ازاى نعالج تشوه الحيوانات المنوية ؟

ازاى نعالج تشوه الحيوانات المنوية ؟

علاج تشوه الحيوانات المنوية مبقاش حاجة صعبة زي ما كان زمان ، لان بفضل التقدم العلمي والتكنولوجي بقي موجود دلوقتي حلول كتير جدا عشان نعالج بيها مشكلة تشوه الحيوانات المنوية.

و دلوقتى تعالوا نعرف مع بعض اى هى الطرق اللى نقدر نعالج بيها تشوه الحيوانات المنوية ؟

تحديد العلاج حسب السبب

اول حاجة لازم نعرفها ان الطريقة اللى هنعالج بيها تشوه الحيوانات المنوية بتتحدد على حسب سبب التشوه ايه بالظبط فلو كان السبب فى تشوه الحيوانات المنوية

علاج دوالي الخصية

دوالي الخصية ، الحل هنا هيكون اننا نعالج دوالى الخصية عن طريق ربطها بالجراحة الميكروسكوبية ، العملية دي بتقلل نسبة الحيوانات المنوية المشوهة ، و ده معناه اننا عندنا حيوان منوى سليم يقدر انه يخصب بويضة

علاج التدخين

اما لو كان سبب تشوه الحيوانات المنوية التدخين ، فلازم فى الحالة دى اننا نبطل تدخين عشان التشوه يقل و يبقى عندنا حيوان منوى سليم

علاج الخلل الهرموني

و لو السبب كان خلل فى الهرمونات فعلاجنا هنا هيكون ادوية منشطة للخصية

الحلول في حالة استمرار التشوه

و فى حالة اننا عالجنا سبب تشوه الحيوانات المنوية ، بس لسه عندنا نسبة تشوه عاليه فى الحالة دى هيكون عندنا حلين

الحل الأول: التلقيح الصناعي بعينة السائل المنوي

اننا ناخد عينة سائل منوى و نعمل بيها تلقيح صناعى

الحل الثاني: استخراج الحيوانات المنوية من الخصية

اما بقى الحل التانى و ده بنلجأله لو مقدرناش نلاقى حيوانات منوية سليمة فى عينة السائل المنوى ، و هو اننا نستخرج الحيوانات المنوية من الخصية ، و ده بيكون بطريقتين :

1. السحب بالإبرة (Fine Needle Aspiration - FNA)

و الاجراء ده بيكون بسيط جدا ، و المريض بيكون واخد بس بنج موضعى ، و كل اللى بنعمله اننا بأبره رفيعه جدا بندخل فى الخصية و بنبدأ اننا ندخلها فى الخصية عشان نسحب عينه من الانسجة الخصوية .

مميزات السحب بالإبرة:

• إجراء بسيط: لا يحتاج تدخل جراحي كبير
• بنج موضعي: لا يحتاج تخدير كامل
• إبرة رفيعة: أقل ألم وتدخل محدود
• سحب الأنسجة: الحصول على عينة من الأنسجة الخصوية

2. عملية التفتيش الميكروسكوبي (Testicular Sperm Extraction - TESE)

و الاجراء ده بنلجأله لو فشلنا فى اننا نطلع حيوانات منويه من الخصية بطريقة السحب بالابره ،

و العملية دى ممكن نعملها بالتخدير النصفي او الكلي ، و كل اللى بنعمله فى العملية جرح صغير في كيس الصفن عشان نوصل للخصية، و بنبدأ بعد كده اننا نستخدم الميكروسكوب الجراحى عشان نشوف الخصية بوضوح اكتر لان الميكروسكوب بيكبر الرؤية 40 ضعف ، و ده بيخلينا نقدر اننا ندور على الانابيب المنوية النشطة جوا الخصية ونستخرج الحيوانات المنوية السليمة والصالحة للتلقيح .

خطوات عملية TESE:

• التخدير: نصفي أو كلي حسب الحالة
• الشق الجراحي: جرح صغير في كيس الصفن
• الميكروسكوب الجراحي: تكبير الرؤية 40 ضعف
• البحث عن الأنابيب النشطة: تحديد المناطق المنتجة للحيوانات المنوية
• الاستخراج: الحصول على حيوانات منوية سليمة وصالحة للتلقيح

ولو عايز تعرف ايه هي حالات انعدام الحيوانات المنوية اللي لازم تعمل تفتيش ميكروسكوبي ، اسمع الفيديو ده مع الدكتور اسامة البكل……

طرق التلقيح الصناعي

و دلوقتى بعد ما عرفنا اى اللى ممكن نعمله فى لو نسبة التشوهات مقلتش بالعلاج ، تعالوا نعرف مع بعض اى هى طرق التلقيح الصناعى ، و ازاى بنقدر اننا نفصل بين الحيوانات المنوية السليمة و الحيوانات المنوية المشوهه سواء من عينة السائل المنوى او من عينه الخصية

و هنبدأ دلوقتى بالتلقيح الصناعى و اللى بيكون ليه اكتر من طريقة و هنتكلم دلوقتى عن اشهر 3 طرق و هما :

1. التلقيح داخل الرحم (IUI)

و الاجراء ده بيتم عن طريق اننا بناخد عينة السائل المنوى ، و بننتقي الحيوانات المنوية السليمة و بنحضرها، وبعدين بنحقنها على طول في رحم الزوجة وقت التبويض ، و الطريقة دي بتزود من فرص التلقيح الطبيعي ، بس عشان نقدر اننا نعمل التقنيه دى لازم عدد الحيوانات المنوية يكون اكتر من 5 مليون حيوان منوى فى الملى

