هل تعود الدوالي بعد عملية دوالي الخصية بالميكروسكوب؟

1. جراحة المنظار:

أول طريقة مش بننصح بيها في علاج دوالي الخصية، لأن المريض وقتها بيكون تحت تأثير التخدير الكلي، والجراح بيعمل شقوق صغيرة في منطقة البطن علشان يدخل منها المنظار والأدوات الجراحية والكاميرات، علشان يربط الأوردة المصابة اللي فيها الدوالي، والطريقة دي بتضر الخصية لأن مش بيكون فيها أدوات وأجهزة حديثة تساعدنا إننا نشوف الأوردة بدقة وده بيخلينا ممكن منربطش كل الأوردة اللي فيها الدوالي، وساعتها الدوالي هترجع تاني بعد فترة من العملية.

2. الجراحة التقليدية:

في البداية لازم تبقى عارف إن الجراحة التقليدية من الطرق اللي كانت بتتعمل بيها عملية دوالي الخصية الأول، واللي بيحصل فيها، أن الدكتور بيفتح فتحة في أسفل البطن وبالتحديد في المنطقة الإربية، ويبدأ يشوف فين الأوردة المنتفخة اللي عاملة الدوالي ويربطها كلها، ولأنه مش بيكون معاه أي أدوات أو أجهزة حديثة، وبيكون معتمد على نظره وأدواته الجراحية بس، ده طبعاً بيسبب للمريض مشاكل ومضاعفات كثير بعد العملية زي:

رجوع الدوالي ثاني بعد العملية: لأن الأوردة الثانوية والصغيرة في الخصية بتكون موجودة على جدار الحبل المنوي، وبتكون محتاجة تكبير، ولأن في الجراحة التقليدية، الجراح مش بيكون معاه أجهزة حديثة، فبيكون صعب عليه إن يشوف الأوردة الصغيرة بالعين المجردة، وممكن ميربطهاش وقت العملية، وهو ده اللي هيخلي الدوالي ترجع تاني بعد فترة من العملية.

3. الأشعة التداخلية: تعتبر أسوأ طريقة ممكن تفكر إنك تعالج بيها دوالي الخصية

أولاً: لأن في الأشعة التداخلية احنا بنحط المريض تحت جهاز الإشعاع (c-arm) حوالي ساعة إلا ربع، وبكده احنا بنعرض الخصية لجزء كبير جداً من الإشعاع، وده بيضر الخصية أكتر، وهي أصلاً بتكون متضررة كفاية بسبب الدوالي.

ثانياً: في الأشعة التداخلية، احنا بندخل القسطرة من الوريد اللي في الفخذ، مروراً بالقلب، ووصولاً إلى الخصية، ولكن في بعض الحالات الوصول للخصية اليمنى وعلاجها بيكون صعب، نتيجة التكوين التشريحي بين الخصيتين، ده غير إن في القسطرة مش بنقدر نربط كل الأوردة الصغيرة والثانوية، وده بيكون السبب في أن دوالي الخصية ترجع تاني بعد فترة قصيرة من العملية.