علاج ضعف الرغبة الجنسية عند الرجال

علاج ضعف الرغبة الجنسية عند الرجال

كنا اتكلمنا قبل كده عن اسباب ضعف او انعدام الرغبه الجنسية ، و اى الاعراض اللى ممكن نعرف منها اننا عندنا ضعف فى الرغبة الجنسية تعالوا دلوقتي نعرف ازاى بنشخص ضعف الرغبة الجنسية و اى هو العلاج و العادات اللى هنكون محتاجين نغيرها علشان نستمتع بحياتنا ونتجنب المشاكل اللي ممكن تحصل بسبب قلة الرغبة الجنسية.

تشخيص ضعف الرغبة الجنسية

و هنبدأ دلوقتى بالتشخيص , فى الاول بنحتاج اننا نعرف شوية حاجات زي :

التاريخ المرضي والتقييم النفسي

• التاريخ المرضي لمريض ضعف الرغبه الجنسيه
• وطبيعه العلاقه العاطفيه بين الزوجين والتاكد من سلامه الصحه النفسيه

الفحوصات المطلوبة

ده غير اننا بنحتاج لشوية فحوصات زى :

1. فحص الهرمونات الجنسية

فحص لمستوي الهرمونات الجنسيه في الجسم و اهمهم هرمون التستوسيترون و البرولاكتين او الهرمون اللبني.

2. فحص الأمراض المزمنة

و فحوصات نتأكد منها اذا كان المريض بيشتكى من امراض مزمنه ولا لأ ، و اللي بسببها بيحصل ضعف فى الرغبه الجنسيه.

3. فحص الغدة الدرقية والكوليسترول

هنحتاج كمان نعمل فحص للغده الدرقيه و نسبة الكوليسترول في الدم

4. فحص ضغط الدم والسكر

وفحص لضغط الدم وقياس نسبه السكر في الدم .

5. الفحص الجسدي

و كمان هنحتاج اننا نفحص القضيب والخصيتين عند الرجل ودا عشان نتاكد من عدم وجود اي مشاكل تؤثر علي القدره الجنسية .

طرق علاج ضعف الرغبة الجنسية

و بعد ما عرفنا اى هى الطريقة اللى بنشخص بيها ضعف الرغبه الجنسيه ، هنتكلم دلوقتى عن علاجها

وعشان نعرف نعالج حاله البرود او فقد الرغبه الجنسيه لازم نعرف اسباب المشكلة الاول وكنا اتكلمنا عليها بالتفصيل في المقال ده " أسباب ضعف الرغبة الجنسية عند الرجال "

وده لان العلاج بيختلف من شخص للتاني حسب السبب الرئيسي فى المشكلة،

فمثلا لو لقينا ان سبب ضعف الرغبه الجنسية كان بسبب

1. علاج السلوكيات الخاطئة

السلوكيات بتاعتنا : زي اننا بنشوف افلام جنسية أو بنمارس العاده السريه باستمرار ، فوقتها لازم نبعد عن السلوكيات والعادات دى.

2. العلاج النفسي

ولو كان سبب ضعف الرغبة الجنسية هو الحاجز النفسي : ممكن وقتها نلجأ للعلاج النفسي والعلاج هنا هيساعدنا فى ان يكون عندنا ثقة أكبر في نفسنا وهيقلل من الخوف والتهرب من العلاقة الجنسية.

3. علاج ضعف الانتصاب

أما لو كان السبب هو ضعف الانتصاب : فهنا بنبدأ اننا نحدد فى الاول درجة ضعف الانتصاب و اللى على اساسها هنبدأ اننا نحدد انسب طريقة نعالج بيها ضعف الانتصاب.

4. العلاج الهرموني

ولو كان السبب خلل فى الهرمونات : ساعتها هنبدأ نحط خطة علاجية نظبط بيها نسب الهرمونات ، عشان نقدر اننا نعالج ضعف الرغبة الجنسية.

ولو عايز تعرف ازاي المشاكل النفسية والاكتئاب ممكن تسبب ضعف في الرغبة الجنسية وضعف انتصاب ، اسمع الفيديو ده مع الدكتور اسامة البكل….

العادات الصحية لتحسين الرغبة الجنسية

و دلوقتى بعد ما عرفنا طرق علاج ضعف الرغبة الجنسية ، خلونا نتكلم عن بعض العادات الغلط اللى ممكن نكون بنعملها وبتخلينا نحس بضعف مؤقت او فتور فى الرغبه الجنسيه زى :

• حل الخلافات الزوجية : عشان يكون فى تواصل كويس وقت العلاقة الزوجية .
• التواصل بين الزوجين : كل طرف ممكن يوضح الحاجات اللى بيفضلها فى العلاقة الزوجية عشان يوصل الطرفين للنشوه الجنسية و ميكونش فى نفور من العلاقة الزوجية
• التركيز على المداعبة : فترة كافية قبل الجماع .
• تجنب المقارنات : نبعد عن المقارنه بين الافلام الجنسية و الطريقة اللى بيمارس بيها الزوجين العلاقة الزوجية
• تجنب العادة السرية : نحاول كمان نبعد عن ممارسة العادة السرية ، لانها بتسبب توحد فى العلاقة الجنسية و بتخليك مش بتوصل للمتعه الجنسية غير بيها و ده بيبعدك عن العلاقة الزوجية .
• إدارة التوتر : ولازم نحاول نبعد عن التوتر و الضغط العصبى لانه بيقلل من الرغبه الجنسية .

التواصل معنا

و دلوقتى لو عندكم اى استفسار تقدروا تتواصلوا معانا على رقم 01018874287 ، و احنا هنجاوب على كل استفساراتكم