ما هي اعراض و اسباب مرض بيرونى ؟
ما هي اعراض و اسباب مرض بيرونى ؟
مرض بيرونى او اعوجاج القضيب المكتسب ، دا مرض بيصاب بيه رجل واحد من كل 11 راجل ، و ممكن تحصل الاصابه بمرض بيروني في مراحل وأعمار مختلفة ، وهو من الأمراض اللي بتسبب ضغط نفسي وألم للمريض
تعريف مرض بيروني
و تعالوا نعرف أكتر عن مرض بيروني او اعوجاج القضيب المكتسب
بيكون عباره عن تليفات بتحصل أسفل جسم القضيب والتليفات دى بنسميها نسيج ليفي أو ندبي وبتكون بالتحديد في غطاء النسيج الكهفي للقضيب ، والتليف دا ممكن يخلي القضيب يبان أقصر وقت الانتصاب لأن المنطقة اللي فيها أنسجة ندبة أو تليفات مش بتتمدد وقت الانتصاب ، وده بيعمل عند الشخص انتصاب منحني بمعنى تانى ان شكل القضيب بيكون معووج.
خصائص مرض بيروني:
- التليفات: تحدث أسفل جسم القضيب
- النسيج الندبي: يتكون في غطاء النسيج الكهفي
- عدم التمدد: المنطقة المتليفة لا تتمدد أثناء الانتصاب
- قصر الطول: القضيب يبدو أقصر وقت الانتصاب
- الانحناء: شكل القضيب يصبح معوج
تأثير المرض على الوظيفة
الاعوجاج اللي بيحصل في العضو الذكري دا مش مشكلة شكلية بس، لا دا كمان مشكلة وظيفية لأنه بيأثر على الجماع وبيعمل ألم للزوج والزوجة وقت العلاقه الجنسيه ، ده غير ان انحناء و تقوس العضو الذكرى درجته كبيرة، فده هيمنع الجماع أصلاً ،
المشاكل الوظيفية:
- ليس مشكلة شكلية فقط: تأثير وظيفي حقيقي
- تأثير على الجماع: صعوبة في ممارسة العلاقة الزوجية
- ألم للطرفين: الزوج والزوجة يشعران بالألم
- منع الجماع: الانحناء الشديد قد يمنع العلاقة تماماً
أعراض مرض بيروني
و دلوقتى بعد ما عرفنا اى هو مرض بيرونى خلونا نعرف
اى هى الاعراض او المضاعفات اللي بتظهر علي الشخص المصاب بمرض بيروني ؟
و فى البداية خلينا نعرف ان الاعراض دى بتظهر بشكل تدريجي علي الشخص المصاب ، و الاعراض دى زي:
الأعراض الجسدية
1. ضعف الانتصاب
اننا بقينا نلاقى صعوبة في الانتصاب والحفاظ عليه (ضعف انتصاب).
2. الألم
او اننا بقينا بنحس بألم في القضيب سواء فى وقت الانتصاب او فى وقت ارتخاء العضو الذكرى .
3. نقص الطول
نقص في طول القضيب.
4. الكتل الصلبة
او اننا نحس ان بقى فى كتل صلبة تحت القضيب
5. انحناء القضيب
و بدأ يكون فى انحناء فى القضيب ، و الانحناء ده ممكن يكون لأعلى أو لأسفل أو ناحيه اليمين او الشمال ، وده بيسبب تشوه في شكل القضيب .
اتجاهات الانحناء:
- لأعلى: انحناء القضيب نحو الأعلى
- لأسفل: انحناء القضيب نحو الأسفل
- لليمين: انحناء القضيب ناحية اليمين
- لليسار: انحناء القضيب ناحية الشمال
الأعراض النفسية
6. القلق والاكتئاب
و ممكن نبدأ نحس بالقلق أو الاكتئاب بسبب صعوبة ممارسة علاقة زوجية.
7. تأخر الإنجاب
و ممكن كمان يحصل تأخر فى الانجاب بسبب ان العلاقة الزوجية مش منتظمة .
