القيلة المائية عند الرجال
قبل ما نتكلم عن القيلة المائية خلينا فى الاول نعرف ان فى اختلاف بسيط في حجم الخصية اليمين عن الخصية الشمال ، ان والخصية الشمال بتكون نازلة لتحت شويه عن الخصية اليمين ودى حاجة طبيعية ، لكن اللى مش طبيعى ان يكون فى فرق كبير جدا بين حجم الخصيتين سواء الفرق ده كان أن في خصية كبيرة اوى او صغيره اوى عن الخصية التانية ، أو أن خصية تكون نازلة اكتر بكتير من التانيه ، لان وقتها ده مرض و لازم نعالجه .
و تعالوا نعرف ايه هى الامراض اللى ممكن تتسبب أن حجم الخصية يزيد اوى
لو حصل التواء فى الخصية .
لو حصل قطع فى الشريان الخصوي بسبب عمليه زى الفتق الأربي أو دوالى الخصية ، ده هيسبب ضمور للخصية لان الشريان الخصوي دة هو اللى بيغذى الخصية .
لو وقت الولاده كان عندنا خصية معلقة ، و معالجنهاش .
لو لاقدر الله الخصية فيها اورام .
لو عندنا قيلة مائية و دى اللى احنا هنتكلم انهارده عنها بالتفصيل ، بس قبل ما نتكلم عنها خلونا نعرف كمان ايه هى الاسباب اللى ممكن تخلى حجم خصية تكون اصغر من التانية بكتير :
لو جالنا دوالى على الخصية ، و معالجنهاش لحد ما بقت مرحلة ثالثة ده بردو هيسبب ضمور للخصية .
طيب ليه ممكن يكون فى خصية نازله لتحت عن التانيه
دوالى الخصية اللى من اضرارها انها بتزود درجة حرارة الخصية و هنا كيس الصفن عشان يحاول يقلل درجة حرارة الخصية ، بيتمدد عشان كده بتكون الخصية نازلة لتحت ، لان كيس الصفن ده هو اللى بيرفع الخصية .
دلوقتى بقى تعالوا نعرف ايه هي القيله المائية
هي ببساطة تجمع للسوائل حول الخصية ، طيب ده بيحصل ازاى :
الخصية بتبقى متحوطة بغشاء بريتوني رقيق جدا ده عشان يسهل نزول الخصية من البطن وقت التكوين فى رحم الام ، و كمان بيساعد الخصية انها تتحرك مع حركة أجسامنا جوه كيس الصفن ، فالغشاء دة بيعمل افرازات ، و الافرزات دى بعد كده بتتفرغ عن طريق الاوعية الليمفاوية الموجودة فى الحبل المنوى .
طيب ايه هى اسباب و اعراض القيلة المائية :
و هنبدء دلوقتي بأسباب القيلة المائية
لو عملنا عمليه فى الخصية زى الفتق الأربي ، ممكن لو العمليه متعملتش كويس تسبب قيلة مائية .
لو حصل التهاب فى مجرى البول و السائل المنوي بسبب بكتيريا ، و البكتريا دى اتنقلت للخصية او البربخ هتعمل ارتشاح و تكون ماية .
لو حصل خبطة جامده فى الخصية .
لو حصل انسداد فى الاوعيه الليمفاويه اللى بتكون مسؤولة تفريغ السوائل من الخصية ، و ده بيكون بسبب اننا عملنا عملية الدوالى بالمنظار او الجراحة العادية هنا ممكن بالغلط يحصل ربط للاوعيه الليمفاوية، لو عاوز تعرف اكتر عن دوالي الخصية و ايه احسن طريقه لعلاجها اضغط هنا .
بعد ما عرفنا الاسباب تعالوا نعرف دلوقتى ايه هى اعراض القيلة المائية
لو لقينا تورم و انتفاخ فى الخصية .
قد تسبب ثِقَلًا وقد تؤثر على النشاط اليومي أو العلاقة في الحالات الكبيرة
لو حسينا بتقل فى الخصية و زياده فى حجمها .
ممكن بردو لو التورم كبير هيكون ظاهر فى اللبس .
طب ايه هو علاج القيلة المائية
عشان نحدد العلاج المناسب لازم الاول نعمل دوبلكس على الخصية عشان نتأكد ان التورم هنا سببه قيله مائيه مش اى حاجة تانى , و لما نتأكد انها قيلة مائيه هنا العلاج هيكون عملية بسيطة جدا :
كمان نقدر نروح فى نفس اليوم .
و ممكن نعملها ببنج نصفى .
مش بتاخد اكتر من ساعه .
بنقدر نمارس العلاقة الزوجية من 2 - 4 أسابيع من العمليه ، عشان يكون الجرح التأم .
و نقدر نمارس شغلنا عادى بعد يومين او تلات ايام ، و ده فى حالة اننا محتجناش نركب درنقة لان فى بعض الحالات لما بتكون الخصية منتفخة اوى و مليانة سوائل بنحتاج نركب درنقة لمدة 4 او 5 ايام و بعدين نشيلها.
ولو عايز تعرف هل القيلة المائية ليها علاج بتاخر الانجاب او بضعف الانتصاب ، اسمع الفيديو ده مع الدكتور اسامة البكل…
في النهاية
فى النهاية القيلة المائية نفسها مش مرض خطير و مش بيضر بالخصية ، لكن لو اتأخرنا فى علاجة ممكن يبسبب ضرر زى اننا لو اتعرضنا لخبطة فى الخصية ، وقتها ممكن يحصل نزيف دموى بسبب الفراغ اللى بتسببة القيله المائية فى كيس الصفن بدل ما الخصية كانت فيها ماية و سوائل مش مسببه ضرر للخصية ، اتحول السائل ده لدم ، لما هيحصله تجلط هيبدء يضغط على الخصية و ده ممكن يأثر عليها و يسببلها ضرر .
و دلوقتى لو محتاج تطمن على نفسك تقدر تتواصل مع فريقنا الطبى 01018874287، عشان تحدد معاد مع دكتور / اسامه محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، و نعمل الفحص و تطمن على نفسك .