علاقة مرض بيرونى بضعف الانتصاب و تأخر الانجاب
علاقة مرض بيرونى بضعف الانتصاب و تأخر الانجاب
مرض بيروني ، زي ما عرفنا، هو تليف بيحصل تحت جلد القضيب بالتحديد في غطاء النسيج الكهفي للقضيب و التليف ده بيتسبب فى انحناء العضو الذكرى ، و هنا لو الانحناء ده كان درجته كبيرة هيكون بيأثر وظيفة القضيب و بتأثر على العلاقة الزوجية و ممكن تسبب ضعف الانتصاب و كل ده هيكون السبب كمان فى تأخر الإنجاب عند الرجال لان مفيش علاقة جنسية منتظمة .
علاقة مرض بيروني بضعف الانتصاب
و تعالوا نعرف دلوقتى بالتفصيل اى علاقة مرض بيروني بضعف الانتصاب
ضعف الانتصاب أو الضعف الجنسي وعدم القدرة على الجماع في أغلب الوقت بيكون مرتبط بالاعوجاج اللى بيحصل فى القضيب بسبب مرض بيروني ، اللي بيخلي الشخص عنده انتصاب منحني ومؤلم وبيخلي شكل القضيب مشوه ، ودا لأن كل جانب في القضيب فيه أنبوبة إسفنجية الشكل اسمها الجسم الكهفي ، واللى بتحتوي على أوعية دموية وحوالين الأوعية بيكون فى أنسجة مرنة اسمها الغلالة البيضاء ، اللى بتتمدد وقت الانتصاب أو وقت حدوث الاثارة الجنسية وبيزيد تدفق الدم فيها لحد ما تتملى ، وده اللى بيخلى القضيب يتمدد ويتفرد لحد ما يوصل للانتصاب.
آلية الانتصاب الطبيعية
- الجسم الكهفي: أنبوبة إسفنجية الشكل في كل جانب من القضيب
- الأوعية الدموية: تحتوي على شبكة من الأوعية الدموية
- الغلالة البيضاء: أنسجة مرنة تحيط بالأوعية الدموية
- التمدد الطبيعي: تتمدد عند الإثارة الجنسية وزيادة تدفق الدم
- الانتصاب: امتلاء الأوعية يؤدي لتمدد وانتفاخ القضيب
تأثير مرض بيروني على الانتصاب
وده اللى بيحصل فى الطبيعى ، لكن لو الشخص كان عنده مرض بيروني، فالمنطقة اللي فيها أنسجة ندبية عنده مش بتتمدد، علشان كدا القضيب بينحني وبيحصل فيه تغييرات تانية مؤلمة ،
المشاكل الناتجة عن التليف:
- عدم التمدد: المنطقة المتليفة لا تتمدد مع باقي الأنسجة
- الانحناء: القضيب ينحني نحو المنطقة المتليفة
- الألم: تغييرات مؤلمة أثناء الانتصاب
- التشوه: تغيير في شكل القضيب الطبيعي
أهمية العلاج المبكر
و هنا لازم ما نهملش الاعراض دى و نكشف و نتشخص صح و نعالج مرض بيرونى و هو فى بدايته عشان يرجع العضو لشكله الطبيعى و بيرجع كمان الانتصاب زى ما كان ، و بكده هنقدر اننا نرجع نمارس الحياه الزوجية بشكل طبيعى
علاقة مرض بيروني بالإنجاب
و تعالوا دلوقتى نعرف اى علاقة مرض بيروني بالإنجاب ؟
تأخر الانجاب هنا مرتبط بالتقوس والاعوجاج اللي بيحصل في القضيب بدرجة عالية و اللى بيخلى المريض مش قادر انه يعمل علاقة جنسية بسبب الالم اللى هيكون بيحس بيه هو وزوجته وقت ايلاج العضو الذكرى ، و ده بيخلى الزوج و الزوجة يبعدوا عن العلاقة الجنسيه ، وبكده مش هيكون في علاقة منتظمة وهتقل فرص الإنجاب عندهم.
أسباب تأخر الإنجاب في مرض بيروني:
- التقوس الشديد: انحناء القضيب بدرجة عالية
- الألم أثناء الإيلاج: ألم للزوج والزوجة أثناء العلاقة
- تجنب العلاقة الجنسية: الابتعاد عن العلاقة بسبب الألم
- عدم انتظام العلاقة: قلة تكرار العلاقة الزوجية
- انخفاض فرص الحمل: تقليل فرص الإنجاب الطبيعي
علشان كدا دايماً بننصح بالعلاج المبكر لمريض اعوجاج أو انحناء القضيب (المرض البيروني) قبل ما تتدهور الحالة.
أهمية علاج مرض بيروني
طيب هو بعد ما عرفنا اي علاقة مرض بيرونى بضعف الانتصاب وتأخر الانجاب خلينى اقولك انك لازم تعالج مرض بيروني او اعوجاج القضيب ، و ده لانه :
التأثيرات السلبية لعدم العلاج:
- تأثير على الحياة: هيأثر على حياتك بشكل سلبي وهيقلل من ثقتك في نفسك واستمتاعك بالحياة الزوجية
- تدهور الحالة: المرض قد يتفاقم مع الوقت بدون علاج
- مشاكل نفسية: تأثير على الثقة بالنفس والصحة النفسية
- مشاكل زوجية: تأثير على العلاقة مع الشريك
نصائح مهمة للعلاج
اختيار الطبيب المناسب
لازم كمان العلاج يكون على يد دكتور متخصص وعنده خبرة في النوع دا من الحالات علشان تطلع بأحسن نتيجة وميحصلش أي مضاعفات بعد العلاج.
تجنب العلاج الخاطئ
الصحه مفهاش هزار، مينفعش تروح تجرب أي علاج من أصحابك أو جيرانك من غير ما تستشير دكتور، لأن دا هيزود المرض أكتر مش هيعالجه.
عدم التأخير والخجل
متتأخرش في علاجك للمرض اللي عندك ومتتكسفش منه، في رجالة كتير عندهم المرض واتعالجوا منه وبقت صحتهم وحياتهم أفضل.
التشخيص والفحوصات المطلوبة
لو كنت مصاب من فترة كبيرة لازم تتشخص وتعمل فحوصات علشان نعرف سبب الألم أو الانحناء اللي عندك. الفحوصات دي زي فحص بدني على القضيب نفسه في وضع الانتصاب والارتخاء، وفحص بالموجات فوق الصوتية وأشعة الدوبلر.
أنواع الفحوصات:
- الفحص البدني: فحص القضيب في حالة الانتصاب والارتخاء
- الموجات فوق الصوتية: تصوير الأنسجة والأوعية الدموية
- أشعة الدوبلر: فحص تدفق الدم في القضيب
- التقييم الشامل: تحديد درجة الانحناء ومدى التليف
معلومات إضافية ومراجع
ولو عايز تعرف هل التليف العنيف في العضو الذكري (بيروني) يمنع تركيب دعامة القضيب ، اسمع الفيديو ده مع الدكتور اسامة البكل……
ولو عايز تعرف تشخيص وعلاج مرض بيروني … اضغط اللينك
التعليقات
لا توجد تعليقات حتى الآن. كن أول من يعلق!