ما هو ضعف الانتصاب؟
فى البداية لازم نعرف ان ضعف الانتصاب مش هو الضعف الجنسى، لكن الضعف الجنسى ممكن يحصل بسبب ضعف الانتصاب.
و عشان نفهم ده كويس خلونا نعرف ان العلاقة الجنسية بتكون 3 مراحل و لو فى خلل فى اى مرحلة من المراحل دى يبقى احنا كده عندنا ضعف جنسى، و المراحل دى هى:
مراحل العلاقة الجنسية الثلاث
المرحلة الأولى
المرحلة الثانية
المرحلة الثالثة
و بكده نفهم ان ضعف الانتصاب مرحلة من مراحل العلاقة الجنسية
طب اي هو اصلا ضعف الانتصاب و اى هى اسبابة
ضعف الانتصاب هو اننا مبنقدرش نحافظ على الانتصاب او ان مفيش انتصاب كامل بيحصل وقت العلاقة الزوجية، والسبب في ده ان بيكون فى خلل فى الأوردة اللى بتوصل الدم للقضيب.
و الخلل ده سببه اما ضعف في ضخ الدم للقضيب او ان مبيتمش الاحتفاظ بالدم داخل القضيب و ده بنسميه (التسرب الوريدي)، و بكده مش بيحصل انتصاب او بيحصل و مش بنحافظ عليه لحد ما نخلص العلاقة الزوجية.
مهم جداً: و عشان اقول ان انا عندى ضعف انتصاب، لازم يكون ضعف الانتصاب ده بيحصل فى اكتر من 50% من مرات العلاقة الجنسية.
طيب اى هى اسباب ضعف الانتصاب
أما اسباب نفسية زى:
الضغوط اليومية و المشاكل الزوجية
مش بتخلينا عارفين نستمتع بالعلاقة الزوجية، ولا بتخلينا نحس بالأثارة بشكل كافى و عشان كده مش بيحصل انتصاب.
ولو عايز تعرف ازاي الضغوط والمشاكل الزوجية بتاثر على العلاقة الزوجية وبتسبب ضعف انتصاب، اسمع الفيديو ده مع الدكتور اسامة محمد البكل.
مشاهدة الأفلام الجنسية
لو بنشوف افلام جنسية، لانها بتخلينا نكون انطباع معين عن شكل العلاقة الجنسية و طريقة الاداء فيها، ولما الشكل ده مش بيتحقق فى العلاقة بيحصل حاجة من الاتنين اما مش هيكون عندنا رغبة فى العلاقة الزوجية لانها مطلعتش زى ما احنا متصورين، او اننا بسبب الاداء اللى بنشوفه فى الافلام دى مبقاش عندنا ثقة فى ادائنا و بنحس دايماّ انه مش كويس فبنبعد عن العلاقة الزوجية.
ممارسة العادة السرية بشكل شبه يومى
لو بنمارس العاده السرية بشكل شبه يومى، وده بيسبب اننا بنفرغ كل الرغبه و الشهوة الجنسية وقت العاده السرية، و بنيجى وقت العلاقة ميكونش عندنا رغبة جنسية فميحصلش انتصاب.
ولو عايز تعرف ازاي الضغوط والمشاكل الزوجية بتاثر على العلاقة الزوجية وبتسبب ضعف انتصاب، اسمع الفيديو ده مع الدكتور اسامة محمد البكل
أو اسباب عضوية و هى:
مرض السكر
لو عندنا مرض السكر لانه بيضعف الاعصاب، بيأثر على ضخ الدم جوا الشرايين و بكده الدم مش هيوصل كويس للقضيب، فمش هيحصل انتصاب.
نقص فى نسبة هرمون الذكورة
لو فى نقص فى نسبة هرمون الذكورة.
الفشل الكلوى
لو عندنا فشل كلوى، لانه بيأثر على نسبة هرمون الذكورة، و بكده هيأثر على الانتصاب.
ارتفاع فى هرمون البرولاكتين و هرمون E2
لو فى ارتفاع فى هرمون البرولاكتين و هرمون E2، لانهم بيقللوا من نسبة هرمون الذكوره، و ده هيسبب ضعف فى الانتصاب.
ارتفاع فى ضغط الدم
لو عندنا ارتفاع فى ضغط الدم.
مشكلة فى القلب
لو عندنا مشكلة فى القلب.
بعض الأدوية
لو بناخد بعض الادوية زى ادوية الاكتئاب او الادوية الهرمونية، او علاج للسرطان، كل ده ممكن يسبب ضعف انتصاب.
التسريب الوريدى
ولو عندنا تسريب وريدى، هيبدء يحصل ضعف فى الانتصاب و ممكن نلاحظ ان فى بداية العلاقة الانتصاب كان قوى و لما حصل تغير فى الوضع حصل ارتخاء وفقدنا الانتصاب، و لو معالجناش التسريب الوريدى ممكن نوصل لان ميكونش فى اى انتصاب وقت العلاقة الزوجية.
كسر فى الحوض
لو اتعرضنا لكسر فى الحوض، ده هيسبب قطع فى الاعصاب، و الاعصاب دى هى اللى بتغذى العضو الذكرى و بتتحكم فى الانتصاب، وهنا هنلاقى ان الدورة الدموية سليمة و الشرايين و الاورده مفيش فيها اى مشكله، بس بسبب المشكله اللى حصلت فى العصب مبقاش يحصل انتصاب وقت العلاقة الزوجية.
