مشاكل الرغبة الجنسية :
الرغبه الجنسية هى اساس العلاقة الزوجية ، لان من غيرها بتتحول العلاقة الجنسية من متعه جنسية لوظيفة بنعملها من غير اى احساس .
طيب اي هو ضعف الرغبة الجنسية : ببساطة هو انك تكون مش عاوز تعمل علاقة الجنسية ،بس قبل ما اقول انا عندي ضعف في الرغبه الجنسية لازم الاول نحدد ، هل ضعف الرغبة الجنسية ده حاجة عارضة ممكن تحصل بسبب الارهاق و التوتر ، و ده طبيعى و مش بيكون محتاج علاج ، ولا احنا على طول معندناش رغبة جنسية ، و بنعمل العلاقة الجنسية على فترات بعيده جدا ، و بنعملها من غير رغبه كواجب مننا بس عشان هى لازم تحصل ، وقتها لازم نبدء نشوف اي السبب فى ضعف الرغبة الجنسية و نبدء فى علاجة .
طيب اي هو ضعف الرغبة الجنسية
ببساطة هو انك تكون مش عاوز تعمل علاقة الجنسية، بس قبل ما اقول انا عندي ضعف في الرغبه الجنسية لازم الاول نحدد، هل ضعف الرغبة الجنسية ده حاجة عارضة ممكن تحصل بسبب الارهاق و التوتر، و ده طبيعى و مش بيكون محتاج علاج.
ولا احنا على طول معندناش رغبة جنسية، و بنعمل العلاقة الجنسية على فترات بعيده جدا، و بنعملها من غير رغبه كواجب مننا بس عشان هى لازم تحصل، وقتها لازم نبدء نشوف اي السبب فى ضعف الرغبة الجنسية و نبدء فى علاجة.
طيب اى هى اسباب ضعف الرغبة الجنسية: هما 3 اسباب
اسباب نفسية
مشاهدة الأفلام الجنسية بكثرة
زى اننا نكون بنتفرج على افلام جنسية كتير، و هنا انت مش مريض ضعف رغبة جنسية انت بتكون رسمت شكل معين للعلاقة الجنسية و ده اللى بيشبع رغبتك الجنسية، و عشان كده بتبعد عن العلاقة الزوجية
ممارسة العادة السرية بشكل مفرط
او اننا نكون بنمارس العاده السرية بشكل مفرط، و ده بيسبب توحد فى العلاقة الزوجيه، و وقتها هتكون بتفضل انك تمارس العاده السريه عن العلاقة الزوجيه، و مش بتكون متقبل فكرة وجود طرف تانى فى العلاقة و مش بتوصل للأثاره الجنسية ولا للنشوه غير بالعادة السرية
سرعة القذف
لو عندنا سرعة فى القذف، فده بيخلينا مش بنلحق نستمتع بالعلاقة، و بنحس ان الزوجه كمان مش مستمتعه ده بيخلينا نبعد عن العلاقة الزوجية
ضعف الانتصاب
ولو عندنا ضعف انتصاب، ده هيسبب حاجز نفسى و خوف من الفشل فى العلاقة و دة بيخلينا نحس بضعف فى الرغبة الجنسية دايماّ هنكون بنبعد عن العلاقة الزوجية، و لما بنعالجه و بنلاقى اننا نجحنا فى العلاقة الزوجية، هنحب اننا نمارسها اكتر و ده هيزود الرغبة الجنسية
ضعف النشوة الجنسية
اخيراّ لو فى ضعف فى النشوة الجنسية ده بيخلينا مش بنستمتع اوى بالعلاقة فمش بنكون مهتمين أننا نمارسها بانتظام
ولو عايز تعرف اكثر عن اسباب ضعف الانتصاب اثناء العلاقة الزوجية ، اسمع الفيديو ده من الدكتور أسامة محمد البكل…….
اسباب عضوية زى
ورم او زياده فى نشاط الغده النخامية
ده هيتسبب فى انتاج هرمون البرولاكتين بكميات اكبر من الطبيعى، و بسبب الزياده فى هرمون البرولاكتين هيقل هرمون الذكوره، و هتبدء تحصل مشاكل كتير اولها ضعف فى الرغبه الجنسية، لو معالجناش زياده هرمون البرولاكتين هيسبب بعد كده ضعف فى الانتصاب
متلازمة الايض
و دى معناها نقص هرمون الذكوره و من اعراض المتلازمة دى: خمول و كسل، زياده فى نسبة الدهون فى الدم و فى الجسم و بالذات فى منطقة البطن، ارتفاع فى ضغط الدم، الاصابة بالسكر، ضعف فى الانتصاب. و كل ده هيسبب فى النهايه ضعف فى الرغبة الجنسية
أعراض متلازمة الايض:
- • خمول و كسل
- • زياده فى نسبة الدهون فى الدم، و فى الجسم و بالذات فى منطقة البطن
- • ارتفاع فى ضغط الدم
- • الاصابة بالسكر
- • ضعف فى الانتصاب
اسباب سلوكية زى
الضغوط اليومية
لانه بتأثر على الجهاز العصبى و بكده هتأثر على الرغبة
الوجبات السريعة بكميات كبيرة
لو متعودين اننا ناكل و جبات سريعة بكميات كبيرة و لفترات طويله ده هيسبب زياده فى هرمون E2(الهرمون الانثوى)، و بسبب زياده الهرمون الانثوى هيكون عندنا ضعف فى الرغبة الجنسية
التدخين والمخدرات والكحول
لو بندخن او بنشرب مخدرات و مواد كحوليه، ده هيأثر على ضخ الدم جوا القضيب و هيسبب ضعف فى الانتصاب، و زى ما قولنا قبل كده ان بسبب ضعف الانتصاب و خوفنا من الفشل، هنلاقى اننا بنبعد عن العلاقة الزوجية، وده هيسبب ضعف فى الرغبه
عدم ممارسة الرياضة
لو مش بنمارس اى رياضة ده هيقلل هرمون الذكوره، و هتقل معاه الرغبه الجنسية
أدوية الاكتئاب
لو بناخد ادوية اكتئاب فهى بردو بتأثر على الغبة الجنسية
ممارسات الزوجة
فى كمان بعض الممارسات من الزوجة نفسها تسبب ضعف فى الرغبة الجنسية زى عدم التفاعل وقت العلاقة الزوجية، او انها بأستمرار تكون بترفض العلاقة الزوجية، كل ده بيخلى الزوج ميحسش بمتعه فى العلاقة الزوجية، و بكده هيبعد عنها
تحذير مهم قبل العلاج
و بعد ما عرفنا يعنى اى ضعف الرغبة الجنسية و اسبابها تعالوا بقى نعرف اى العلاج. و قبل ما نتكلم عن العلاج لازم ناخد بالنا من حاجة مهمة، و هى اننا نبعد عن المنشطات الجنسية عشان احنا كده اه هنعمل انتصاب بس مش هنحفز الرغبة الجنسية و وقتها هنكون بنمارس العلاقة الزوجية من غير رغبة، و ده هيخلينا نبعد عن العلاقة اكتر، لان هنحس وقتها ان العلاقة مجرد واجب بنعملة مفيهوش اى متعه
و دلوقتى تعالوا بقى نعرف ازاى نقدر نعالج ضعف الرغبة الجنسية
عشان نقدر نعالج ضعف الرغبة الجنسية لازم الاول نعرف اى سببها من كل الاسباب اللى اتكلمنا عنها، عشان كده اول خطوه فى العلاج اننا نتكلم مع الطرفين الزوج و الزوجة، و نعرف التاريخ المرضى، و كل السلوكيات و العادات اللى بيقوموا بيها، و بعد كده بتيجى خطوه الفحوصات و التحليل الهرمونية، عشان نقيم وضع الهرمونات، عشان نشوف لو فيها اى خلل، و كمان بنعمل دوبلكس على القضيب عشان نقيم وضع الدورة الدموية و نتأكد هل فى ضعف انتصاب ولا لأ
و بعد ما نشوف نتايج الفحوصات نبدء نحدد سبب المشكلة، و طريقة علاجها، لان كل مشكله ليها طريقة علاج مختلفة عن التانية
الأسباب النفسية (مشاهدة الأفلام الإباحية)
فالو كان سبب ضعف الرغبة الجنسية مثلا مرتبط بالاسباب النفسية زى مشاهدة الافلام الاباحية، فلازم وقتها اننا نوقف مشاهدتها
السلوكيات الخاطئة
و لو السبب كان سلوكيات غلط احنا بنعملها نبدء اننا نعدلها العلاج السلوكي/النفسي قد يكون جزءًا مهمًا بالخطة حسب الحالة
ضعف الانتصاب
اما لو السبب فى ضعف الرغبة الجنسية هو ضعف الانتصاب فنبدء نحدد درجة الضعف اللى على اساسها هنحدد هل هنستخدم علاج دوائى - ولا حقن موضعى - او زرع دعامات
الخلل الهرموني
و لو كان السبب خلل هرمونى، نبدء اننا نحط خطة علاج نظبط بيها مشاكل الهرمونات، عشان فى النهاية نقدر نمارس العلاقة الزوجية بشكل طبيعى و ميكنش عندنا فيها اى مشكله