الفرق بين الجراحة الميكروسكوبية و المنظار في علاج دوالي الخصية

الفرق بين الجراحة الميكروسكوبية و المنظار في علاج دوالي الخصية

وصلت نسبة انتشار دوالي الخصية بين الرجالة لـ 15%، وتزيد النسبة لحوالي 40% من الرجال اللي بيعانوا من تأخر الإنجاب ، وكنا اتكلمنا قبل كدة عن الطرق اللي بنعمل بيها عملية دوالي الخصية ، وفي المقال ده هنتكلم عن اهم طريقتين بيجيلنا عليهم اسئلة كتير وهو الفرق بين جراحة المنظار والجراحة الميكروسكوبية في علاج دوالي الخصية.

جراحة المنظار في علاج دوالي الخصية

اولا المريض بيكون تحت تأثير التخدير الكلي ويبدأ الدكتور في عمل شقوق صغيرة في منطقة البطن وكل ما كانت الشقوق دي صغيرة ، كل ما كانت المضاعفات أقل ، وكمان بتحافظ علي شكل الجسم بعد العملية ، ومن خلال الشقوق الصغيرة دي الدكتور بيبدا يدخل المنظار والأدوات الجراحية والكاميرا اللي بتساعد الدكتور انه يشوف الاوردة وكيس الصفن بشكل اوضح ويقوم بربط الاوردة المصابة أو قطعها علشان يمنع تدفق الدم من خلالها.

مضاعفات عملية دوالي الخصية بالمنظار:

بس خليني اقولك علي المضاعفات اللي بتحصل بعد عملية دوالي الخصية بالمنظار…

1/ مشاكل التخدير:

التخدير في جراحة المنظار بيكون تخدير كلي ، ولازم تكون عارف ان التهاون في التخدير ممكن يسبب للمريض دوخة ، غثيان ، قيء ، وارتفاع في درجة حرارة الجسم بعد العملية ، لان التخدير الكلي أخطر من التخدير النصفي ومضاعفاته اكتر.

2/ تضرر الشرايين أو ضمور الخصية:

جراحة المنظار زيها زي الجراحة التقليدية ، مش بيخلينا نقدر نشوف كل الأوردة بدقة ، ولا نقدر كمان نحافظ على الشريان الخصوي اللي بيغذي الخصية ، وده لو حصل، الخصية ممكن يحصلها ضمور.

3/ عودة الدوالي بعد العملية:

في حالة علاج دوالي الخصية بالمنظار في احتمال كبير ان دوالي الخصية ترجع تاني بعد العملية ، لاننا مش بنستخدم اجهزة حديثة تساعدنا نشوف كل الاوردة بشكل واضح ونربطها كلها.

وبكده نكون عرفنا أننا لما نفكر نعمل عملية دوالي الخصية اننا نبعد عن جراحة المنظار ، بسبب المضاعفات اللي بتحصل بعد العملية ، ودلوقتى تعالوا نعرف ايه افضل طريقة ممكن نعمل بيها عملية دوالي الخصية

الجراحة الميكروسكوبية: افضل واحسن طريقة تعالج بيها دوالي الخصية

1/ المريض بيكون متخدر تخدير نصفي وده طبعا بيقلل من مضاعفات التخدير الكلي ، والدكتور بيقوم بعمل شق جراحي صغير طوله حوالي 2-3سم في أسفل البطن.

2/ الدكتور بيستعين بالميكروسكوب لانه بيكبر لحد 25 ضعف ، وده بيخلينا نشوف الاوردة والشرايين بشكل واضح وكمان نحافظ علي الشريان الخصوي اللي بيغذي الخصية بالدم.

3/ وكمان بسبب قوة تكبير الميكروسكوب بنقدر نحافظ على الاوعية الليمفاوية ونتجنب ربطها بالغلط مع الاوردة المصابة وكدة مش هيحصلنا قيلة مائية على الخصية.

4/ وبنقدر من خلال قوة التكبير دي اننا نتجنب عودة الدوالي مرة ثانية ، لأننا بنقدر من خلال الميكروسكوب نوصل للاوردة الصغيرة جدا والدقيقة اللي فيها الدوالي ونربطها كلها.

5/ وكمان العملية بتستغرق حوالي ساعة واحدة بس ، وبعدها المريض يقدر يروح بيته بعد 3 او 4 ساعات ، ويقدر كمان ينزل الشغل بعد يومين بالضبط من العملية.

6/ وبيقدر يمارس العلاقة الزوجية بعد العملية باسبوع واحد.

ولو عايز تعرف امتي بيحصل حمل وتحسن في تحليل السائل المنوي بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل….

رسالة مهمة

في النهاية خليني اقولك علي حاجة مهمة جدا وهي ان دوالي الخصية مش أوردة منتفخة هندخل نعملها عملية ونربطها وخلاص ، لا لازم نركز كويس جدا لاننا داخلين نعمل عمليه عشان نعالج مشكلة مش عشان نزودها أو نخرج من العملية بمشكلة جديدة.

ولو احتجت تتواصل معانا ونحجز لك معاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287