تشوهات الحيوان المنوي
تشوه الحيوانات المنوية يعتبر من اهم اسباب تأخر الانجاب، و اللى احيانا كتير بيتشخص غلط لاننا بنعمل التحليل فى مكان مش متخصص و لا بنلجأ لدكتور متخصص فى علاجه. و عشان نفهم كويس امتى الحيوان المنوى يكون مشوه، تعالوا نعرف الحيوان المنوى بيتكون من اى، و امتى اقول ان الحيوان المنوى مشوه.
الحيوان المنوى بيتكون من 4 اجزاء:
الاكروسوم
وده حاجة شبة المثلث بيكون موجود فى بداية راس الحيوان المنوى، وده اللى بيخلى الحيوان المنوى يخترق البويضة وقت التلقيح، و بتساعده كمان على انه يختلط بالبويضة
الخصائص الطبيعية:
- • موجود في بداية الرأس
- • شكل مثلثي
- • يساعد على اختراق البويضة
التشوهات المحتملة:
- • الاكروسوم مش موجود
- • شكل غير طبيعي
- • حجم غير مناسب
لو الجزء ده مش موجود كده الحيوان المنوى يعتبر مشوه و مش هيقدر اصلا يخترق البويضة
راس الحيوان المنوى
و هى دى اللى بيكون فيها الماده الوراثية بتاعت الرجل ولازم يكون شكلها دائرى
الخصائص الطبيعية:
- • شكل دائري منتظم
- • حجم طبيعي
- • يحتوي على المادة الوراثية
التشوهات المحتملة:
- • اكبر او اصغر من الطبيعى
- • مش مدوره (طويله شويه او مستطيلة)
- • عده رأسين
التشوهات في الرأس تؤثر على قدرة الحيوان المنوي على الإخصاب
الرقبة
و دى اللى بتحول المواد الغذائية اللى بياخدها الحيوان المنوى من السائل المنوى، عن طريق حاجة اسمها الميتوكوندريا و يحولها لطاقة تساعد الحيوان المنوى على الحركة
الخصائص الطبيعية:
- • رفيعة ومنتظمة
- • تحتوي على الميتوكوندريا
- • تربط الرأس بالذيل
التشوهات المحتملة:
- • عنق الحيوان المنوى مش موجود
- • مشكله فى الميتوكوندريا
- • عنق سميك أو منحني
لو فى مشكله فى الميتوكوندريا، كده مش هيكون فى طاقة تساعد الديل على الحركة
الديل
و ده بيتكون من مجموعة من الانابيب بتكون رفيعة جدا و مربوطة ببعضها، وده اللى بيخلى الحيوان يقدر انه يعوم و يتحرك من مكان لمكان، وده زى شكل ديل السمكه كده بيتحرك يمين و شمال عشان يساعد السمكه على الحركة
الخصائص الطبيعية:
- • طويل ومستقيم
- • رفيع ومرن
- • يتحرك يمين وشمال
التشوهات المحتملة:
- • قصير او معوج او مشقوق
- • الحيوان المنوى يكون ليه ديلين
- • الديل يكون اصلا مش موجود
و كده الحيوان المنوى مش هيقدر انه يتحرك من مكانة
ولو عايزين تعرفوا اكثر عن تكوين الحيوان المنوي ، تقدروا تعرفوا كل المعلومات عنه في الفيديو ده من دكتور اسامة محمد البكل………
و دلوقتى هنعرف امتى الحيوان المنوى يكون مشوه
حالات تشوه الحيوان المنوي
الاكروسوم المفقود
لو الاكروسوم مش موجود ده معناه ان الحيوان المنوى مش هيقدر انه يخترق البويضة و بكده مش هيحصل تلقيح للبويضة.
تشوهات الرأس
• لو رأس الحيوان المنوى كانت اكبر او اصغر من الطبيعى
• لو رأس الحيوان المنوى مش مدوره، زى ما احنا شايفين فى الصوره كده انها ممكن تكون طويله شويه او مستطيلة
• لو الحيوان المنوى عده رأسين، كده برضو الحيوان المنوى هيكون مشوه
مشاكل الرقبة
• لو عنق الحيوان المنوى مش موجود
• لو فى مشكله فى الميتوكوندريا، كده مش هيكون فى طاقة تساعد الديل على الحركة
تشوهات الذيل
• لو الديل كان فى مشكلة زى انه يكون قصير او معوج او مشقوق
• ان الحيوان المنوى يكون ليه ديلين
• او ان الديل يكون اصلا مش موجود
• و كده الحيوان المنوى مش هيقدر انه يتحرك من مكانة
معلومة مهمه جدا
🔵 و هنا خلينا نعرف معلومة مهمه جدا، وده بيكون اول سؤال بتسئله فى العياده:
هو يا دكتور معنى ان الحيوان المنوى مشوه ده معناه ان الطفل كمان هيتولد مشوه ؟
👈 و الاجابه طبعا لا،
لان الحيوان المنوى المشوه ده ولا هيقدر انه يخترق البويضه و يخصبها، ولا هيكون قادر انه يوصلها، و بكده مش هيحصل حمل اصلاّ عشان ينتج عنه حيوان مشوه، ده غير ان اللى ممكن يسبب تشوه للأجنه هو مشكله فى الماده الوراثيه، وده ملهوش علاقة بتشوه الحيوانات المنوية.
