ايه هي اعراض دوالي الخصية وازاى نعالجها ؟
دوالي الخصية من أكثر المشاكل المزعجة اللي بيعاني منها حوالي 15% من الرجال ، واللي بتكون السبب في حوالي 40% من حالات العقم وتاخر الانجاب ، واعراضها بتكون مزعجة جدا للشخص ، وتتمثل في وجود الم شديد في الخصية ، والالم ده بيزيد مع الوقوف المستمر وبيقل مع الراحة.
ولكن قبل ما نتكلم عن أعراض دوالي الخصية ، تعالوا الاول نوضح :
ايه هي دوالي الخصية ؟
دوالي الخصية هي عبارة عن تضخم في الأوردة اللي حولين الخصية الموجودة داخل كيس الصفن ، والتضخم ده بيحصل نتيجة ضعف الصمامات الموجودة في الأوردة واللي مسؤولة عن تنظيم تدفق الدم من الخصيتين الى القلب ومنع عودته تاني للخصية ، فلما الصمامات دي بتضعف ، الدم بيرجع تاني للخصية ويفضل يتراكم جوا الأوردة ويسبب تضخم في الأوردة ويسبب الدوالي.
ايه هي اعراض وعلامات الاصابة بدوالي الخصية ؟
- 1/ ألم في الخصية: هتحس بألم شديد في الخصية ، والالم ده هيزيد لما تقف لفترات طويلة ، وهيقل عند الاستلقاء على ظهرك.
- 2/ تورم كيس الصفن: بمعني انك هتلاحظ تورم وانتفاخ في كيس الصفن.
- 3/ صغر أو انكماش الخصيتين: هتلاحظ صغر وانكماش في حجم الخصيتين أو وجود فرق بينهم.
- 4/ ثقل وتضخم كيس الصفن: هتحس بثقل وتضخم في كيس الصفن ، وده بيكون نتيجة تجمع الدم بكميات كبيرة في الأوردة.
- 5/ تأخر الإنجاب: بمعنى أن الشخص اللي بيعاني من تأخر في الإنجاب ، والزوجة معندهاش اي موانع ، بيكون بنسبة كبيرة عنده دوالي في الخصية بدرجة كبيرة ومؤثرة عليه.
نيجي بقي لاهم سؤال ، انا متاكد انه بيدور في ذهنك دلوقتي : ازاي دوالي الخصية بتسبب تاخر الانجاب ؟
في البداية لازم تكون عارف ان الخصية هي المصنع اللي بيصنع وينتج الحيوانات المنوية المسؤولة عن الإنجاب ، وعلشان الخصية تقدر تنتج حيوان منوي سليم يقدر يخصب البويضة ويكون جنين ، لازم تكون درجة حرارتها أقل من درجة حرارة الجسم الطبيعية بحوالي درجتين ، عشان الدم اللي يوصلها يكون دم بارد وتقدر تنتج حيوانات منوية.
لكن لو الشخص ده عنده دوالي في الخصية ، والدوالي ده من الدرجة الثانية أو الثالثة ، وقتها الدم اللي في الأوردة هيسخن ويرفع من درجة حرارة الخصية ويزيد من تراكم المواد المؤكسدة ( ROS ) اللي هتاثر على الخصية وعلى إنتاجها للحيوانات المنوية ، وهتضر بالهرمونات المسؤولة عن انتاج الحيوانات المنوية ، ده غير كمان انها هتضر بالحيوانات المنوية السليمة والمكتملة ، وهتسبب تكسير في المادة الوراثية الموجودة في راس الحيوان المنوي ، و هتاثر علي صحة وجودة الحيوانات المنوية من حيث العدد والحركة ونسبة التشوهات.
ودلوقتي تعالوا نعرف مع بعض : ازاي نعالج دوالي الخصية ؟
في البداية لازم تكون عارف ان دوالي الخصية علاجها الوحيد هو الجراحة ، وقبل ما تقلق من كلمة جراحة ، لازم تعرف ان عملية دوالي الخصية عملية بسيطة وسهلة جدا ، ومع التقدم العلمي بقي دلوقتي نقدر نعالج دوالي الخصية بالميكروسكوب الجراحي ، وفي اقل من ساعة واحدة بس ، وكمان بغرز تجميلية.
ايه هي مميزات الجراحة الميكروسكوبية المستخدمة في علاج دوالي الخصية ؟
- 1/ تكبير مكان العملية: بتساعدنا في تكبير مكان العملية ، وبكده هنقدر نشوف كل الأوردة والشرايين بشكل واضح جدا.
- 2/ الحفاظ على الشريان الخصوي: وبفضل قوة تكبير الميكروسكوب ، بنقدر نحافظ علي الشريان الخصوي اللي بيغذي الخصية بالدم ، وبكدة مش هنضر الخصية.
- 3/ تجنب القيلة المائية: وبنقدر كمان اننا نشوف الشعيرات الليمفاوية اللي لو ربطناها بالغلط وقت العملية هتسبب للشخص قيلة مائية على الخصية.
- 4/ ربط الدوالي الصغيرة: وبسبب تكبير الميكروسكوب ، بنقدر نوصل للدوالي الصغيرة والدقيقة ونربطها كلها علشان ميحصلش ارتجاع للدوالي تاني بعد العملية ، وده اللي مش بنقدر نعمله في اي طريقة جراحية ثانية.
- 5/ مدة العملية القصيرة: ده غير كمان ان العملية مش بتاخد اكثر من ساعة واحدة بس.
أما بالنسبة لما بعد العملية :
- 1/ العودة للمنزل: بنقدر نروح بعد العملية بأربع ساعات.
- 2/ العودة للعمل: وبنقدر ننزل الشغل ونسافر كمان بعد 3-5 أيام.
- 3/ ممارسة العلاقة الزوجية: وكمان بنقدر نمارس العلاقة الزوجية بعد اسبوع واحد من العملية.
ولو عايز تعرف امتي ممكن يحصل حمل طبيعي وتحسن في تحليل السائل المنوي ، اسمع الفيديو ده مع الدكتور اسامة البكل…
في النهاية
لازم تبقي عارف ان دوالي الخصية مش بالصعوبة اللي انت شايفها دي ، بس مهم انك لو لاحظت أي اعراض او علامات غريبة في الخصية ، انك تروح تكشف فورا علشان لو كانت حاجة بسيطة تلحقها ، قبل ما الدوالي اللي عندك ما تكبر ، سواء في الحجم او في الشكل او في الدرجة ، وتسبب لك مضاعفات كثير متقدرش تعالجها بسهولة.
ولو عايز تتابع معانا ، تقدر تتواصل معانا علي الرقم ده 01018874287 واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.
التعليقات
لا توجد تعليقات حتى الآن. كن أول من يعلق!