متى يسمح بالعلاقة الزوجية بعد عملية دوالي الخصية؟
تعتبر دوالي الخصية من المشكلات الشائعة اللي بتصيب نسبة كبيرة من الرجال، لأنها بتؤثر على تدفق الدم في الأوردة المحيطة بالخصية، وده بدوره بيسبب آلام مزعجة للشخص والأخطر كمان مضاعفاتها على تأخر الإنجاب، ولكن الأهم بعد عملية دوالي الخصية يبدأ يتساءل بعض الرجال، متى يسمح بالعلاقة الزوجية بعد عملية دوالي الخصية؟ ولكن السؤال ده لا يعتبر سؤال فضولي بل ضروري علشان نضمن التعافي السليم وتجنب أي مضاعفات تؤثر على نجاح عملية دوالي الخصية.
ومن خلال المقال ده هجاوب على كل أسئلتك، ودلوقتي تعالي أقولك متى يسمح بالعلاقة الزوجية بعد عملية دوالي الخصية؟
طرق علاج دوالي الخصية والتعافي:
في البداية لازم تكون عارف إن في أكثر من طريقة لعلاج دوالي الخصية، وعلى حسب إجراء كل طريقة بتختلف مدة التعافي وكذلك السماح بممارسة العلاقة الزوجية بعد العملية، ومن الطرق دي:
1. الجراحة التقليدية:
وخليني أقولك إن اللي بيحصل في الجراحة التقليدية، أن الجراح بيفتح فتحة في المنطقة الإربية، وبعد كده بيبدأ يشوف فين الأوردة المنتفخة بعينه فقط ويربطها كلها من غير ما يستخدم أي أدوات أو أجهزة حديثة تساعده يشوف مكان العملية بشكل أوضح، وده طبعاً بيسبب مشاكل كتير جداً للمريض، زي:
- إصابة الشريان الخصوي: أن وقت العملية ممكن نقطع الشريان الخصوي اللي بيغذي الخصية بالدم، لأنه بيكون موجود وسط الأوردة والشرايين، وبيكون صعب إننا نميزه بعينا فقط، وبكده هنكون منعنا الدم إنه يوصل للخصية، وده هيسبب ضمور للخصية.
- القيلة المائية: ده غير إننا ممكن نربط الأوعية الليمفاوية بالغلط مع الأوردة، والأوعية الليمفاوية دي هي اللي مسؤولة عن تصريف السوائل الزيادة من الخصية، فلما نربطها بالغلط ده هيمنع السوائل إنها تخرج بره الخصية وهيسبب لنا قيلة مائية على الخصية.
- عودة الدوالي: وزي ما قولنا إن في الجراحة التقليدية مش بيكون معانا أي أجهزة حديثة، فاحنا هنربط بس الأوردة المتضخمة اللي عاملة الدوالي، ومش هنقدر نشوف الأوردة الصغيرة اللي بدأت تتضخم، وده اللي هيخلي دوالي الخصية ترجع تاني ويفضل أثرها السلبي على الخصية وجودة الحيوانات المنوية وميحصلش حمل أو ممكن يحصل حمل لكن مش هيكمل وهيسقط.
2. جراحة المنظار:
ولازم تكون عارف إن مضاعفاتها متفرقش كتير عن مضاعفات الجراحة التقليدية، لأن المنظار بيخلينا نعمل شقوق صغيرة في البطن علشان ندخل منها المنظار والأدوات الجراحية، وبعدين نوصل للحبل المنوي، وبعد كده نربط الأوردة المنتفخة اللي عاملة الدوالي، وبيسبب مشاكل كتير زي:
- مش هنقدر نوصل لكل الأوردة اللي مسببة الدوالي زي الأوردة الصغيرة والدقيقة، وده هيخلي دوالي الخصية ترجع تاني بعد فترة من العملية.
- ومش هنقدر نحافظ على الشريان الخصوي وقت العملية، وده هيسبب لنا ضمور للخصية.
3. الأشعة التداخلية:
تعتبر أسوأ طريقة ممكن تفكر تعمل بيها عملية دوالي الخصيتين:
- التعرض للإشعاع: لأن في الأشعة التداخلية احنا بنحط المريض تحت جهاز الإشعاع (c-arm) حوالي ساعة إلا ربع وده بيخلينا نعرض الخصية لجزء كبير جداً من الإشعاع، وده طبعاً هيضر الخصية وهيأثر على إنتاجها للحيوانات المنوية، وهي أصلاً بتكون متضررة بسبب الدوالي.
- صعوبة الوصول: ده كمان إن في الأشعة التداخلية احنا بندخل القسطرة بتاعة الأشعة من الوريد اللي في الفخذ، وبيكون صعب على القسطرة إنها توصل للخصية اليمنى نتيجة التكوين التشريحي بين الخصيتين، وبالتالي لو الخصية اليمنى فيها دوالي منتفخة، الأشعة التداخلية مش هتعالجها أو هتعالجها بس بصعوبة، ده غير كمان إنها مش هتقدر توصل للأوردة الصغيرة والثانوية اللي فيها دوالي، وبكده نسبة ارتجاع الدوالي بعد العملية هتكون أكبر.