أهمية العلاج المبكر
و هنا لو لاحظت أي عرض من الأعراض دي لازم تروح للدكتور لأن كل ما عالجنا مرض بيرونى اسرع كل ما كان احسن ، لاننا كده هنكون بنمنع التليف قبل ما يزيد ،
أسباب مرض بيروني
و دلوقتى تعالوا نعرف بقى اى هى اسباب مرض بيرونى او اعوجاج القضيب المكتسب
مش بس إصابة القضيب وتعرضه لحوادث اللي بتعمل مرض بيروني ، لكن في عوامل تانية بتخلي القضيب يحصل فى جروح ، و اللى بيبدأ بسببها يتراكم النسيج الندبي ويحصل انحناء او كتل محسوسة فى العضو الذكرى زي:
1. ممارسة العادة السرية بعنف
ممارسة العادة السرية كتير و بعنف، ده بيسبب جروح علي جسم القضيب وتكوين نسيج ندبي و ده اللى بسبب مرض بيروني.
2. مرض السكري
و من اكتر الاشخاص المعرضة للمرض البيروني هما الرجال اللى عندهم مرض السكري .
3. الجراحات السابقة
وفي عوامل تانية زي الجراحات السابقه في منطقه الحوض او المثانه ممكن بردو تكون السبب فى الصابة بمرض بيرونى .
4. الحقن الموضعي لعلاج ضعف الانتصاب
و اخيرا لو كان عندنا ضعف انتصاب و كنا بنعالجة بالحقن الموضعى ، و استخدمنا الحقن ده لفترات طويلة او كنا بنحقن العضو الذكري بكميات كبيره من المنشطات ، فده ممكن السبب فى الاصابة بمرض بيرونى
مخاطر الحقن الموضعي:
- الاستخدام لفترات طويلة: يزيد خطر الإصابة بالتليف
- الكميات الكبيرة: حقن كميات مفرطة من المنشطات
- عدم المتابعة الطبية: استخدام بدون إشراف طبي
ولو عايز تعرف معلومات اكثر عن أعراض مرض بيروني ، اسمع الفيديو ده مع الدكتور اسامة البكل…
طرق الوقاية من مرض بيروني
طيب اى اللى ممكن نعمله علشان نحمى نفسنا من مرض بيروني ؟
1. حماية القضيب من الإصابات
لازم نحافظ على القضيب من الخبطات والصدمات و نحاول اننا نبعد عن اللبس الضيق
2. تجنب العنف في العلاقة الزوجية
لازم كمان نبعد عن العنف في العلاقة الزوجية علشان ميحصلش جروح او كسر في القضيب.
3. تجنب العادة السرية العنيفة
نبعد عن ممارسة العادة السرية بعنف .
4. المتابعة الطبية للحقن الموضعي
لو عندنا ضعف انتصاب لازم منجربش الحقن الموضعي من غير ما نرجع للدكتور ، ولازم كمان نكون بنتابع معاه بانتظام طول ما احنا بنستخدم الحقن الموضعى.
5. الفحوصات الدورية
نحاول اننا نعمل فحوصات علشان نطمن علي حالتنا باستمرار
6. الإقلاع عن التدخين
ونحاول كمان اننا نبطل تدخين لان ليه اضرار كتير على صحتنا بشكل عام وعلى قدرتنا الجنسية والإنجابية بشكل خاص.
نصائح الوقاية الشاملة:
- تجنب الإصابات: حماية القضيب من الخبطات والصدمات
- الملابس المناسبة: تجنب الملابس الضيقة
- العلاقة الآمنة: تجنب العنف في العلاقة الزوجية
- الممارسات الآمنة: تجنب العادة السرية العنيفة
- المتابعة الطبية: استخدام الحقن تحت إشراف طبي
- الفحوصات المنتظمة: متابعة الحالة الصحية
- نمط حياة صحي: الإقلاع عن التدخين
هل مرض بيروني له علاج؟
طيب هل مرض بيروني له علاج؟
اجابة السؤال ده نقدر اننا نعرفها بالتفصيل من هنا "تشخيص و علاج مرض بيرونى"
التعليقات
لا توجد تعليقات حتى الآن. كن أول من يعلق!