التهاب شديد او تضخم فى البروستاتا
وأخيراً لو عندنا التهاب شديد او تضخم فى البروستاتا، و ده لان الاعصاب و الاوعيه الدموية اللى بتغذى العضو الذكرى بتكون موجوده على جدار البروستاتا، فلو حصل اى تورم فى البروستاتا ده هيضغط على الاعصاب اللى بتغذى القضيب، و بكده هيحصل ضعف انتصاب، بس عشان اقول ان البروستاتا هى السبب فى ضعف الانتصاب، لازم يكون مع ضعف الانتصاب اعراض تانية زى:
- صعوبة و تقطيع فى نزول البول
- الم فى الحوض
- حرقان فى البول
طيب اي هو علاج ضعف الانتصاب
عشان نحدد علاج ضعف الانتصاب، لازم نحدد فى الاول سببة لان كل سبب ليه طريقة علاج مختلفة، فمثلا لو كان السبب فى ضعف الانتصاب نفسى، هنا لازم نلجأ للعلاج السلوكى، لان سبب ضعف الانتصاب هنا مش عضوى.
اما لو كان سبب ضعف الانتصاب عضوى، فلازم الاول نحدد اى سببه و نبدء نعالجه و كمان نحدد ضعف الانتصاب ده واصل لاى درجة.
درجات العلاج
الدرجة الأولى - ضعف انتصاب بسيط
فلو ضعف الانتصاب كان من الدرجة الاولى: بمعنى ان في قصور بسيط فى ضخ الدم وقتها هنمشى على العلاج الدوائى، و العلاج الدوائى هان منقصدش بيه المنشطات الجنسية، هنا نقصد علاج الدوائى كامل نزود بيه ضخ الدم، و نعالج بيه المشكلة اللى سببت ضعف الانتصاب، و ممكن مع العلاج ناخد منشط جنسى بجرعات معينه عشان نقدر نمارس حياتنا الزوجية، لحد ما نعالج ضعف الانتصاب.
الدرجة الثانية - ضعف انتصاب متوسط
اما لو ضعف الانتصاب كان درجة تانية: بمعنى ان فى قصور اكبر فى الدوره الدموية و قتها هنعالج ضعف الانتصاب بالحقن الموضعى، و ده واحد من اهم و اسهل علاجات الضعف الجنسى، و بيكون عبارة عن مواد منشطة بتزود ضخ الدم جوا العضو، و الحقن بيكون بأبره انسولين رفيعه جدا فمش بنحس بأى الم.
الدرجة الثالثة - ضعف انتصاب شديد
اما الدرجة التالته و الاخيرة، لو كان فى قصور شديد فى الدورة الدموية وصل لان بقى فى تليف فى القضيب و قتها العلاج الوحيد هيكون زرع الدعامة.
ولو عايز تعرف ايه هي أسئلة المرضى حول تركيب دعامة العضو الذكري اسمع الفيديو ده مع دكتور اسامة البكل.
و بالنسبة لزرع الدعامات نقدر نعرف عنها معلومات اكتر من هنا
و من مزايا الحقن الموضعى
المزايا:
- ⚡انه بيحقق انتصاب بعد اقل من 10 دقايق من الحقن لانه بيتحقن فى العضو مباشرة فى النسيج الكهفى، وده النسيج اللى بيكون مسؤول عن الانتصاب.
- 💊و لو كنا بناخد اى ادوية زى ادوية الضغط و القلب، فالحقن الموضعى مش بيتعارض معاها، لاننا زى ما قولنا بنحقنها على طول فى العضو و بكده مادة الحقن مش بتدخل فى الدوره الدموية للجسم كله، هى بس بتدخل فى الدوره الدموية الخاصة بالعضو الذكرى.
- 🏠و كمان بتقدر بسهولة انك تحقن نفسك فى البيت مش بتحتاج ان فى كل مره تروح لدكتور، لانك مش بتحتاج تحقنها فى وريد معين انت بتحقنها بس فى النسيج الكهفى.
تحذيرات مهمة:
⚠️جودة المواد
بس عشان الحقن الموضعى يكون امن و ميسببش اى مشكلة، لازم نتأكد من جوده النوع اللى بنستخدمة فى الحقن، لان لو استخدمنا مواد مش كويسة ده ممكن يسبب تليف فى انسجة القضيب.
💉 الجرعه المناسبه
و لازم كمان الجرعه تكون مناسبة للسن و الحالة الصحية، و هنا هنحتاج نعمل اختبار للحقن عشان نحدد الجرعه المناسبة اللى نقدر نحقق بيها انتصاب نكمل بيه العلاقة الزوجية، و متكنش الكمية زياده فتعمل انتصاب لفترة طويلة، لان لو ده حصل هنسبب ضرر لانسجة القضيب و لازم يتلحق فورا.
ولو عايز تعرف ايه هي أسئلة المرضى حول تركيب دعامة العضو الذكري، اسمع الفيديو ده مع دكتور اسامة البكل
استعد ثقتك وقوتك في العلاقة الزوجية
ضعف الانتصاب مشكلة شائعة وقابلة للعلاج بنسب نجاح عالية. لا تدع الخجل يمنعك من الحصول على العلاج المناسب. د. أسامة البكل يقدم لك حلول متقدمة من العلاج الدوائي للحقن الموضعي وحتى الدعامات.