هل الإحساس بالعلاقة الزوجية هيتأثر بعد تركيب دعامة الانتصاب؟
هل الإحساس بالعلاقة الزوجية هيتأثر بعد تركيب دعامة الانتصاب ؟
مصدر الإحساس والاستمتاع بالعلاقة الجنسية عند الرجل بيكون من خلال :
- 1/ الضفيرة العصبية
- 2/ رأس العضو الذكري
- 3/ جلد القضيب
لكن مكان تركيب دعامة القضيب بيكون داخل النسيج الكهفي ، ياما من خلال :
- الفتحة اللي من تحت رأس القضيب
- أو الفتحة اللي بين كيس الصفن والقضيب
إذ تركيب دعامة القضيب بعيدة عن مصادر الإحساس والإستمتاع.
من اكثر الأسئلة اللي بتجيلنا من المرضى المقبلين على عملية تركيب دعامة القضيب ، هل الاحساس هيفضل زي ماهو ولا هيتاثر بعد عملية تركيب دعامة الانتصاب ؟
اولا : لازم نكون عارفين ان دعامة الانتصاب أيا كان نوعها سواء الدعامة المرنة أو الدعامة الهيدروليكية ، فهي بتتركب داخل النسيج الكهفي ، والإحساس بيكون ليه علاقة بالضفيرة العصبية والجلد بتاع القضيب والمكان الأكثر إحساسا هو رأس العضو الذكري ، واحنا في عملية تركيب دعامة الانتصاب سواء مرنة أو هيدروليكية وسواء في الفتحة اللي تحت الحشفة أو الفتحة اللي ما بين كيس الصفن والقضيب ، فكل الأحوال احنا بنكون بعاد كل البعد عن الضفيرة العصبية اللي مسؤولة عن الإحساس وبعاد عن رأس العضو الذكري ، حتى المكان اللي بيتفتح فيه الجلد فهو بيلتئم خلال شهر بالكتير من العملية ، بالتالي الاحساس مش بيتاثر والإحساس بالاستمتاع بالنسبة للمريض أو الزوجة مش بيختلف عن الانتصاب الطبيعي ، والقذف بيكون طبيعي زي ما هو ، والوصول للنشوة الجنسية بالنسبة لكلا الطرفين بيفضل زي ما هو.
خلاصة القول
بالتالي احنا بنأكد على نقطة أن الاحساس مش بيتاثر ، ولكن في بعض المرضى الاحساس بيكون متأثر زي مرضى السكر لأن عندهم مشاكل عصبية ، بالتالي هو من الأول عنده مشكلة في الأعصاب بتاعته بعيدا بقى عن عملية تركيب دعامة القضيب ، فالإحساس عنده متأثر في رأس العضو الذكري ، لكن عملية تركيب دعامة الانتصاب في حد ذاتها ملهاش علاقة ولا بالإحساس ولا بالضفيرة العصبية.
ولو عندك اي استفسار عن عملية تركيب دعامة القضيب ، ممكن تبعت لنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
التعليقات
لا توجد تعليقات حتى الآن. كن أول من يعلق!