ما هو الفرق بين ضعف الانتصاب وسرعة القذف؟
الضعف الجنسي عند الرجال يعتبر من المشكلات المزعجة التي يمكن أن تواجه الرجل في مرحلة معينة من حياته، وممكن يكون الضعف ده نتيجة لأسباب عضوية أو نفسية، ولكن الأهم إننا نقدر نفرق هل المشكلة اللي عندنا دي ضعف انتصاب ولا سرعة قذف، لأن على الرغم من إن المشكلتين بيعيقوا ممارسة العلاقة الزوجية، إلا إن لازم نتشخص صح علشان نتعالج صح، لأن مش كل اللي بيشتكي من سرعة القذف بيبقى عنده فعلاً سرعة في القذف وممكن يبقى عنده ضعف انتصاب.
ومن خلال المقال ده هنحسم الجدل في الموضوع ده وهنعرف نفرق بين ضعف الانتصاب وسرعة القذف…
ضعف الانتصاب:
ضعف الانتصاب هو عدم قدرة الرجل على بلوغ الانتصاب أو الحفاظ عليه، وده بيحصل نتيجة وجود خلل في الأوعية الدموية اللي بتوصل الدم إلى القضيب، والخلل ده إما بيكون بسبب ضعف في ضخ الدم للقضيب أو إن مش بيتم الاحتفاظ بالدم داخل القضيب وده بنسميه التسرب الوريدي، وبكده مش بيحصل انتصاب.
معايير تشخيص ضعف الانتصاب:
وعشان نقول إن اللي عندنا ده ضعف انتصاب، لازم نكون عارفين إن العضو الذكري مش بيحصل له انتصاب نهائي حتى لو حسينا بإثارة جنسية، أو إننا لاحظنا إن أكثر من 50% من عدد مرات العلاقة الزوجية محصلش فيها انتصاب للعضو الذكري.
أسباب ضعف الانتصاب:
وضعف الانتصاب ممكن يحصل لأسباب كثير جداً، قد تكون:
أسباب عضوية، زي:
- مرض السكر: لأنه بيأثر على الشرايين والأعصاب وبكده الدم مش هيوصل كويس للقضيب.
- ارتفاع ضغط الدم: يؤثر على تدفق الدم للقضيب.
- مشاكل القلب والأوعية الدموية: تعيق وصول الدم بكفاءة.
- نقص هرمون الذكورة: يؤثر على الرغبة والانتصاب.
- اعوجاج القضيب (مرض بيروني): يعيق الانتصاب الطبيعي.
أسباب نفسية، زي:
- الضغوط النفسية والمشاكل الزوجية: اللي مش بتخلينا قادرين نستمتع بالعلاقة الزوجية ولا بيكون عندنا رغبة ولا إثارة جنسية علشان يحصل انتصاب.
- ممارسة العادة السرية باستمرار: لأن ده بيخلينا نفرغ كل الرغبة والشهوة اللي جوانا فيها، ونيجي وقت العلاقة الزوجية مش بيكون عندنا رغبة، وبالتالي مش هيحصل انتصاب.
- مشاهدة الأفلام الجنسية: لأنها بتخلي عندنا مفهوم وشكل معين عن العلاقة الزوجية، ولما مش بنلاقيها زي ما احنا متخيلين، ده بيخلي عندنا قلة ثقة في نفسنا إننا مش كويسين في العلاقة الزوجية، وبالتالي مش هيحصل انتصاب أثناء العلاقة.
سرعة القذف:
في البداية لازم تكون عارف إن العلاقة الجنسية الطبيعية بتستمر مثلاً من دقيقتين إلى 5 دقائق وفي الوقت ده بتكون إنت وزوجتك وصلتوا للنشوة الجنسية، في الحالة دي إنت معندكش سرعة قذف.
تعريف سرعة القذف:
لكن علشان تقدر تقول إن إنت عندك سرعة قذف أو قذف مبكر، لازم القذف ده يكون بيحصل بعد أقل من دقيقتين من الإيلاج، أو بمعنى آخر أن بيحصل قذف قبل ما بنكون وصلنا للاستمتاع بالعلاقة.
