اى الطريقة اللى نعمل بيها عمليه دوالى الخصية من غير ما نضر الخصية

اى الطريقة اللى نعمل بيها عمليه دوالى الخصية من غير ما نضر الخصية

خلاص قررت تعمل عمليه عشان تعالج دوالى الخصية ، و متخليهاش تأخر حلمك فى انك تكون اب اكتر من كده ، طيب خلينى اقولك ان فيه شوية حاجات لازم تبقى عارفها عن الطرق اللى بتتعمل بيها عملية دوالى الخصية عشان ماتدخلش تعالج مشكلة دوالى الخصية تطلع بمشكله تانيه ،

الطرق الجراحية التي يجب تجنبها

و خلينا نتكلم عن اول طريقة و هى :

1. الأشعة التداخلية (أسوأ إجراء)

الاشعه التداخليه ، و خلينى اقولك ده اسوء اجراء ممكن تتعمل بيه عمليه دوالى الخصية ، لأن :

عشان نعمل العمليه بالاشعه التداخليه لازم نعرض الخصية لجرعة من الإشعاع ، و الاشعاع ده هيضر بالخصية السليمه اصلا و يضر بأنتاجها للحيوانات المنوية ، و هنا الخصية متضررة بسبب الدوالي فبكده هنكون بنزود الضرر مش بنعالجة .

دة غير ان احتمال أن يحصل ارتجاع للدوالي بيكون نسبته كبيرة ، لاننا مش بنقدر نوصل لكل الأوردة .

2. الجراحة العادية (التقليدية)

اما تانى طريقة هى الجراحة العادية :

ودي من اقدم الطرق اللى كانت بتتعالج بيها دوالى الخصية ، و اللى بيحصل في الجراحة العادية ان الجراح بيبدأ يعمل فتحة فى الخصية او في المنطقة الاربية او في البطن ، و بعد كده بيبدأ انه يشوف فين الاورده المنتفخة بشكل كبير بعينه بس من غير ما يكون بيستخدم اى ادوات تساعده انه يشوف اوضح ، وده بيسبب مشاكل زي:

اننا مش بنقدر نشوف كل الاورده بالعين المجرده ، فده هيخلينا نربط بس الاورده المنتفخة جدا لان دى الاورده اللى هنقدر اننا نشوفها ، و مش هنقدر نشوف الاورده الصغيرة اللى بدأت تتضخم ، و ده بيخلى الدوالى ترجع تانى بعد فتره.

ده غير ان ممكن وقت العمليه نربط الشريان الخصوى بالغلط مع الاورده اللى حصلها تضخم لان الشريان الخصوى بيكون موجود وسط الاورده و بيكون صعب اننا نميزه بعنينا و نبعده عن الاورده ، و الشريان الخصوى ده اللي بيغذي الخصية بالدم ، و بكده هنكون منعنا الدم من انه يدخل الخصية و يغذيها ، وده ممكن يسبب ضمور للخصية او يضر بوظيفتها .

و ممكن كمان يحصل ربط لحاجة اسمها الاوعية الليمفاويه بالغلط ، و الاوعية الليمفاويه دى هى اللى بتكون مسؤوله عن انها تخرج السوائل الزياده من الخصية ، فلما نربطها ده هيمنع السوائل انها تخرج من الخصية و يسبب لنا قيله مائية على الخصية

وتعالوا نعرف اي اهمية الشريان الخصوي اللي لو حصله اي ضرر وقت عملية دوالي الخصية هيسبب ضمور للخصية ، مع الدكتور اسامة البكل…..

3. الجراحة بالمنظار

و بعد ما عرفنا اى الضرر اللى ممكن تسببه الجراحة التقليديه و الاشعه التداخلية للخصية ، و تعالوا دلوقتى نتكلم عن

الطريقة التالتة و هى الجراحة بالمنظار :

و المنظار ده عباره عن اداه بندخلها عن طريق البطن و بنوصل للحبل المنوي ، و بعد كده بيتم ربط الأوردة المنتفخة ، بس الطريقة دى برضوا ليها اضرار كتير و متفرقش كتير عن الجراحة العادية لان الجراحة بالمنظار

مش بتخلينا نقدر نشوف الاورده الدقيقة جدا و مبنقدرش نربطها و عشان كده بيكون فى احتمال ان دوالي الخصية ترجع تانى

ولا نقدر نحافظ على الشريان الخصوي ، وقت العملية ده هيضر بوظيفة الخصية بعد العملية و ممكن يسببلها ضمور .

ده غير اننا بنحتاج نعمل جروح صغيره فى البطن عشان ندخل منها المنظار و الادوات الجراحية

أفضل طريقة لعلاج دوالي الخصية

و بكده نكون عرفنا كل الطرق اللى لو فكرت تعمل عملية دوالى الخصية لازم تبعد عنها لانها هتسبب ضرر كبير جدا للخصية ،

و دلوقتى تعالوا نعرف اى افضل طريقة ممكن نعمل بيها عملية دوالى الخصية ،

الجراحة الميكروسكوبية - الحل الأمثل

وهي الجراحة الميكروسكوبية افضل و احسن طريقة لعملية دوالي الخصية ، لأن

مميزات الجراحة الميكروسكوبية:

جرح العمليه بيكون صغير جدا .

بنقدر بالميكروسكوب اننا نكبرمكان العملية لاكتر من 15 ضعف ، و ده بيخلينا نشوف كل الاورده و الشراين بشكل واضح جداّ ،

و بنقدر بسبب التكبير ده اننا نحافظ على الشريان الخصوي اللى بيغذى الخصية بالدم ، و بكده منضرش الخصية .

بنقدر بسبب التكبير كمان اننا نوصل للأوردة الدقيقة و الدوالي الثانوية و نربطها عشان ميحصلش ارتجاع للدوالى مره تانيه و دة اللى مش بتوفره اى طريقة جراحية تانيه

بنقدر اننا كمان نشوف الشعيرات الليمفاويه ، و نتجنب اننا نربطها بالغلط مع الأوردة و بكده مش هيحصلنا قيلة مائية على الخصية .

مميزات إضافية للجراحة الميكروسكوبية:

و غير كمان ان العمليه مش بتاخد اكتر من ساعه .

بنقدر نعمل العملية ببنج نصفي أو كلى .

بعد العملية بأربع ساعات أو اقل ، نقدر اننا نروح

و ممكن ننزل الشغل بعد 3-5 أيام .

و بنقدر نمارس العلاقة الزوجية بعد العملية بأسبوع .

ولو عايز تعرف معلومات اكثر عن الفرق بين جراحة المنظار والجراحة الميكروسكوبية ، اسمع الفيديو ده مع الدكتور اسامة البكل….

الخلاصة

فى النهاية خليك عارف ان الطريقة اللى بتعالج بيها دوالى الخصية ، ممكن تكون السبب فى انك تحقق حلمك فى انك تكون اب ، و ممكن تسببلك مشاكل تانيه اكبر من الدوالى ، فلازم تختار صح

و دلوقتى لو عندكم اى استفسار تقدروا تتواصلوا معانا على رقم 01018874287 و احنا هنجاوب على كل اسئلتك