هل الخصية المعلقة تؤثر على الإنجاب؟
عملية الإنجاب هي عملية بسيطة جداً، بتبدأ بحيوان منوي واحد مع بويضة واحدة، ومنبع الحيوان المنوي بيكون من خلال الخصيتين عند المولود الذكر، إذ الخصيتين مع بعض ليهم وظيفة مهمة جداً وهي إنتاج الحيوانات المنوية المسؤولة عن تكوين الجنين، لكن السؤال هنا بقى، لو الشخص ده كان عنده خصية واحدة بس والتانية معلقة ومش موجودة، هل ده ممكن يسبب له عقم؟
هو ده اللي هنعرفه من خلال المقال ده، بس قبلها تعالوا نعرف مع بعض إيه هي أصلاً الخصية المعلقة، وهل الخصية المعلقة تؤثر على الإنجاب؟
آلية تكوين الخصية المعلقة:
في البداية لازم تكون عارف إن الخصية بتنمو في أعلى تجويف البطن وفي خلال الشهر السابع من الحمل، بتبدأ الخصية تتحرك إلى القناة الإربية علشان تنزل في مكانها الطبيعي داخل كيس الصفن، وهنا يجي دور الغدة النخامية في المخ، لأنها بتفرز هرمونات الـ FSH والـ LH، لأن الهرمونات دي هي اللي بتحفز الخصية على إفراز هرمون التستوستيرون، اللي بيلعب دور أساسي في نزول الخصية إلى كيس الصفن، وده بيوضح لنا أن الخصية لو ممشيتش في المسار الطبيعي ونزلت إلى كيس الصفن، كده الطفل ده هيكون عنده خصية معلقة.
والخصية المعلقة دي بتكون موجودة في حوالي 1% من المواليد الذكور، وبتفضل خصية واحدة أو الاتنين معلقين داخل البطن، والحالة دي لازم تتعالج خلال السنة الأولى من عمر الطفل بالجراحة على يد جراح متخصص، بس لازم قبلها نستنى 6 شهور، لأن وارد جداً إن الخصية تنزل لوحدها خلال 4-6 شهور، لأن الغدة النخامية بتفضل شغالة لحد 6 شهور وبعدين بتقف.
مضاعفات إهمال الخصية المعلقة:
وهنا بقى خليني أقولك على المضاعفات والأضرار اللي هتحصل لو ماخدناش بالنا أن الطفل ده عنده خصية معلقة:
1. خلل في وظائف الغدة النخامية:
في بعض الحالات هنعرف أن الغدة النخامية مش شغالة كويس، وساعتها مش هتفرز هرمونات FSH و LH بصورة طبيعية، اللي هما أصلاً بيشغلوا الخصية وبيحفزوها إنها تنتج الحيوانات المنوية وهرمون الذكورة.
2. ضمور الخصية:
هتسبب ضمور للخصية، لأنها جوا البطن بتتعرض لدرجة حرارة عالية علشان كده ربنا خلق الخصيتين بره الجسم وجوا كيس الصفن عشان الدم اللي يوصلهم يكون دم بارد فتقدر تنتج الحيوانات المنوية وهرمون الذكورة، وساعتها الشخص اللي عنده خصية معلقة هيعاني من تأخر في الإنجاب.
الإنجاب بخصية واحدة:
ودلوقتي تعالي أجاوبك على سؤال أنا متأكد إنك بتفكر فيه، هل يمكن الإنجاب بخصية واحدة والتانية معلقة؟
الأول لازم تكون عارف أن الخصية هي جزء أساسي من الجهاز التناسلي للرجل، وكل رجل لديه خصيتين وظيفتهم إنتاج هرمون الذكورة المسؤول عن عملية البلوغ، وإنتاج الحيوانات المنوية المسؤولة عن عملية الإنجاب.
وربنا سبحانه وتعالى كان ليه حكمة إنه يخلق كل مولود ذكر بخصيتين مش خصية واحدة، لأن المولود ده خلال مراحل عمره الطويلة ممكن يتعرض لخبطة أو إصابة شديدة في الخصية فيفقدها، بالتالي وجود الخصية الثانية هتعوض فقد الأولى وهتقوم بوظيفتها في إنتاج هرمون الذكورة وإنتاج الحيوانات المنوية ولكن مش هتكون بنفس العدد والكفاءة اللي بتنتجه الخصيتين.
ولو عايز تعرف معلومات أكثر عن علاقة الخصية المعلقة بتأخر الإنجاب، اسمع الفيديو ده مع الدكتور أسامة البكل…
أسئلة شائعة:
ما هو العمر المناسب لإجراء عملية الخصية المعلقة؟
العمر المناسب لإجراء عملية الخصية المعلقة بين 6 إلى 18 شهراً من عمر الطفل، وتجنب حدوث مشاكل محتملة مثل الخصوبة أو الخصية التلفيفية.
هل عملية الخصية المعلقة تؤثر على الانتصاب؟
قد تؤثر الخصية المعلقة على الخصوبة وعلى انخفاض هرمون التستوستيرون، ولكن عملية الخصية المعلقة لا تؤثر بشكل مباشر على القدرة على الانتصاب.
هل عملية الخصية المعلقة خطيرة؟
تعتبر عملية الخصية المعلقة من العمليات المتكررة التي بيتم إجراؤها مع نسبة نجاح مرتفعة وخاصة عند إجرائها على يد جراح أطفال ماهر.
تأثير درجة الحرارة على الخصوبة:
السبب في أن الخصيتين موجودتين خارج الجسم في كيس الصفن هو أن درجة حرارة الجسم الطبيعية (37 درجة مئوية) عالية جداً على إنتاج الحيوانات المنوية. الخصيتين محتاجتين درجة حرارة أقل بحوالي 2-3 درجات علشان تنتج حيوانات منوية سليمة.
لما الخصية تفضل معلقة جوا البطن، بتتعرض لدرجة حرارة الجسم العالية، وده بيدمر الخلايا المنتجة للحيوانات المنوية ويسبب ضمور تدريجي للخصية.
رسالة أمل:
إذ في النهاية، عاوزك تعرف حاجة مهمة جداً، وهي أن مهما كانت مشكلتك اوعى أبداً تفقد الأمل فيها، ولأني عارف إن الخصية هي جزء مهم في جسم الرجل ومسؤولة عن الإنجاب، وأي مشكلة هتحصل فيها هتأثر على حياته ومستقبله، بس دلوقتي ومع التقدم العلمي في مجالات الطب بقت كل مشكلة وليها علاج، سواء بالأدوية أو بالجراحة، بس الأهم إنك تاخد القرار الصح علشان تتعالج صح.
إحصائيات مهمة:
- 1% من المواليد الذكور يعانون من الخصية المعلقة
- 6 أشهر فترة الانتظار قبل التدخل الجراحي
- 6-18 شهر العمر المثالي لإجراء العملية
- نسبة نجاح عالية للعمليات على يد جراح متخصص
ولو لسه عاوز تعرف معلومات أكثر عن الخصية المعلقة وتأثيرها على الإنجاب، تقدر تتواصل معانا على الرقم ده 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
التعليقات
لا توجد تعليقات حتى الآن. كن أول من يعلق!