معلومة مهمة جداً: لازم عشان تقول إن عندك سرعة قذف لازم ده يكون بيحصل بقاله 6 شهور، وخلال الوقت ده نكون بنمارس العلاقة الزوجية بشكل منتظم، وأن سرعة القذف بتحصل في أكثر من نصف مرات العلاقة الزوجية.
أسباب سرعة القذف:
ولازم تكون عارف إن سرعة القذف ممكن تحصل لأسباب كثير جداً، قد تكون:
أسباب عضوية، زي:
- ضعف الانتصاب: بالتالي هيكون عندنا سرعة في القذف.
- حساسية زيادة في أعصاب العضو الذكري: لأن ده هيخلى إحساسها زيادة عن الطبيعي، فكل لما نتعرض للإثارة الجنسية أو أي احتكاك في العضو بيحصل قذف على طول.
- مرض السكر: لأنه هيأثر على الأعصاب في العضو الذكري.
- التهابات البروستاتا أو مجرى البول: تؤثر على التحكم في القذف.
أسباب نفسية، زي:
- الخوف والقلق: المستمر من أن الزوجة متكونش راضية عن العلاقة الزوجية.
- ضغوط العمل والتوتر: لو عندنا مشاكل في الشغل أو نتعرض باستمرار لضغط نفسي وتوتر.
- القلق من تكرار المشكلة: لو حصل مرة سرعة قذف في العلاقة الزوجية، وبعدها فضلنا نفكر فيها ونفكر هو ده ممكن يحصل تاني ولا لا.
- عدم انتظام العلاقة: لو مش بنمارس العلاقة الزوجية بشكل منتظم، وبنبعد عنها لفترة طويلة.
العلاقة بين ضعف الانتصاب وسرعة القذف:
ودلوقتي خليني أجاوبك على سؤال مهم جداً أنا متأكد إنك بتفكر فيه دلوقتي وإنت بتقرأ المقال وهو، هل سرعة القذف دليل على أن الشخص ده ضعف انتصاب؟
الإجابة لا طبعاً، سرعة القذف عمرها ما كانت دليل على أن الشخص ده عنده ضعف انتصاب، ولكن الشخص اللي بيكون ضعف في الانتصاب بالضرورة بيكون عنده سرعة في القذف، ده غير كمان إن الخوف من فقدان الانتصاب باستمرار أثناء العلاقة الزوجية بيزيد من مشكلة سرعة القذف.
ولو عايز تحدد هل الأعراض اللي عندك دي ضعف انتصاب ولا سرعة قذف، اسمع الفيديو ده مع الدكتور أسامة البكل…
أهمية التشخيص الصحيح والعلاج:
في النهاية، لازم تبقى عارف إن الضعف الجنسي سواء كان سرعة قذف أو ضعف انتصاب، فده حاجة متعبكش ده مرض زي أي مرض، بس لازم أول ما نحس إن في اختلاف في أدائنا الجنسي إننا نكشف فوراً عشان نلحق الموضوع من أوله لو هو عضوي علشان نحط ليه خطة علاج مناسبة، ولو هو نفسي نبدأ بردو في العلاج السلوكي عشان نوفر على نفسنا القلق بسبب إننا مش قادرين نقوم بالعلاقة الجنسية.
ملخص الفروق الأساسية:
| الخاصية | ضعف الانتصاب | سرعة القذف |
|---|---|---|
| التعريف | عدم القدرة على تحقيق أو الحفاظ على الانتصاب | القذف خلال أقل من دقيقتين من الإيلاج |
| المشكلة الأساسية | تدفق الدم للقضيب أو الاحتفاظ به | التحكم في توقيت القذف |
| تأثير الضغط النفسي | يزيد المشكلة | يزيد المشكلة |
| العلاقة بينهما | قد يؤدي لسرعة القذف | لا يؤدي لضعف الانتصاب |
ولو لسه عندك أي تساؤل أو استفسار، تقدر تتواصل مع فريقنا الطبي على الرقم ده 01018874287 وهما هيحددولك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني وهو هيجاوب على كل الأسئلة اللي قلقاك وهيحدد لك العلاج المناسب ليك عشان توصل للعلاقة الزوجية اللي ترضيك.
التعليقات
لا توجد تعليقات حتى الآن. كن أول من يعلق!