4. الجراحة الميكروسكوبية:
تعتبر أفضل وأحسن طريقة تعالج بيها دوالي الخصية من غير ما تضر الخصية وبنسبة نجاح تصل إلى 70%، لأسباب كثيرة:
- رؤية فائقة الوضوح: لأن في الجراحة الميكروسكوبية بنستخدم الميكروسكوب الجراحي اللي بيكبر الرؤية لحد 25 ضعف، وده بيخلينا نشوف كل الأوردة والشرايين بشكل واضح جداً، وده بيخلينا نحافظ على الشريان الخصوي اللي بيغذي الخصية بالدم، وبكده مش هنضر الخصية.
- ربط شامل للأوردة: وكمان بسبب قوة تكبير الميكروسكوب بنقدر إننا نوصل للأوردة الدقيقة والثانوية ونربطها كلها عشان ميحصلش ارتجاع للدوالي مرة تانية وده اللي مش بيكون موجود في أي طريقة جراحية تانية غير الميكروسكوب.
- حماية الأوعية الليمفاوية: وبنقدر إننا كمان نشوف الشعيرات الليمفاوية وقت العملية، ونتجنب إننا نربطها بالغلط مع الأوردة وبكده مش هيحصلنا قيلة مائية على الخصية.
- سرعة التعافي: وده غير إن العملية مش بتاخد أكثر من ساعة واحدة بس، وبعدها ممكن ترجع بيتك في خلال 3-4 ساعات بعد العملية.
ولو عايز تعرف إمتى تقدر تمارس العلاقة الزوجية وتروح شغلك بعد عملية دوالي الخصية بالميكروسكوب، اسمع الفيديو ده مع الدكتور أسامة البكل…
نصائح التعافي السريع:
وعشان تضمن التعافي بشكل أسرع وتقدر تمارس العلاقة الزوجية في شوية تعليمات ونصائح لازم تلتزم بيها بعد إجراء عملية دوالي الخصية بالميكروسكوب:
- الالتزام بالأدوية والمضادات الحيوية بعد العملية الجراحية
- تجنب المجهود البدني الشديد والأنشطة الرياضية لمدة لا تقل عن أسبوعين
- عدم رفع الأشياء الثقيلة، علشان متضغطش على الخصية ويحصل ألم أو تورم
- ارتداء الملابس الداخلية الطبية، لأنها بتساعد على تحسين الدورة الدموية
- وضع الكمادات الباردة على منطقة العملية للمساعدة في تقليل التورم والانزعاج
التوقيت المناسب للعلاقة الزوجية:
| نوع الجراحة | وقت العودة للعلاقة الزوجية | وقت العودة للعمل |
|---|---|---|
| الجراحة الميكروسكوبية | أسبوع واحد | 3-5 أيام |
| الجراحة التقليدية | 2-3 أسابيع | 1-2 أسبوع |
| جراحة المنظار | 2 أسبوع | 5-7 أيام |
| الأشعة التداخلية | 1-2 أسبوع | 2-3 أيام |
أسئلة شائعة:
هل دوالي الخصية تزول مع الوقت؟
لا تزول دوالي الخصية من تلقاء نفسها أو مع مرور الوقت، في الواقع، قد يزداد الوضع سوءاً إذا لم يتم علاجها.
ما هي درجات دوالي الخصية؟
تنقسم دوالي الخصية إلى ثلاث درجات:
- الدرجة الأولى: دوالي الخصية في هذه المرحلة تكون صغيرة وغير مرئية بالعين المجردة، ولا يمكن اكتشافها إلا من خلال الفحص بالموجات فوق الصوتية.
- الدرجة الثانية: دوالي الخصية في هذه المرحلة تكون أكبر من الدرجة الأولى، والدكتور ممكن يحس بيها من خلال الفحص اليدوي.
- الدرجة الثالثة: هي أخطر درجة من درجات دوالي الخصية، ومضاعفاتها بتكون أكبر، وده لأن الأوردة فيها بتكون منتفخة جداً، والدكتور بيقدر يشوفها ويفحصها باليد.
الفرق بين المنظار والميكروسكوب في عملية دوالي الخصية؟
المنظار:
- يتم إدخال منظار رفيع عبر شقوق صغيرة في البطن، والمنظار يتيح رؤية الأوردة المتضخمة على شاشة
- يستخدم الجراح أدوات دقيقة للوصول إلى الدوالي وربطها أو استئصالها
- قد تكون أكثر صعوبة في بعض الحالات بسبب صعوبة الوصول إلى الأوعية الدموية
الميكروسكوب الجراحي:
- يتم إجراء شق جراحي صغير في المنطقة الإربية أسفل البطن، ويستخدم الجراح الميكروسكوب الجراحي لتكبير الأوعية الدموية بدقة عالية، وبعد كده يتم ربط الأوعية المتضخمة مع الحفاظ على الشرايين والأوعية اللمفاوية المحيطة بها
- نسبة نجاحها عالية وفرص عودتها أقل
الخلاصة:
في النهاية، لازم تكون عارف أن عملية دوالي الخصية عملية سهلة جداً، بس قبل أي حاجة لازم تختار الطريقة اللي تتعالج بيها صح، لأنها مش بس هتخلصك من الألم والوجع اللي عندك في الخصية وهتعالج مشكلة تأخر الإنجاب، ده كمان هتخليك تستمتع بممارسة العلاقة الزوجية وتتجنب أي أضرار أو مضاعفات ممكن تحصلك بعد العملية.
ولو احتجت تتواصل معانا ونحجز لك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني، تقدر تتواصل معانا على الرقم ده 01018874287.
التعليقات
لا توجد تعليقات حتى الآن. كن أول من يعلق!