خطوات التلقيح داخل الرحم:

• أخذ عينة السائل المنوي: جمع العينة من الزوج
• انتقاء الحيوانات السليمة: فصل الحيوانات المنوية الصحية
• التحضير: إعداد العينة للحقن
• الحقن في الرحم: إدخال الحيوانات المنوية مباشرة في الرحم
• توقيت التبويض: الحقن وقت الإباضة لزيادة فرص النجاح

شروط التلقيح داخل الرحم:

عدد الحيوانات المنوية يجب أن يكون أكثر من 5 مليون حيوان منوي في الملليلتر

2. التلقيح الصناعي (IVF)

و الاجراء ده بنعمله بعد ما نكون اخدنا عينه من الخصية نفسها و استخرجنا منها الحيوانات المنوية السليمه و مش بينفع نعمله بعينة من السائل المنوى ، و بعد كده بنبدا اننا نجمع البويضات من الزوجة ، و بعد كده بنحط البويضات او الحيوانات المنوية مع بعض فى المعمل و بنسيب الحيوانات المنوية تحاول تخترق البويضة لوحدها و تخصبها ، و اول ما الحيوان المنوى يخترق البويضة بنزرع الأجنة في رحم الزوجة

خطوات التلقيح الصناعي:

• استخراج من الخصية: الحصول على حيوانات منوية سليمة من الخصية
• جمع البويضات: سحب البويضات الناضجة من الزوجة
• الخلط في المعمل: وضع البويضات والحيوانات المنوية معاً
• التخصيب الطبيعي: ترك الحيوانات المنوية تخترق البويضة بنفسها
• زراعة الأجنة: نقل الأجنة المتكونة إلى رحم الزوجة

3. الحقن المجهري (ICSI)

و ده نوع من التلقيح الصناعي، و هنا احنا بنحقن حيوان منوي واحد في البويضة على طول تحت الميكروسكوب ، و التقنية دي تعتبر من احسن التقنيات اللى ممكن نلجألها في حالات التشوهات المنوية، لأنها بتسمحلنا اننا نختار حيوان منوي سليم من العينة اللى اخدناها من الخصية و نحقنه على طول في البويضات الناضجة ، و بعد ما بنحقن البويضة بنحفظها في الحضانة من 3-5 ايام عشان نتابع تطور الأجنة، و بعد كده بنختار الأجنة المثالية في اليوم 3 او 5 بندخله إلى رحم الزوجة ، عن طريق أنبوب قسطرة رفيعه و مرنه عن طريق عنق الرحم ، و بعد العملية باسبوعين، بنعمل للزوجة تحليل دم عشان نتأكد ان الحمل حصل ، و النوع ده من التلقيح نسب نجاحة فى الطبيعى بتكون كبيره جدا ، بس بتقل لو سن الزوجة كان كبير

مراحل الحقن المجهري:

• الحقن المباشر: حقن حيوان منوي واحد مباشرة في البويضة
• تحت الميكروسكوب: إجراء دقيق تحت التكبير المجهري
• اختيار الحيوان السليم: انتقاء أفضل حيوان منوي من العينة
• الحضانة: حفظ البويضات المحقونة لمدة 3-5 أيام
• متابعة التطور: مراقبة نمو وتطور الأجنة
• اختيار الأجنة المثالية: انتقاء أفضل الأجنة في اليوم 3 أو 5
• النقل للرحم: زراعة الأجنة بقسطرة رفيعة عبر عنق الرحم
• تحليل الحمل: فحص الدم بعد أسبوعين للتأكد من الحمل

معدلات نجاح الحقن المجهري:

• نسب نجاح عالية: معدلات نجاح كبيرة في الحالات الطبيعية
• تأثير العمر: تقل النسب مع تقدم عمر الزوجة
• الأفضل للتشوهات: أنسب تقنية لحالات تشوه الحيوانات المنوية

تقنيات فصل الحيوانات المنوية السليمة

و دلوقتى تعالوا نعرف بقى ازاى بنقدر اننا نفصل بين الحيوانات المنوية السليمة و الحيوانات المنوية المشوهه و ده بيكون ليه طريقتين

1. تقنية IMSI (التصوير المجهري للحيوانات المنوية)

تقنيات IMSI او التصوير المجهري للحيوانات المنوية و اللي بنستخدم فيها تكبير عالي جدا عشان نقدر نختار حيوانات منوية سليمة .

مميزات تقنية IMSI:

• تكبير عالي جداً: رؤية تفاصيل دقيقة للحيوانات المنوية
• اختيار دقيق: انتقاء الحيوانات المنوية السليمة بدقة عالية
• تحسين النتائج: زيادة فرص نجاح التلقيح

2. تقنية MACS (الاختيار المغناطيسي للحيوانات المنوية)

او تقنية MACS او الاختيار المغناطيسي للحيوانات المنوية اللي بنفصل فيها الحيوانات المنوية السليمة عن الحيوانات المنوية المشوهة باستخدام مغناطيس خاص.

آلية عمل تقنية MACS:

• المغناطيس الخاص: استخدام مجال مغناطيسي لفصل الحيوانات المنوية
• الفصل الآلي: تمييز السليمة من المشوهة تلقائياً
• نقاء العينة: الحصول على حيوانات منوية سليمة بنسبة عالية

معلومات إضافية

لو عايز تعرفوا اكتر عن اسباب و اعراض تشوه الحيوانات المنوية ، هنضغط هنا…