اي هي أسباب ضعف الرغبة الجنسية عند الرجال

اي هي أسباب ضعف الرغبة الجنسية عند الرجال

الرغبة الجنسية عند الرجالة بتختلف من شخص للتاني، وفي تفاوت كبير بينهم فيه اللي عنده رغبة جنسية عالية ومستدامة، وفيه اللي بيعاني من ضعف أو انعدام فى الرغبة الجنسية .

و خلينا عارفين ان الرغبه الجنسيه غريزه من الغرائز البشريه وبتتاثر بكتير من العوامل الداخليه والخارجيه في الانسان زي الحاله المرضيه والحاله النفسيه او النظام الغذائي والصحه العامه والتقلبات الجويه المحيطه بجسم الانسان .

ما هو ضعف الرغبة الجنسية؟

و تعالوا دلوقتى نعرف إي هو ضعف الرغبة الجنسية او البرود الجنسي عند الرجال

ضعف الرغبة الجنسية أو البرود الجنسي ده معناه إن الشخص بيفقد الاهتمام بالجنس وكل حاجة ليها علاقة بيه، سواء تخيلات أو أفعال ، و بيوصل لدرجة إنه مش بيحس بالإثارة حتى في اللحظات الحميمة، وده ممكن يخليه يشعر بمشاعر سلبية تجاه العلاقة الجنسية أثناء أو بعد الجماع.

الضعف المؤقت مقابل المزمن

و الرغبه الجنسيه ممكن تقل بشكل مؤقت بسبب ضغوط الحياه او تغيرات هرمونيه او مشاكل عاطفيه بينه وبين زوجته والحاله دي بتكون مؤقته وبترجع بعدها الرغبه الجنسيه تاني .

لكن في بعض الحالات بتستمر معاهم ضعف او انعدام الرغبة الجنسيه لفتره طويله وده بيكون مرض وبيحتاج علاج ولو الشخص تجاهله دا هيأثر على علاقتة الزوجية و هيعرض الزوجين لمشاكل وضغط نفسي وعصبي كبير ، و ضعف الرغبه الجنسية هنا بيكون ليه اسباب كتير ، و عشان نفهمها كويس خلونا نقسمها 3 اسباب .

أسباب ضعف الرغبة الجنسية

1. الأسباب النفسية

مشاكل الأداء الجنسي

لو الراجل كان مصاب بسرعه قذف او ضعف انتصاب كل ده بيخلية عنده حاجز نفسى و مش حابب العلاقة الجنسية و بيبعد عنها لانه مش قادر يمارسها بالشكل اللى يخلية واثق من نفسه

العادة السرية المفرطة

ممارسه العاده السريه طول الوقت ، و اللى بتسبب للرجل توحد فى العلاقة و بتخلية مش قادر يحس بالمتعه فى العلاقة الزوجية فعشان كده بيبعد عنها

تأثير الأفلام الجنسية

او ان الزوج يكون بيتفرج على افلام جنسية و ده بيخليه يتخيل العلاقة الجنسية بشكل معين ، ولما العلاقة الجنسية مش بتحصل بالشكل ده بيبدأ انه ينفر منها و بيكون مش عاوز يعملها.

ولو عايز تعرف ازاي المشاكل والخلافات الزوجية ممكن تسبب ضعف في الرغبة الجنسية وضعف انتصاب ، اسمع الفيديو ده مع الدكتور اسامة البكل.

2. الأسباب السلوكية والعادات الخاطئة

التدخين وتعاطي المخدرات

أسباب سلوكية أو عادات غلط بنعملها فى يومنا زى التدخين وتعاطي المخدرات :

لان الحاجات دي بتاثر علي ضخ الدم جوه القضيب و بتسبب ضعف انتصاب وده بيخلينا زى ما قولنا من شوية ننفر من العلاقه الزوجيه اصلا ونتجنبها بسبب الخوف من الفشل ، وده هيعمل مع الوقت ضعف وانعدام في الرغبه الجنسيه اصلا

النظام الغذائي السيء

ده غير اننا لو كنا على طول بناكل وجبات سريعة بكمية كبيرة ، دا هيعملنا زيادة في الهرمون الانثوي ، و اللى لما بيزيد بيسبب ضعف في الرغبه الجنسيه.

الأدوية المؤثرة

كمان لو كنت من الناس اللى بتاخد ادوية الاكتئاب ،أو أدوية الضغط وأدوية تضخم البروستاتا ومسكنات افيونيه زي المورفين والاوكسيكودون ، فخليك عارف ان كل الادويه دي وغيرها بتاثر علي الرغبه الجنسيه.

3. الأسباب العضوية

نقص هرمون الذكورة

ان يكون عندنا نقص فى هرمون الذكوره و اللى هيكون بيسببلنا مشاكل كتير منها ضعف الانتصاب

زيادة نشاط الغدة النخامية

او ان يكون فى زياده فى نشاط الغده النخامية ، و بسبب النشاط الزياده ده هنلاقى ان نسبة هرمون البرولاكتين زادت ، و ده هيكون سبب فى ان هرمون الذكوره (التستوسيترون ) نسبته تقل ، ودا هيعمل مشاكل كتيره زي ضعف الرغبه الجنسيه ولو ملحقناش نعالجه بسرعه هيعمل مشاكل اكبر زي ضعف الانتصاب

أعراض ضعف الرغبة الجنسية

و دلوقتى بعد ما عرفنا اى هى اسباب ضعف او انعدام الرغبه الجنسية تعالوا نعرف

اى هى الاعراض اللي بيتحصل لمريض ضعف الرغبه الجنسيه . . .

• عدم الرغبة في ممارسة العلاقة الحميمة والتهرب من ممارستها.
• عدم الاهتمام بالأنشطة الجنسية مفيش اهتمام باي نوع من الانشطه الجنسيه حتي العاده السريه .
• غياب الأفكار والتخيلات الجنسية.
• قلة الاستثارة الجنسية و ان مفيش اي انجذاب جسدي سواء تجاه الزوجة او اتجاه النساء عموما .
• صعوبة في الانتصاب بنلاقى ان فى صعوبة فى انتصاب العضو الذكرى ، و لو حصل انتصاب بيكون فى صعوبة في اننا نحتفظ بيه لحد ما نوصل للنشوه الجنسيه .
• الملل والروتين الاحساس بالملل والروتين في العلاقة.

أهمية العلاج

و نيجى دلوقتى لسؤال مهم هو احنا لازم نعالج ضعف الرغبة الجنسية ؟

و خلينى اقولك ان للاسف مش كل الرجاله بتعترف ان ضعف او انعدام الرغبه جنسيه او ( البرود جنسي ) مشكله و حاله مرضية ولازم تتعالج ، بس خلينى اقولك ان ده مش صح و ان ضعف او انعدام الرغبه جنسيه لازم تبدأ تعالجه خصوصا لو كان مستمر

ولو عايز تعرف اي هو علاج ضعف الرغبة الجنسية عند الرجال اضغط هنا…….