى هى :

1. جراحة الشق والترقيع لمرض بيروني

و دى عملية بسيطة كل اللى بنحتاج اننا نعمله فيها هو اننا بنعمل فتح جراحي بسيط وبعدين بنبدأ نبعد أعصاب القضيب عن النسيج المتليف ، و بعد كده بنبدأ نشيل النسيج البيروني المتليف ونحط رقعة مكانه ، وه هيخلى العضو الذكرى يرجع لشكله وطوله الطبيعى.

خطوات العملية:

• الفتح الجراحي البسيط: إجراء شق صغير للوصول للمنطقة المصابة
• إبعاد الأعصاب: حماية أعصاب القضيب من النسيج المتليف
• إزالة النسيج المتليف: استئصال النسيج البيروني المسبب للانحناء
• وضع الرقعة: زراعة رقعة لاستعادة الشكل والطول الطبيعي

2. جراحة الثني والتقصير لإصلاح انحناء القضيب

والطريقة الجراحية دي بنلجأ لها لو لقينا إن في جنب في القضيب أعلى من التاني ودا اللي مسبب الانحناء ، و كل اللى بنعمله في العملية دي ، اننا بنشد الجانب الأطول ناحية قاعدة القضيب علشان يحصل استقامة كاملة ، وبنعمل تقنية الشد إما باستخدام خيوط جراحية دائمة من غير ما نفتح الأسطوانة الكهفية علشان نحافظ على الانتصاب ، أو عن طريق اننا نعمل فتحات صغيرة في الغلالة البيضاء للجسم الكهفي و نربط الفتحات اللي عملناها مع بعض بخيط تجميلي بيدوب لوحده بعد فترة.

تقنيات الجراحة:

• الشد بالخيوط الدائمة: بدون فتح الأسطوانة الكهفية للحفاظ على الانتصاب
• الفتحات الصغيرة: في الغلالة البيضاء مع ربطها بخيط قابل للذوبان
• تحقيق الاستقامة: شد الجانب الأطول لتحقيق التوازن

شروط استخدام هذه الطريقة:

والطريقة دى بنقدر اننا نستخدمها في الحالات اللى بيكون انحناء القضيب فيها بسيط ومتوسط يعنى درجة التقوس متكونش كبيرة بس بشرط ان المريض ميكونش عنده ضعف انتصاب.

3. زراعة الدعامات

اخر طريقة ممكن نعالج بيها مرض بيروني وهى زراعة الدعامات

و زراعة الدعامة دى بنلجا لها ، لو المريض كان عنده تقوس مكتسب فى العضو الذكرى و كمان ضعف انتصاب ، وهنا خلينا نعرف حاجة ، وهي أننا قبل ما ناخد قرار تركيب الدعامة لازم المريض يكون الاول جرب العلاج الدوائي ، ولو العلاج الدوائى مجابش نتيجة يبقى الحل هو زراعة الدعامة في العضو الذكري عشان نعالج التقوس اللى سببه مرض بيرونى و كمان نعالج ضعف الانتصاب ، و كل ده بيتم فى عملية واحده.

دواعي زراعة الدعامة:

• تقوس مكتسب: انحناء في العضو الذكري بسبب مرض بيروني
• ضعف انتصاب مصاحب: عدم القدرة على تحقيق انتصاب كافي
• فشل العلاج الدوائي: عدم استجابة للأدوية التقليدية
• علاج شامل: حل مشكلتي التقوس وضعف الانتصاب معاً

المضاعفات المحتملة بعد العملية

وتعالوا دلوقتى نتكلم عن المضاعفات اللي نادرا ما بتحصل بعد العمليه :

المضاعفات النادرة:

• فقدان الإحساس: ممكن الشخص يفقد احساسه بالقضيب ودا بيكون سببه خطأ طبي من الدكتور وقت العمليه ودا هيسبب كمان ضعف انتصاب
• قصر القضيب: كمان في حالات الشد ممكن يحصل قصر في القضيب
• العدوى: وممكن يصاب المريض بعدوي في وقت العمليه
• عودة الاعوجاج: و ممكن كمان اعوجاج العضو الذكرى يرجع مره تانى ، و السبب اننا عالجنا مرض بيرونى فى المرحلة الحادة ، قبل المرض ما يستقر

كيفية تجنب المضاعفات:

و الطريقة اللى نقدر اننا نتجنب بيها كل المضاعفات دى اننا نتأكد من خبر الدكتور اللى هنتعالج معاه ، و اننا كمان نتأكد ان ده الوقت الصح اللى المفروض نبدأ نعالج فيه مرض بيرونى

ولو عايز تعرف معلومات اكثر عن ازاي تتجنب المضاعفات والالتهابات اللي ممكن تحصل بعد تركيب دعامة العضو الذكري ، اسمع الفيديو ده مع الدكتور اسامة البكل..

نصائح مهمة وطمأنة

وفي النهاية خليني اطمنكو و اقولكم ان

حقائق مطمئنة:

• عملية بسيطة: عملية اصلاح اعوجاج القضيب عملية بسيطة
• العودة للحياة الطبيعية: واننا بعد العملية هنقدر نرجع نمارس العلاقة الزوجية بشكل طبيعي بعد 4 الى 6 اسابيع من العمليه ودا علشان نبقى مطمنين ان جرح العملية خلاص التأم بشكل كامل
• أهمية العلاج: وخليك عارف انك لو معالجتش مرض بيروني أو اعوجاج القضيب اللي عندك ، ده هيعملك ضعف انتصاب وهيقلل من فرص الإنجاب الطبيعي

التواصل والاستشارة

ولو لسه عندكم اي تساؤل او استفسار تقدروا تتواصلوا مع الفريق الطبي علي الرقم ده 01018874287 وهما هيجاوبوا علي كل اسئلتكم ، او تطلب منهم تحديد ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني…