ازاى ضعف حركة الحيوانات المنوية بيأثر على الانجاب ؟
ازاى ضعف حركة الحيوانات المنوية بيأثر على الانجاب ؟
في اسباب كتير بتعمل تاخر في الانجاب عند الرجالة ، و اللى منها انعدام الحيوانات المنوية أو وجود تشوه في الشكل الطبيعى للحيوان المنوي ، بس من اهم الاسباب اللي بتعمل تأخر في الإنجاب هي ضعف حركة الحيوانات المنوية ، او أن الحيوان المنوي يكون ضعيف في الحركة ، هو ده اللي هنتكلم عنه فى مقال انهارده ، بس قبل ما نتكلم عن ضعف الحركة
أهمية حركة الحيوانات المنوية
خلونا الاول نتكلم عن اهمية حركة الحيوانات المنوية
حركة الحيوان المنوى هى الدليل على حيوية و جودة الحيوان المنوى ، وهى الطريقة اللى بيتنقل بيها الحيوان المنوى من الخصية للقنوات المنوية و بعد ما بيخرج مع القذف و يوصل لعنق الرحم ، بيبدأ بعد كده الحيوان المنوى رحلة طويله و بيفضل يعوم لحد ما يوصل لقناة فالوب وده المكان اللى بيكون فيه البويضة ، فكل ما كان فى ضعف او بطئ فى الحركة ، كل ما قلت فرص وصول الحيوان المنوى للبويضه ، وده طبعا هيسبب تأخر فى الانجاب .
رحلة الحيوان المنوي للإخصاب
- الخصية والقنوات المنوية: نقطة البداية والانتقال
- القذف: الخروج مع السائل المنوي
- عنق الرحم: الوصول للجهاز التناسلي الأنثوي
- السباحة في الرحم: الرحلة الطويلة نحو الهدف
- قناة فالوب: مكان البويضة والإخصاب
تعويض نقص العدد بقوة الحركة
و خلينا دلوقتى نعرف حاجة مهمة ، وهى اننا لو عندنا نقص فى عدد الحيوانات المنوية ، بس الحيوانات المنوية بتتحرك ، حركة متقدمة سريعه ، فده ممكن يحل مشكلة نقص عدد الحيوانات المنوية ، لان كده هيكون عندنا حيوانات منويه سليمة مفيهاش اى تشوهات و قادره انها تتحرك و توصل للبويضة و تخصبها فيحصل الحمل بشكل طبيعى .
تعريف ضعف حركة الحيوانات المنوية
و تعالوا دلوقتى نعرف بقى
يعنى اى ضعف حركة الحيوانات المنوية
ضعف الحركة معناه ان فى بطء او ضعف في حركة الحيوان المنوي ، وده بيخلية مش قادر انه يعوم لحد قناة فالوب علشان يخصب البويضة ويحصل حمل بشكل طبيعي ، و بكده الحمل هيتاخر.
المعيار الطبيعي للحركة
و عشان نقول ان حركة الحيوانات المنوية طبيعية لازم تكون سرعتها على الأقل 25 ميكرو متر في الثانية الواحدة ،
أنواع حركة الحيوانات المنوية
و حركة الحيوانات المنوية بيكون ليها 3 أنواع:
1. الحركة التقدمية
الحركة التقدمية ، و دى معناها ان الحيوانات المنوية بتتحرك لقدام فى خطوط مستقيمة أو في دوائر كبيرة، بسرعة على الأقل 25 ميكرو متر في الثانية.
2. الحركة غير التقدمية
الحركة غير التقدمية ، و هنا الحيوانات المنوية بتتكون بتتحرك في مكانها، مش بتكون قادره انها تتحرك لقدام ، بسرعة اقل من 25 ميكرو متر في الثانية.
3. الحيوانات المنوية غير المتحركة
الحيوانات المنوية غير المتحركة ، و دى معناها ان فى انعدام فى حركة الحيوان المنوى و انه مش بيتحرك نهائى ، و هنا بنحتاج نتأكد اذا كانت الحيوانات المنوية عايشة و لاميته.
المعايير الطبيعية للخصوبة
و بكده نكون عرفنا يعنى اى ضعف حركة الحيوانات المنوية ، و ليه ضعف الحركة بيأثر على الانجاب ،
و تعالوا دلوقتى نعرف اى هو اجمالى الحركة اللى المفروض يكون الحيوان المنوى بيتحركها عشان مايكونش عندنا مشكلة فى الخصوبة ؟
معايير الخصوبة الطبيعية
وعشان نقول ان الراجل ده عنده خصوبة كويسة ، يكون:
- عدد الحيوانات المنوية: 15 مليون حيوان منوى فى المللى الواحد
- الحيوانات غير المتحركة: لازم يكون عدد الحيوانات المنوية اللى مش بتتحرك يكون عدد قليل
- الحركة الإجمالية: لازم الحركة الإجمالية للحيوان المنوى سواء كانت (تقدمية وغير تقدمية) متقلش عن 40%
- الحركة التقدمية: ان الحركة التقدمية بس تكون حوالي 32% أو أكثر
تشخيص ضعف الحركة
لكن لو النسب دى قلت يبقى وقتها هيكون ضعف فى حركة الحيوانات المنوية .
الخلاصة
ضعف حركة الحيوانات المنوية من أهم أسباب تأخر الإنجاب عند الرجال، لأن الحركة الطبيعية ضرورية لوصول الحيوان المنوي للبويضة وإتمام عملية الإخصاب. فهم أنواع الحركة والمعايير الطبيعية يساعد في التشخيص المبكر والعلاج المناسب.
ولو عايز تعرف ايه هي الحركة الطبيعية للحيوان المنوي علشان يحصل إنجاب ، اسمع الفيديو ده مع الدكتور اسامة البكل….
و لو عاوزين تعرفوا اكتر عن اسباب ضعف حركة الحيوانات المنوية هنضغط هنا
التعليقات
لا توجد تعليقات حتى الآن. كن أول من يعلق!