و دلوقتى و بعد ما عرفنا امتى الحيوان المنوى يكون مشوه 👇
الخطوات التالية:
1️⃣ تعالوا نعرف اى هى اسباب تشوهات الحيوان المنوى ؟
2️⃣ و اي هى نسب التشوه اللى ممكن يحصل فيها حمل طبيعى ؟
أولاً: نسبة التشوهات المقبولة
التحليل المتخصص
لازم التحليل يتم فى مراكز الخصوبه او معامل متخصصة
الصبغة الخاصة
نصبغ الحيوان المنوى بصبغه معينه تحت ميكروسكوب معين
النسبة المقبولة
أقل من 96% تشوهات = حمل طبيعي محتمل
أكثر من 96%
فرص الحمل الطبيعى بتكون أقل
‼️ نقطة مهمه قبل الحقن المجهرى
و هى اي اصلاّ السبب فى تشوه الحيوانات المنوية لاننا لو عرفنا السبب و قدرنا اننا نعالجة هنقدر اننا نقلل من نسبة تشوه الحيوان المنوى
و فى حالات بعد العلاج بيكون عندها فرصه ان يحصل حمل طبيعى هتكون كبيرة جدا و تعالوا بقى دلوقتى نعرف اسباب تشوه الحيوانات المنوية وازاى بنقدر اننا نعالجها
ولو عايزين تعرفوا اكثر عن النسبة الطبيعية لتشوه الحيوانات المنوية ، تقدروا تعرفوا كل المعلومات عنها من دكتور اسامة محمد البكل………
اسباب تشوه الحيوانات المنوية
اسباب خلقية
وده معناه ان فى خلل جيني فى انسجة الخصية، وده بيسبب ان الخصية بتنتج حيوانات منوية مشوه
الأسباب:
- • خلل جيني فى انسجة الخصية
- • تشوهات وراثية في الحيوانات المنوية
للاسف مبيكونش فيه علاج و دى الحالة اللى بنضطر لاننا نعمل حقن مجهرى فيها على طول
اسباب مكتسبة
و الاسباب المكتسبة دى بتكون اما امراض او ظروف بيئية أو سلوكيات خاطئة
الأسباب:
- • ارتفاع فى درجة حرارة الخصية (زى الشغل فى صناعة الازاز)
- • التعرض لتلوث اشعاعى او مواد كيماوية
- • دوالى على الخصية من الدرجة التانية او التالته
- • التدخين بكميات كبيرة
- • ادمان المواد المخدرة او شرب كحوليات بكميات كبيرة
- • سمنه مفرطة
- • امراض بتأثر على الدوره الدمويه (السكر – الضغط – تصلب الشرايين)
- • التعرض لعلاج اشعاعى او كميائى بسبب الامراض السرطانية
- • التهابات شديده فى الجهاز التناسلى
- • خلل هرمونى
لو كان التشوه سببه مكتسب، فالعلاج هنا هيكون على حسب السبب اللى عمل تشوه فى الحيوانات المنويه فى فتره بسيطة جداّ متزدش عن 6 شهور
الحالات اللى بيكون فيها الحقن المجهرى هو الحل الوحيد و الافضل
حالات الحقن المجهري الضرورية:
- لو كان سبب تشوه الحيوان المنوى كان خلقى او وراثى وقتها للاسف مبيكونش فيه علاج و دى الحالة اللى بنضطر لاننا نعمل حقن مجهرى فيها على طول
- لو كان سن الزوجة اكبر من 35 سنه، وقتها الافضل اننا نعمل حقن مجهرى، و منضيعش اى وقت فى العلاج عشان نلحق يحصل انجاب
- لو الحيوان المنوى مفيهوش الاكروسوم، ده معناه انه مش هيقدر يخترق البويضة ولا يتفاعل معاها، عشان كده هنا لازم اننا نعمل حقن مجهرى